خالد صلاح

برعاية سوبر كورة

سوبر كورة

محمد صلاح العزب

الكحكة فى إيد البطريق عجبة

الأحد، 05 مارس 2017 08:00 م

مشاركة

اضف تعليقاً واقرأ تعليقات القراء
أشهر إيفيه بايخ فى مصر حاليا أنه لا يوجد أتعس من بطريق صحى من النوم الصبح فى القطب الشمالى وجاله عقد عمل ففرح جدا، لحد ما اكتشف إن الشغلانة جت له فى مول مصر، والإيفيه زميله فى البواخة إن العيال المصريين لما شافوا البطريق قالوا لأمهم البطة بتستعبط وواقفة على رجليها.
 
ليه كده يا مصريين؟! ليه نعمل كده فى بعض، وليه نستكتر على نفسنا شوية تلج وشوية بطاريق وشوية نضافة؟! طب نعمل إيه؟! لا المول النضيف عاجب، ولا أكوام الزبالة قدام المدارس عاجبة، ولا حتى الإسكان الاجتماعى المتوسط عاجب.
 
أنا شخصيا مع النضافة، ومع دخول استثمارات من هذا النوع فى مصر، حتى لو بشكل استهلاكى، ومعنديش مانع إن لقاء البطريق يبقى بـ150 جنيه، مادام مش هيقابله غير اللى قادر يدفع، يمكن تبقى فاتحة خير ونبدأ نقلد العالم وننتج ونبيع ونصدر.
 
لا تستكثروا المولات ولا البطاريق ولا النضافة على المصريين، مش يمكن برضه تبقى فاتحة خير ونعمل تبادل مع القطب الشمالى؟! هم يدونا بطاريق وإحنا نديهم مصريين؟!
تحب تحجز؟!!

مشاركة

اضف تعليقاً واقرأ تعليقات القراء

لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة