خالد صلاح

عماد متعب يستقر على الرحيل عن الأهلى فى الصيف

الخميس، 30 مارس 2017 10:00 ص
عماد متعب يستقر على الرحيل عن الأهلى فى الصيف عماد متعب
كتب محمد عراقى

مشاركة

اضف تعليقاً واقرأ تعليقات القراء

استقر عماد متعب مهاجم  الأهلى على الرحيل عن الفريق بنهاية الموسم الجارى لأحد الفرق التى طلبت ضمه، فى ظل ضيقه من عدم مشاركته وقلة حصوله على فرص لعب مقارنة بما يحدث مع زملائه المهاجمين.

عماد متعب ما زال قادرًا على العطاء 

عماد متعب أكد للمقربين أنه بتصريحاته الأخيرة أراد توصيل رسالة للجهاز الفنى بأنه لن يقبل دور الموظف والابتعاد عن المستطيل الأخضر، مشددًا أنه يرى أنه ما زال قادرًا على العطاء واللعب أكثر من 60 دقيقة فى كل مباراة على الأقل، واصفًا حديث الجهاز الفنى له بـ"التنويم المغناطيسى" الذى لن يقبله مجدًا.

عماد متعب يُجدد للأهلى موسمًا 

وجدد عماد متعب مؤخرًا للأهلى لمدة موسم إضافى فى ظل انتهاء عقده مع الفريق لأحمر بنهاية الموسم الجارى إلا أن عماد متعب يرفض البقاء داخل القلعة الحمراء كضيف شرف مؤكدًا أنه ما زال قادرًا على العطاء لمدة 3 سنوات على الأقل.

عماد متعب مطلوب فى بتروجت 

 حسن شحاتة المدير الفنى لبتروجت يترقب موقف الأهلى مع عماد متعب  بعد تصريحات الأخير التى أكد فيها رغبته في الرحيل حال استمرار سياسة عدم مشاركته سوى فى دقائق قليلة مطالبًا إدارة بتروجت بالتعاقد الفوري مع عماد متعب حال اتفاقه مع ادارة الأهلي على الرحيل لتدعيم هجوم الفريق البترولي في الموسم الجديد، مشددًا أن متعب ما زال مهاجم مصر الأول وما زال قادرًا على العطاء.


مشاركة

اضف تعليقاً واقرأ تعليقات القراء

التعليقات 10

عدد الردود 0

بواسطة:

د. أحمد

فكر بعقل يا عماد

فكر كويس جدا في تاريخك المشرف مع الأهلي، و فكر في مكانتك كنجم في الاهلي، و فكر في كونك رمز من رموز الأهلي، سنة عدم لعب و إعتزال مبكر كمان سنة ليست خسارة كبيرة مقابل خسارة الأهلي طول العمر كله، و أمامك الحضري مثال حي علي ذلك، و أيضاً حسام و ابراهيم حسن باعوا تاريخهم مع الأهلي و حب الجماهير رخيص جداً جداً.

عدد الردود 0

بواسطة:

ahmed

سنة الحياة

لاعب كبير وعمل تاريخ كبير , بس للسن أحكامه ومتعب مابقاش زي زمان وفقد الكثير من السرعة والقوة ومستواه الحالي يجعله بديل وليس أساسي بالفريق وعليه أن يتقبل الأمور علي هذا الشكل , وإذا لم يقتنع فليرحل بكل احترام وتقدير من الجميع

عدد الردود 0

بواسطة:

أحمد الاهلاوى

مع ألف سلامة

بالسلامة و القلب داعي ليك و لا هو انت هتفضل تلعب انت و غالى 100 سنة وتقولى قادر على العطاء.. عطاء ايه يا أبو عطاء ده أنت أخرك ربع ساعة جرى و لو كل واحد بيفكر زيكم مفيش ولا ناشئ سيلعب في الفريق الأول أفتكر نفسك يوم ما اتصعدت و لعبت مع الفرق الأول كان عمرك كام سنة و الان أصبح اللعيبة الصغار بيبقى عندهم 23 سنة ومش عارفين ياخدوا فرصة و بيمشوا من النادى ......لو دامت لغيرك ما كنتش جات لك.

عدد الردود 0

بواسطة:

AHmed

موقف الاهلى غريب

فى ظل عدم وجود مهاجم صريح وقوى فى الاهلى ومع ذلك متعنت مع متعب اللى معروف انه بيخلص وهو مش مطلوب منه يجرى 90 دقيقة فى الملعب ده مهاجم وهو مثلا حسام حسن اشهر الهدافين كان بينزل يجيب كرة من نص الملعب المهاجم الناجح اللى قاعد فى ال 18 انما اللى بينزل ده بيستهبل وفرصه فى التهديف اقل باستمرار

عدد الردود 0

بواسطة:

المعلم

أين المشكلة؟

اللاعب أعطى الأهلي كثيرا، ووجهة نظر المدير الفني تحترم، فلماذا البعض يهاجم اللاعب لأنه يريد اللعب في فريق آخر؟ كل إنسان حر، خاصة أنه لم يهاجم الأهلي ولا جمهوره!! مع السلامة يا كابتن عماد. وربنا يوفقك.

عدد الردود 0

بواسطة:

شريف عاطف

يا جماعة حقه

اولا تاريخه مش هايضيع ولا حاجة خالد بيبو ختم فى بتروجت ومحمد فاروق واحمد بلال وعلاء ميهوب وغيرهم كتير ماختموش حياتهم فى النادى الاهلى بس طالما مش عايزين يديله فرصته وهو حاسس انه قاد يدى يبقى يشوف فرصة فى مكان تانى طالما الاهلى مش مستفاد منه ولا هايضيع تاريخه ولا الكلام الكبير ده بالتوفيق لعماد متعب فى اى مكان يقدر يثبت نفسه فيه

عدد الردود 0

بواسطة:

osama

خلصنا بقى

انت فكرتنى ب 25 يناير اما الشعب كان بيقول امشى بقى . وااله جمهور الاهلى مش عاوزك

عدد الردود 0

بواسطة:

مهندس / صلاح

قرارك جاء متأخرا يا عماد !

ارحل والأندية كثيرة تطلبك ، وهى دى عادة الاهلى أم سيشتريها ؟ الاهلى ضحى بعشرات النجوم فى عز تألقهم ، والاهلى عايز مصلحته وبس وهذا حق له ، وانت كمان شوف مصلحتك وبالتوفيق ونحن نحبك ونقدرك ونستمتع بلعبك فى أى نادى ، برافو متعب على قرارك بالرحيل .

عدد الردود 0

بواسطة:

جوجا

مع الفين سلامة

مع الفين سلامة كفاية ابتزاز

عدد الردود 0

بواسطة:

صابر النجدى

اهدا ياعمده

انظر للامور بحكمه شويه وشوف ازاى الاهلى بيكرم ابنائه ازاى وشوف طاهر ابو زيد والخطيب وخالد بيبو ونجوم كثر بطلوا كوره عشان النادى الاهلى وكفايه مكانتهم فى قلوب جماهير الاهلى واحنا بنحبك ياعمده

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة