على خلفية ما حدث من اغتصاب طفلة لا يتعدى عمرها العشرين شهرًا، طالب أطباء النفسية بتخصيص مراكز للتأهيل النفسى للأطفال المعتدى عليهم جنسيًا فى مصر، حيث قال الدكتور محمد هانى، استشارى الصحة النفسية والعلاقات الأسرية، إنه لابد أن يكون هناك تأهيل نفسى للطفل ودور الأسرة يكون قويًا فى هذه المرحلة ويفهموا الضحية أن ما حدث خطأ والجانى شخص لا يتمتع بالإنسانية.
وشدد هانى، فى تصريحات خاصة لـ"اليوم السابع" على ضرورة أن يكون هناك مراكز نفسية للأطفال خاصة فى هذه الجوانب، لأن عدم الاهتمام بنفسية الطفل وسلوكه مثل المراهقين والشباب أمر فى غاية الخطورة والاعتداء الجنسى على الأطفال، أصبح أمرًا يحدث كثيرًا مؤخرًا.
وأضافت الدكتورة أسماء عبد العظيم، أخصائى العلاج النفسى، أنه لا يوجد مراكز متخصصة لتأهيل الأطفال بعد الاغتصاب فى مصر، ولا توجد أبحاث تطرقت لعلاج نفسى للأطفال لأن فى كثير من الحالات يرفض الأهل الكشف عنها ويشعرون بالحرج، ولكن الذهاب لطبيب نفسى فى مستشفى بشكل عام أفضل من التوجه لمركز متخصص على الرغم من ضرورة وجوده لتأهيل الأطفال الضحايا.
وأكدت عبد العظيم، أن العلاج يجب أن يكون طبيًا ونفسيًا واجتماعيًا، ويفترض ألا ينصب الناس على فكرة أن الطفل المغتصب يجب أن يكبر على أن يكون شاذا جنسيا فيتحرج الأهل من الاعتراف، ويجب أن نفهم الطفل الجنس الصحيح ليصبح سويا جنسيا، وعلى الأسرة أن تتعامل بوعى ولا تلوم الطفل أبدًا، وأن يساعدوا الطفل فى التفاعل الاجتماعى لأنه سيكون خائفًا من المراهقين أو كبار السن حسب المغتصب، بسبب "التعميم".
عدد الردود 0
بواسطة:
بنت مصرية
علاج مجتمعى !!
طبعا انا مع الدكاترة فى ان الطفل ضحية الأغتصاب محتاج تأهيل نفسى علشان يفهم الجنس بشكل صحيح , ويفهم ان اللى اغتصبه مجرم واحد مش المجتمع كله , ومفيش داعى انه يخاف من كل الناس ولا يحاول الأنتقام من كل الناس , لأن اللى اغتصبه مكانش كل الناس !! انما الأهم من ده هو ثقافة المجتمع تجاه ضحية الأغتصاب , الثقافة المشوهة دى هى سبب المشكلة الرئيس, لأن المجتمع بيعاقب الضحية وكأن هو المجرم !!أو كأنه مشارك فى اللى جراله !! او على اقل تقدير كأنه خلاص اصبح انسان (معيوب) لا يصح التعامل معاه !! للأسف المجتمع بيعاقب الضحية اكتر ما بيعاقب الجانى !! يعنى مثلا , الفتاة ضحية الأغتصاب محدش بيقبل يتجوزها اذا عرف انه سبق انها اغتصبت !! الولد ضحية الأغتصاب مفيش بنت بتقبل تتجوزه !! اللى مراته بتتعرض للأغتصاب بيطلقها !! فى الصعيد اللى بتتعرض للأغتصاب اهلها بيقتلوها !!بعنى ببساطة مجتمعنا بيعاقب المبتلى على بلوته !! فلازم الناس تفهم ان الأغتصاب جريمة زى اى جريمة بترتكب فى حق اى حد , هل ذنب المسروق انه اتسرق !! المفروض انه ذنب اللص مش ذنب المسروق , ليه بنعتبر ان الأغتصاب ذنب الضحية مش الجانى !! ايا كان عمر الضحية وايا كان جنسه , طالما اغتصب يبقى هو اللى غلطان !! يعنى مثلا الطفلة ضحية الواقعة البشعة دى , غالبا اهلها هيسيبوا البلد ويروحوا على بلد تانية محدش يعرفهم فيها وينكروا تماما صلتهم بالموضوع , علشان يهربوا من الفضيحة , ويعرفوا يجوزوا البنت لما تكبر !! طيب فضيحة ليه هى البنت ذنبها ايه ؟؟ متفهمش اهو هو مجتمعنا تفكيره كده !! فطبعا وجود ضحية الأغتصاب فى مجتمع دى ثقافته , بيخلى من الصعب عليه بل من المستحيل تخطى الأزمة اللى هو فيها , لأنه ديما نظرة المجتمع ليه بتفكره بيها , فيبتدى يلوم نفسه , وبعدها يلوم مجتمعه , واما انه يخاف من كل الناس , او يعادى كل الناس ويحاول ينتقم من اللى اغتصبه فى صورتهم , يا جماعة المتعرض للأغتصاب ضحية , كان ممكن اى واحد منكم يبقى مكانه , زى ماهو ممكن اى حد منكم يبقى ماشى فى امان الله يطلع عليه لص يقتله ويسرقه , فى الحالة دى يبقى هو ذنبه ايه ؟؟ متشاركوش المجرم فى جريمته بأنكم تسيبوه وتلوموا المجنى عليه , اتقوا الله فى مشاعر خلق الله .
عدد الردود 0
بواسطة:
ام عـــــمـــــــر
مهزله
ده علي اساس ان الطبيعي أن يكون في اطفال مغتصابين لا ولسه هيكون حسبي الله ونعم الوكيل ليه بقي متعملوش مركز يضاعف فيه عقاب المغتصبين وتخلوهم عبره لمن لا يعتبره كام قضيه اغتصاب تعرضت لها نساء مصر واطفالها... وكام قضيه تم فيها الحكم بما يرضي الله يا بلد عايزه ضمير ??