طالب المهندس خالد صبرة، العضو المنتدب لشركة المترو، إسقاط الديون المتراكمة على الشركة منذ بداية 2015 لصالح شركتى الكهرباء والمياه، حتى يتمكن المرفق من استغلال الفائض المتوقع تحقيقه فى الإيراد بعد زيادة سعر التذكرة فى تحسين الخدمة بدلا من استغلال معظمه فى تسديد هذه الديون.
وأضاف العضو المنتدب لشركة المترو فى تصريحات لـ"اليوم السابع" أن شركة الكهرباء قامت بزيادة الأسعار عليها بنسبة 240% عما كانت متعاقد عليه مع المترو، مستطردًا: "شركة الكهرباء لو كانت التزمت ومرفعتش الأسعار علينا كان الديون المستحقة لها دلوقتى 70 مليون جنيه مش 260 مليون جنيه".
وأوضح العضو المنتدب لشركة المترو، أن الديون المستحقة لشركة الكهرباء 260 مليون جنيه، والديون المستحقة لشركة المياه 40 مليون جنيه، متابعًا: "نريد من الدولة إسقاط هذه الديون عن الشركة وأن تتحمل الجهات جزءا من الخسائر التى تحملها المرفق بسبب الفرق فى قيمة التذكرة.. لا أن يتحمل المترو الخسائر وحده الناتجة عن الفرق بين قيمة التذكرة وتكلفتها الفعلية".
وأكد العضو المنتدب لشركة المترو أن الفائض فى الإيراد بعد زيادة سعر التذكرة سيتراوح بين 15 و20 مليون جنيه شهريًا فقط، وسيتم توجيهها لصالح سداد الديون المتراكمة على الشركة والتى وصلت إلى 512 مليون جنيه.
عدد الردود 0
بواسطة:
MMM
لا سدد الديون اللى عليك بدل ماتروح على المكافات والاكل والشرب زهقتونا
حرااام
عدد الردود 0
بواسطة:
مصرى
هو فى خيار وفقوس
اسقاط ديون المترو خيانه هو انتو سمعتوا ان الكهرباء ولا المياه اسقطوا ديون على اى مواطن عادى زيكم زى الشعب ولا انتم على راسكم ريشه المترو وقلتوا بيخسر وزودتم التذاكر يبقى زى الرجاله كده ادفعوا اللى عليكم.. مع إنى مشربتش كوب ماء فيه.. ولو دخلت الحمام لا مؤاخذه بدفع.
عدد الردود 0
بواسطة:
محمد
ولسه النهب مستمر
فى الاول عايزين يزودوا سعر الذكره علشان المديونيات للكهربه والميه وبعد ماتمت الزياده عايزين اسقاط ديون الكهربه طب نهر الفلوس بتاع التذاكر هيتنهب مكفآت ومرتبات للسواقين اللى ياعينى مرتباتهم فى الشهر 11الف جنيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عدد الردود 0
بواسطة:
ايمن عبدالعزيز
ياعيني علي الغلابه
بتوع المترو دول مساكين السواق بتاع المترو اللي بكثيره معاه مؤهل متوسط بياخد 11000 جنيه فما بالك بالسيد العضو المنتدب ياعيني تلاقيه بكثيره بياخد له عشره مليون جنيهفي الشهر دول يجيبوا ايه ولا ايه والمفروض الشعب يتبرع لدفع مكافات وحوافز الغلابه بتوع المترو
عدد الردود 0
بواسطة:
زائر
نطالب باسقاط الديون عن المصريين الذين لا يتعدى مرتبهم 2000جنيه شهريا
التعليق فوق
عدد الردود 0
بواسطة:
وليد
رأى حر
أنا من رواد المترو وارفض مطلقا إسقاط جنيه واحد من مستحقات شركات المياه والكهرباء لأنه حق الشعب ولابد يسدد خاصة ان المياه إستخدام شخصي للعاملين بالمترو في ظل ارتفاع أجور العاملين بالمترو أما الكهرباء فيمكن الجدولة خاصة مع ارتفاع قيمة التذكرة 100% وارفض زيادة الاجور
عدد الردود 0
بواسطة:
دكتور محمد جيييم
يعنى شحات ، ونصاب ، وحرامى ؟؟!!
صحيح .ياما جاب الغراب لأمه . مجايبك ياشريف يابو سماعين !!!
عدد الردود 0
بواسطة:
مواطن زيي زيكم
تعليق محشور في زوري
مبدئيا دا كلام اونطة، والغرض أغلب الظن هيكون مبرر لعدم تسديد الديون بغض النظر أسقطت أم لا. مرفق المترو لا يمكن قطع المياه والكهرباء عنه، ولا يوجد فوائد على الدين. وهيكون الوضع كالأتي: لم نسدد للتطوير ولم نطور لسداد الديون. إن الزيادة بالكاد لتغطية المصروفات والمستحدثات (مرتبات ودلع)، أصلا لو تم حل المشكلة بشكل صحيح، ناس كتير هتزعل سواء موظفين المترو أو المواطنين المنتفعين بالخدمات والأسم حل المشكلة وفعليا معملش حاجه وأهي ماشيه