انتقد النائب مصطفى بكرى، قرار وزير النقل بزيادة قيمة سعر تذكرة مترو الأنفاق لـ2 جنيه بدء من غدًا الجمعة، مشيرًا إلى أن نواب البرلمان عندما طرح عليهم الأمر لم يوافقوا عليه داخل لجنة النقل، متسائلًا: "فكيف يتم تطبيقه؟".
وقال بكرى، خلال برنامجه "حقائق وأسرار" المذاع عبر فضائية صدى البلد، إن الوقت الحالى لا يسمح برفع سعر تذكرة المترو على الإطلاق، نظرا للظروف الاجتماعية الصعبة التى يعانى منها المواطن، مردفًا: "ذوى الاحتياجات مكنوش بيدفعوا، هندفعهم ليه دلوقتى؟ وليه أفرض زيادات على الناس التعبانة جدًا، واللى مش حاسس بكده يبقى مبيشوفش".
وتابع عضو مجلس النواب، موجها حديثه للحكومة: "الناس مش لايقه وبتكمل عشاها بكاء، والناس بالكاد بتلاقى لقمة عيش حتى تاكلها حاف، فمنجيش نفرض عليهم إجراء زى ده، استنوا شوية على الناس، الناس مش لاقيه تتنفس، والناس ملت وضجت ومستحملة علشان عندها ثقة فى كلام الرئيس السيسى".
وأشار بكرى، إلى أنه يدرك خسارة مترو الأنفاق، لكن إذا كان هناك إمكانية لحماية الناس فيجب تطبيقها، لتخفيف الأعباء عليهم.
عدد الردود 0
بواسطة:
مهندس / صلاح الصاوى
انت ممكن تدفع الديون من حسابك الشخصي
بلاش متاجره بمشاعر الناس ياعم بكري. انت ممكن تدفع ديون المترو من حسابك الشخصى اللى جمعته من ليبيا والخليج وأمريكا
عدد الردود 0
بواسطة:
ابو احمد
من امتى بياخدو رايكم
هوه من امتى بياخدو راى مجلس النواب زعلان علشان المترو الخاص بالقاهره فقط كنت تزعل على الدواء او الارز او السكر او الزيت او اللحمه او الفراخ او السمك او ----او -----ممكن اكتب لغاية بكره هما بياخدو رايكم فى حاجه واحده وهى اسقاط العضويه عن نائب فقط
عدد الردود 0
بواسطة:
مشمش
بل قل...ان كل قرارات الحكومه ..تصدر ..بدون موافقه البرلمان...بالطبع بالمخالفه الصارخه للدستور
جزيرتى تيران وصنافير مصريتان ..يا بكرى
عدد الردود 0
بواسطة:
محمود عبد الجواد
ياأستاذ مصطفي
ياأستاذ مصطفي هنا في سويسرا ومعظم دول اوروبا قطاع السكك الحديدية شبة مستقل علي الرغم انه يتبع الدولة. وقبل نهاية كل عام يخرج علينا رئيس الهيئة ليعلن عن زيادة في أسعار التذاكر وليس من الضروري ان يذهب الي البرلمان. وانا مش عارف المفروض ان البرلمان واجبة تشريعي ولا كمان يجب ان يتدخل في كل كبيرة وصغيرة. وعلي فكرة خطوط المواصلات في سويسرا من أحسن وأعظم خطوط مواصلات في العالم وتعرف لماذا ياأستاذ مصطفي لان المواطن يقوم بدفع مايجب دفعة وتقوم الهيئة المنوطنة بتقديم هذة الخدمة المميزة.انني بحق اتعجب نريد كل شيئ خدمة ممتازة ونظافة وعند السؤال عن المشاركة لتقديم كل هذة الخدمات يخرج علينا من يخرج ويقول الناس غلابة وحرام عليكم. اتقوا اللة في مصر ويجب ان يشارك الجميع بنهضة بلدنا وعلي الجميع صغير وكبير تحمل المسئولية وكفانا ثرثرة في الكلام لأنة حان وقت العمل والتضحية ياأستاذ مصطفي لاننا ليس بأقل من شهدائنا ورجالنا من القوات المسلحة والشرطة الذين يبذلًون الغالي والنفيس من اجل رفعة مصرنا الحبيبة. اذا لن تحل مشاكل هذا البلد الا بالقرارات الحاسمة ولا اعتقد ان 2 جنية سوف تكون عبئ علي احد. وتحيا مصر
عدد الردود 0
بواسطة:
M0HAMD
الى رقم 4
حضرتك قارن بين مستوى الدخول فى البلدين ...........
عدد الردود 0
بواسطة:
مشمش
الى 4,,)** الكلام ده موجود عندنا بالنمسا....ولكن الشعب المصرى يخلف 7*8*10..اطفال واصرفى يا- حكومه
...
عدد الردود 0
بواسطة:
الدكتور ماهر كامل
وما دخل البرلمان فى ذلك يا فالح !!
الوزير لا يحتاج البرلمان لزيادة سعر تذكرة المترو ... هذا قرار وزارى و ليس قانون ليحتاج برلمانك ...فوق بقى
عدد الردود 0
بواسطة:
عادل سلمان
مصطفى بكرى
هما سكان العاصمه يتمتعو بالمترو والاسعار المخفضه وباقى الشعب يتحمل قيمه الخسائر ليه وايه هيه الخدمه الى باقى الشعب بيتمتع بيها فى المواصلات زى سكان العاصمه
عدد الردود 0
بواسطة:
احمد عبد الحميد
كفى مهاترات
معظم مؤسسات القطاع العام بتخسر ومفيش داعى تخسر المترو كمان يا بكرى وتحمله اعباء تساهم فى تقويده . يعنى هى جت على المترو ياعم بكرى لا احد يثق فى كلامك ولا زعيقك وكفى مهاترات . خاللى الناس تشتغل.ولا تضع العصا فى العجلة
عدد الردود 0
بواسطة:
ابراهيم الفايق
أيه ده بقى !!!!!!
ايه ده يا عم الوزير .. انته كده بتعجل بقرب نهايه وزارة النقل .. وزرا كتير قبلك مقربوش للتذكره علشان عارفين اللى ورا زيادة السعر ايه ؟؟؟ مش لازم القرار يدرس الأول .. وبعدين هتجيب كام الزياده يعنى ..علشان محسسنى انها اللى هتسدد ديون المترو ؟؟؟ طب فيه حاجات تانيه ممكن تتعمل وتجيب اضعاف اضعاف الزياده وبرضه مش هنيجى عند المواطن المطحون المعدووم اللى بقى مش لاقى ياكل .. حرام عليكو ,, القرار خاطئ خاطئ .... خاطئ .. جواز عتريس من فؤاده بااااطل ..باااااطل .. بااااطل .......