على عكس ما يشيعه الرجال من أن النساء ملكات للدراما وأكثر ميلاً للكآبة أو "النكد" نثبت لك أن النساء بإمكانهن أن يجدن السعادة حتى فى تلك التفاصيل اليومية المتكررة، وبإمكان بضعة تفاصيل صغيرة جدًا أن تسعد المرأة لأبعد حد.
ومن أجل أن نثبت لك ذلك، وتزامنًا مع احتفالنا باليوم العالمى للسعادة، سألنا النساء عن أسباب السعادة التى ربما لن يتمكن الرجل أبدًا من أن يفهمها أو يجربها، وإليك الإجابات.
"أول ركلة للجنين"
على الرغم من أنها لم تختبر الزواج ولا الحمل بعد، إلا أن "ولاء عبد المنعم" تؤمن أن هناك سببًا للسعادة لا يمكن لأى رجل أن يفهمه أو يجربه وتقول: "حاسة إن إحساس أول خبطة للنونو جوا بطن الأم شيء لا يوصف ولا عمر أى راجل هيفهم أو يحس كمية الجمال دا".
ركلة جنين
"سبت غسيل فاضى.. والأولاد نايمين"
كأم عاملة كانت أسباب "أسماء الحسينى" للسعادة موجودة فى التفاصيل اليومية التى تشير إلى انتهاء مهامها على أكمل وجه، وتقول: "أول ما الولاد يناموا بتبسط أوى، بخطط لحاجات كتيرة عشان أعملها لكن للأسف كل الخطط بتفشل لأنى بنام".
تضيف: "بنبسط لما ولادى يكونوا إجازة من المدرسة عشان ما بعملش موال كل يوم الصبح، وبنبسط جدًا لما سبت الغسيل يكون فاضى".
طفل نائم
"أشترى هدوم جديدة وشكلى يبقى حلو"
أما "منى السبكى" فتقول: "من أسباب انبساطى إنى أروح سينما لوحدى، أكل فشار بالكراميل، وإنى أجيب هدوم جديدة وشكلى يبقى حلو".
"فستان جديد وشوكولاتة من بابا وهو مروح البيت"
تجد أسماء جمال فى علاقتها بوالدها الكثير من أسباب السعادة وتقول "فرحت جدًا لما بابا حقق لى حلمى وخلانى أجرب أكل من عربية فول، وبفرح لو بابا رجع البيت معاه شوكولاتة ليا".
تفرح أسماء أيضًا حين تشترى فستانًا جديدًا ويخبرها الناس بأنه جميل، و"أتصور صور وتطلع حلوة".
"ريحة المنظفات فى إيدى"
أما "كاريمان" فتشعر بالسعادة من "رائحة الكلور والمنظفات لما تكون لسة باقية على إيدى. ده معناه إنى حطيت كمية كبيرة والمكان بقى حلو ونظيف، ولما أبص للستارة البيضاء وتكون لسة بيضاء فعلاً.. ده شيء بقى يبهجنى جدًا. ولما تكون كل حاجة فى مكانها".
"اقعد ممدة وماحدش يطلب منى حاجة"
عن أسباب سعادتها تقول لمياء شاهين: "مع دوشة الشغل وابنى أكثر حاجة بقت تسعدنى عدم المقاطعة، خصوصًا وقت الأكل أو الشرب أو النوم. كونى أقعد ممدة مش بتكلم ولا حد بيطلب منى حاجة دى بقت أكتر حاجة تبسطنى".
الراحة والاسترخاء
"وصفة تجميل ناجحة"
ببساطة تجد "أمانى حسين" سعادتها فى نتائج وصفة تجميل لشعرها أو بشرتها وتقول "بنبسط لما أعمل ماسك لشعرى وألاقيه بيلمع، وأعمل ماسك لوشى وألاقيه حرير".
كذلك نور سيف الدين التى تقول "بنبسط بالميكب، أو إنى أغير لون شعرى وقصته. والرقص طبعًا والمفاجآت أكيد بتفرح خاصة لما تبقى فى دايرة اهتماماتى. والشوبنج لما الاقى حاجات حلوة.. والحب".
لم تذهب "يسرا أحمد" بعيدًا عن المكياج وتقول: "أكتر حاجة بتبسطنى وأنا بجهز الصبح، الحجاب يتظبط من أول مرة ورسمة الآيلاينر".
"قعدة البنات"
أما فيرى عادل فقالت باختصار: "أكثر حاجة بتبسطنى قعدة البنات والرقص والتهييس".
"اللبس الصيفى مظبوط"
أما "يمنى محمود" فأكثر ما يسعدها بعد هذا الشتاء الطويل والمشكلة التى يعانيها الجميع مع الشهية المفتوحة للطعام فى الشتاء فهى "لما أطلع اللبس الصيفى والاقيه مظبوط عليا".
"كلمة بحبك على غفلة"
وفى النهاية تقول سحر المندراوى: "أكتر حاجة بتبسطنى لما أسمع كلمة بحبك على غفلة من غير ما أطلب من أى حد".
تم أضافة تعليقك سوف يظهر بعد المراجعة