على غرار "اللى عنده معزة يربطها".. سلفى: "اللى عنده بنت يحجِّـبها"

السبت، 18 مارس 2017 11:12 ص
على غرار "اللى عنده معزة يربطها".. سلفى: "اللى عنده بنت يحجِّـبها" سامح عبد الحميد الداعية السلفى
كتب كامل كامل

مشاركة

اضف تعليقاً واقرأ تعليقات القراء

 

طالب الشيخ سامح عبد الحميد الداعية السلفى، إلزام الطالبات بالحجاب والحشمة، مستشهدًا بالكلمة الشهيرة التى أحدثت جدلا خلال الفترة الماضية قائلا :"بعد واقعة "اللى عنده معزة يربطها" أقول "اللى عنده بنت يحجِّـبها".

 

وطالب "عبد الحميد" فى بيان اليوم السبت، وزير التربية والتعليم بإلزام الطالبات بالحجاب والحشمة ، وفصل الذكور عن الإناث في مختلف مراحل التعليم" مضيفًا:"على وزير التعليم العالي الاستفادة من التجربة الناجحة في جامعة الأزهر ، وذلك بتخصيص كليات للطلبة فقط ، وكليات للطالبات فقط، وفي هذا حل جذري لمشكلات التحرش فى الجامعة ، ومنعًا لأي مظهر من مظاهر الفساد الأخلاقى".

 

وأضاف :"هذا يحفظ حياء البنات ويحمي خصوصياتهن من الابتذال ، ولا يصح السماح بالاختلاط لأنه يُؤدي إلى مفاسد شرعية وأخلاقية واجتماعية، وقد صدرت فتوى مهمة من دار الإفتاء المصرية بالحجاب للتلميذات .

 

 
 









مشاركة

التعليقات 10

عدد الردود 0

بواسطة:

محمد العيسوي

التربية والاخلاق قبل الحجاب

اذهبوا عند محلات الشيشة وشاهدوا علي مدار اليوم المأساه الام وبناتها بيشتروا شيشه لكل واحدة.ام زي دي مش لاقي كلام اقوله. ده غير البلاوي اللي في القهاوي الأم وبناتها كل واحدة ماسكة شيشة.يبقى الاخلاق قبل الحجاب بس المشكلة اخلاق مين الام والا الأب والا العيال.

عدد الردود 0

بواسطة:

محمد العيسوي

التربية والاخلاق قبل الحجاب

اذهبوا عند محلات الشيشة وشاهدوا علي مدار اليوم المأساه الام وبناتها بيشتروا شيشه لكل واحدة.ام زي دي مش لاقي كلام اقوله. ده غير البلاوي اللي في القهاوي الأم وبناتها كل واحدة ماسكة شيشة.يبقى الاخلاق قبل الحجاب بس المشكلة اخلاق مين الام والا الأب والا العيال.

عدد الردود 0

بواسطة:

Mohammed

تعليق

عيب ما وصلناش لكدة ! كفاية كلام فى الدين والجنس وياريت نركز فى الانتاج ورفعة البلد ونشتغل ما مانتكلمش !

عدد الردود 0

بواسطة:

بنت مصرية

الحجاب لله وليس للمجتمع !!

يا شيخ سامح لو انت عايش معانا هنا على كوكب الأرض , كنت عرفت انه مفيش اى علاقة بين الحجاب وبين الألتزام بالأخلاق !! على فكرة للأسف وانا بقول للأسف , 80 % من الساقطات محجبات !! غير ان البنت لما تتحجب علشان اهلها عاوزينها تتحجب او علشان مدرستها عاوزاها تتحجب , بيبقى الحجاب بالنسبة لها عقاب فرضوه اهلها او مدرستها , ما بتصدق تلاقى فرصة علشان تتخلص منه !! زى الزى المدرسى كده , هو فيه طالب او طالبة بيلبس الزى المدرسى بمزاجه ؟؟ او بيخرج مع اصحابه مثلا لابس الزى المدرسى ؟؟ هو بيشوف ان الزى المدرسى مكانه المدرسة وبس واول ما بيخرج من المرسة بيخلعه !! انا لما كنت طالبة فى الجامعة كنت بشوف العجب بسبب الأهل اللى بيفرضوا الحجاب على بناتهم على غير رغبتهم , كانت البنت تيجى مع ابوها فى اول العام الدراسى علشان تحجز فى المدينة الجامعية , محجبة , لابسة طرحة وبلوزة واسعة وجيبة طويلة وجزمة فلات , اول ما ابوها يسيبها ويرجع بلدهم , تانى يوم وهى رايحة الكلية , قسما بالله لو ابوها ده شافها ما هيعرفها !! بنطلون ليجنز , بدى او بلوزة ضيقة , ميك اب , والشعر الغجرى المجنون يسافر فى كل الدنيا !! طيب ليه نبتزل الحجاب ونحوله الى يونى فورم بتلبسه البنت علشان ترضى اهلها او ترضى مجتمعها , بينما علاقتها بربنا انه مش فى حساباتها اصلا , ممكن تكون مبتركعهاش ولا بتمسك مصحف ولا بتصوم فى رمضان اسبوع على بعضه !! انما محجبة !! بالنسبة لأستشهادك بتجربة جامعة الأزهر فى منع الأختلاط اللى انت شايف انها بتحافظ على الأخلاق , فأحب اقولك ومع احترامى لجميع الأزهريين , وبدون قصد اهانة لأى حد , اولا واخيرا كل فرد مسئول عن تصرفاته , ولكن الشىء بالشىء يذكر , امشى حضرتك قدام جامعة الأزهر وقت العصرية , وقت خروج الطالبات , هتلاقى شارع الجامعة ده من اوله لآخره , اتنين اتنين , ايام ما كنا طلبة كنا مسميين كوبرى جامعة الأزهر , سكة العاشقين !! او شارع العشاق !! يبقى اذن برضه منع الأختلاط فى الجامعة كان محرض على الأختلاط بره الجامعة !! ويمكن لو مكانش اتمنع داخل الجامعة مكانش هيبقى بالشكل ده !! اللى عاوزه اقوله يا شيخ , ان الأخلاق لا تفرض من احد على احد , الأخلاق تنبع من داخل تفكير ووجدان صاحبها , مهياش مجرد تعليمات بتتنفذ , اللى بيتمسك بالأخلاق بيتمسك بيها لأنه انسان خلوق بطبعه , الأخلاق جزء من تركيبته النفسية , ايا كانت قوانين مجتمعه برضه هيتمسك بالأخلاق لأنه بيتمسك بيها لأنها طبعه , مش لأنها مفروضة عليه من حد , اللى بيقرر يعيش بالحلال وميسرقش , بيعمل كده لأنه بطبيعته شريف وممكن يموت من الجوع لكن مستحيل يسرق , مش لأن القانون هيحبسه لو سرق , والدليل على كده ان فيه غيره بيسرق مع وجود القانون ده برضه !!

عدد الردود 0

بواسطة:

Abdo

هو الحل

الحل الوحيد العوده الي القيم الاسلاميه وكفانا ما عنيناه من تعاليم الغرب وكل ما صد ه لنا علي سبيل الانفتاح والتحرر هو اكذوبه لانه يعلم جيدا ان الاسلام لو طبق بقيمه لساد المسلمين العالم ولكنه قسمنا الي سلفي وسني وصوفي شيعي لانه يعلم ان في الاتحاد قوة

عدد الردود 0

بواسطة:

فرعون

اللى عنده

و اللى عنده سلفى زى دة يربطه

عدد الردود 0

بواسطة:

البرئ

السر

ما هو السر وراء ظهور هذا الشيخ فى الصحف و القنوات؟

عدد الردود 0

بواسطة:

بيبرس

اشكال

الاشكال دي مفيش في ادمغتها غير البنات والستات

عدد الردود 0

بواسطة:

مهندس / صلاح

يا شيخ سامح : إذهب لدكتور أسنان يبيض لك أسنانك !

ومستعد احاسب لك أجرة الطبيب ، توجد صورة أخرى للأخ سامح وهو مغلق الفم ، بلاش صورته المنشورة مفتوح الفم زى الشاروقة بتاعة الفرن ، شكله مش لطيف !

عدد الردود 0

بواسطة:

علي

لا مانع

في جميع دول العالم يتم تحديد زي الطالبات والطلاب في جميع المراحل الدراسية (خاصة الإلزامية منها). وهذا دور وزارة التربية قبل التعليم.

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة