قال عمر هريدى، المحامى مقيم دعوى حل اتحاد الكرة، إن ثروت سويلم المدير التنفيذى لاتحاد الكرة لم يكن يملك الدعوة لانتخابات الجبلاية التى أجريت، وذلك طبقاً للائحة، مضيفا: "إجراءات العملية الانتخابية فيها خطأ فى عمليات رصد أصوات التجميع والفرز.. والمفروض أن تكون ورقة الانتخاب ورقة واحدة وفيها منصب الرئيس والنائب والعضوية ويكون الصوت كامل فى الورقة دى".
وأضاف "هريدى"، فى تصريحات تليفزيونية مع الإعلامى سيف زاهر ببرنامجه "خاص مع سيف" على قناة أون سبورت، أن تباين الأصوات فى المناصب يعد احتسابا بالبطلان الجزئى للأصوات، والأهلي قضى ببطلان انتخاباته لنفس السبب، موضحا أنه على استعداد للتراجع عن تنفيذ الحكم فى حالة طلب مسئولى الزمالك وجماهير النادى تراجعه فى قضية الحل.
ورد مجدى عبد الغنى، عضو مجلس إدارة اتحاد الكرة، على ما قاله هريدى قائلاً: "مفيش حاجة اسمها الزمالك يقولك اتنازل تتنازل.. وهذا شأنك.. المشكلة إن الاتحاد المصرى لكرة القدم انتخاباته كان فيها اتنين مندوبين من الاتحاد الدولى، وفى إجراءات قانونية هتم طبقا للقانون المصرى".
عدد الردود 0
بواسطة:
حمادة بيومي
ما دخل الزمالك
أنت تبحث عن كرسي معين ومش عارف يبقي بلاش تحكمها في الزمالك وتراضي مرتضي عيب انت مش صغير
عدد الردود 0
بواسطة:
samy
هتموت يا مجدى
هتموت يا مجدى على المنصب هو موش عمل تطوعى ولا الحكاية فيها إن مالك ومالك الزمالك أبعد لحسن أسد الزمالك ياكلك شكرا سيادة المستشار ربنا معاك
عدد الردود 0
بواسطة:
محمد
مهزلة بكل المقايس
عمر هريدى بيقول لو الزمالك قالى أتنازل هتنازل . ما تقول كدة من الأول مرتضى بيه مش عارف يجيب الإتحاد تحت رجليه ومش ماسك عليهم أى حاجة بعت صبى عندة شأنه شأن اى واحد فى الشارع يرفع قضية والكوميدى إن الإتحاد هيوكل مرتضى يدافع عنه اللى هو أصلا صاحب الفكرة .. ومرتضى بدوره هيفاوض الإتحاد ويملى عليه شروطه ويقوله الماتش يتعاد ولجنة التحكيم تبقى على هوايه أنا .. بس العجيب فى الموضوع كله ولا مرتضى ولا هريدى ولا الإتحاد .. العجيب وبزيادة هو محمود طاهر اللى مش سامعينله صوت ولا اى فعل .. الله يرحم أيامكم يا صالح سليم انت وحسن حمدى كانوا بيقفوه قدام أتخن تخين فى البلد بأمارة مبارك
عدد الردود 0
بواسطة:
صلاح الدين
ايه الكلام ده
عمر هريدي بتاع شو وخلاص من ايام ما كان في مجلس ادارة الزمالك وعايز كميرات ولا خلاص ايه الكلام ده كله انت كسبت قضية خلاص خلي عندك مبدا ايه الي دخل الزمالك والجمهور ومجلس الادارة هو جمهور الزمالك قلك ارفع قضية ايه الغباء ده ارحمنا واقسم بالله كنا اترحمنا منك لما غرت من مجلس الادارة كنت علي طول في الاعلام وعلي فكرة دايما راكب الموجة شخصية تلفزيونية ارحمووووووووووووووووونا يرحمك الله
عدد الردود 0
بواسطة:
د. محمد محمود
العملية تدار بالبركة
مع احترامي للجميع ... اعتقد ان حوارات الاعضاء تؤكد مهزلة رياضية ... ليس هناك اهداف واضحة لأي منهم ... ولكن الواجهة الاجتماعية وتهليب ما يمكن من الاتحاد وعمل برامج في التلفزيونات هم السبب الحقيقي لاغلب الاعضاء ... اسف مرة اخري ادارة اللعبة تحتاج الى ناس فاهمة وقادرة على العطاء في منظومة .. ليست سبوبة ... فمن يكون سيف زاهر ... بالصدفة وجدناه ومن هو عمر هريدي وايه قدمة سابقا او حاليا او مستقبلا ... ومجدي عبد الغني عامل فيها ابو العريف ... وسحر وحازم عليهم احكام وغيرهم اهم حاجة الجولات الانتخابية قبل الانتخابات ويظبط الناس علشان يتم اختياره .... لكن حيعمل ايه مفيش .. مهم يكون عنده مكتب في اتحاد الكرة ويعمل لنفسة شهرة وبرستيج ... للاسف القرف من منظوة الرياضة كبيرة ... الناس مش لاقية تاكل والهايفة تلهي الناس في موضوعات غبية ليس لها قيمة ... والايام ماشية ببركة ربنا على الناس
عدد الردود 0
بواسطة:
احمد
كده
ياحلو بانت لبتك بعد ماتشالت قشرتك