أكد رمضان صبحى لاعب ستوك ستى الإنجليزى، أنه خضع لاختبارات ناشئ نادى الزمالك قبل الانضمام للأهلى، نظراً لقرب القلعة البيضاء من منزله على عكس المارد الأحمر الذى يبتعد كثيراً عن محل إقامته.
قال رمضان، خلال تصريحاته لبرنامج "القاهرة أبو ظبى" عبر شاشة "أون سبورت": "نادى الزمالك كان جنبنا، وأنا كنت أهلاوى لكن والدى قالى روح نادى جنب البيت، ورحت أختبر فعلاً وفى اليوم الأول كان مجرد جرى فى الملعب، واليوم الثانى خضنا تقسيمة، وما اتذكره جيداً أن طوال التقسيمة لم يشاهدنا أحد وكان المدربين جالسين يشربون الشاى فقط".
أضاف رمضان: "عقب انتهاء التقسيمة التى لم تستغرق 3 دقائق، قام المدرب واختار عدد من الناشئين وتركنى وحدى تماماً، فسألته: "طب وأنا إيه"، فقال لى: "لا أنت مبتعرفش تلعب كرة أصلاً".. وخرجت من النادى حزين لأننى كنت أرى أننى أحب الكرة وتمنيت أن أسمع شيء يفرحنى عكس ما قيل لى".
عدد الردود 0
بواسطة:
اسكندراني
ويقولك نادي الفن والهندسه
ههههههههههه ورئيس ناديهم برده ما رضاش بمحمد صلاح وقال ده ما ينفعش للزمالك. نادي عباقره عشان كده كل مدربي المنتخبات المصريه من هذا النادي الفلته. عشان مدرب مستهتر ما اتفرجش علي التقسيمه او ما بيفهمش اساسا في الكوره خسر ناديه 6 مليون دولار و20% لو ستوك باع رمضان لنادي تاني ( يعني كله علي بعض يعدي ال 150 مليون جنيه مصر ) شفتم ,شخص واحد ممكن يضع مؤسسه او يرفعها للسما
عدد الردود 0
بواسطة:
ahmed
احمد ربنا انك ما روحتش القلعه البيضاء
كان زمانك زي بسله لا احترفت ولا روحت ولا جيت
عدد الردود 0
بواسطة:
معوض
هذا هو الفرق بين الاهلى وباقى الاندية
ندعوا الله ان يوفقك فى مسيرتك فى الحياة عموما .
عدد الردود 0
بواسطة:
بيكار
فكك من الحوار
فكك من حكاية جنب البيت انا ضنايا لو هشيله علي اكتافي واطلع بيه لاخر الدنيا عن اني اوديه الاهلي واشوفه في يوم من الايام وهوه داخل عليا لابس احمر. واقرب مثال جون انطوي .. واحمد الشيخ بقي هداف الدوري بدل مكان علي الدكة .. انت اللي العيب فيك ودايما مغرور وعلي فكرة في فرق كبير بين كونك واثق من نفسك ومحدد هدفك وانك تكون مغرور .. عموما بكرة تكبر وتشوف بنفسك كل الكلام ده.
عدد الردود 0
بواسطة:
محلل
Mmm
تعليق 4 صح صح أصلا أنت بمعرفة تلعب كرة أصلا وهذه الحقيقة إنما الأهلي عملك سكة بكرة نشوف
عدد الردود 0
بواسطة:
سالم المراغي
لا تجيد سوى الوقوف على الكرة
وأثبتت الأيام أنك لا تجيد سوى الوقوف على الكرة والنوم على الدكة طوال سنة وإلا كذبني وقل لي كم هدف أحرزت منذ رحيلك عن شارع الجبلاية ؟
عدد الردود 0
بواسطة:
محمود مصلح فرحان
رقم 5
رقم 5 بالله عليك عايز تقول إيه ؟ ؟ ؟ ؟ ؟ ورقم 4. ..no comment
عدد الردود 0
بواسطة:
الجندى
الى تعليقى 4و5
على أفتراض أن كلامكم صح ورمضان مش بيعرف يلعب كوره ،، يبقى النادى اللى دفع فيه ملايين الدولارات نادى غبى وبيبعزق فلوسه على الفاضى ،،وصحف انجلترا اللى عماله تمجد وتمدح فيه اليومين دول بقر ومش بيفهموا كوره ، رمضان موهوب مثل مصطفى فتحى وايمن حفنى وغيرهم ولكن كل واحد وله شكل وطريقه فى الملعب ،كفاكم تعصب، وعلى فكره قصة الأختبار اللى ذكرها رمضان أنا متأكد انها حقيقيه وتحدث فى نوادى كثيره .
عدد الردود 0
بواسطة:
مشمش
ايوه يابنى انت ما بتعرفش تلعب كورة
ايوه يابنى انت ما بتعرفش تلعب كورة ...ايوه يابنى انت ما بتعرفش تلعب كورة...ايوه يابنى انت ما بتعرفش تلعب كورة...ايوه يابنى انت ما بتعرفش تلعب كورة>>ايوه يابنى انت ما بتعرفش تلعب كورة >>>> كلامنا واضح مهو مش معقول ان بتاع التنس يقف على كورة التنس يبقى لاعيب تنس ولا كل من وقف على مورة سلة يبقى لاعيب سلة ... ولا المصيبة لو حد وقف على كورة بنج بونج يبقى دوكتور بنج وعموما يابنى لو بالنظرية دى يبقى كل البشر ابطال لانهم واقفين على الكورة الارضية
عدد الردود 0
بواسطة:
مشمش
اخوانى كاذب
..