طالبت فاطمة خضر، مدير مديرية التربية والتعليم بمحافظة القاهرة، المهندس عاطف عبد الحميد، محافظ القاهرة، بتسهيل إجراءات الترخيص الخاصة ببناء المدارس، قائلة، "أنا بضطر أغيب 20 طفلاً فى اليوم لحضور 20 آخرين بالتبادل، لضمان حصولهم على حصصهم كاملة، كما أضطر لتقسيم اليوم الدراسى فى بعض الأحياء الشعبية فى المرج والمطرية إلى 3 فترات مدرسية"، مؤكدة أن الحل للتغلب على ذلك هو التوسع الرأسى فى بناء المدارس وتسهيل إجراءات رخص الهدم والبناء، حيث إن كثافة الفصول فى حى كالمرج تزيد عن 120 طالباً.
وأضافت فاطمة خضر، خلال انعقاد المجلس التنفيذى للمحافظة، اليوم الأربعاء، أن أولياء الأمور فى المدارس الرسمية للغات رفعوا دعاوى قضائية ضد المديرية لمجرد اقتراح تحويل المدارس الرسمية للغات "التجريبيات" إلى فترتين للتغلب على مشكلة الكثافة.
ورد المهندس عاطف عبد الحميد محافظ القاهرة على مديرة المديرية بكلمة واحدة، "أنا مذهول.. أنا مش مصدق اللى بسمعه عن عملية تبادل حضور الطلاب للمدارس"، متسائلا، "كيف يحدث ذلك؟".
عدد الردود 0
بواسطة:
الحل الذهبى انا قلت قبل كدة لوزير التعليم
الحل الذهبى انا قلت قبل كدة لوزير التعليم
الحل الذهبى انا قلت قبل كدة لوزير التعليم الجديد فى مقاله كتبتها هنا فى اليوم السابع نخلى الدراسة على مرحلتين المرحلة الاولا الصف الاول والثانى والثالث لمدة ثلاثة ايام من الساعة السابعة ونصف الى الساعة الثالثة وبعد الثالثة ايام مثل السبت والاحد والاثنين يخدو اجازة ثلاثة ايام وبعد كدة الثلاثاء الاربعاء الخميس يتم حضور الصف الرابع الخامس السادس ويتم توزيع الطلاب على جميع فصول المدرسة فى المرحلتين وكدة نقضى على التكدس ونعطى وقت اطول فى اليوم الدراسى ونستغل المدرسة فى المراجعات والدروس تابعة للوزارة فى الفترة المسائية للطلاب الموجدين فى اجازة ثلاثة ايام وكدة نقضى على السناتر الخاصة والدروس الحصوصية ودخل للبلاد والوزارة والمدرسين فكرة فيها ويارب تعجب المسؤولين ويارب احفظ بلادى
عدد الردود 0
بواسطة:
أنا مذهول
وأنا مذهول
ياريت لما أي مسئول يتكلم يكون يعرف بيقول ايه, التوسع الرأسي في المدارس هو زياده عدد الطلاب في الفصل الواحد أي كثافه الفصول أما التوسع الافقي فهو زياده عدد الفصول وبناء مدارس جديده . وأنا مذهول برضه من التصريحات المغلوطه
عدد الردود 0
بواسطة:
وسام حامد
حل سريع
الحل السريع هو تشغيل المدارس يوم السبت ويتم منح الأجازة للفصول بالتبادل و ستواجهنا مشكلة واحدة هي اعتراض أولياء الأمور على منح أبنائهم يوم أجازة في منتصف الأسبوع أما من يعترض على التوسع الرأسي هو زيادة عدد الأدوار وبالتالي زيادة عدد الفصول و ليس زيادة كثافة الفصول
عدد الردود 0
بواسطة:
اسلام
لا ذهول
الطبيعى يا سياده المحافظ ان حضرتك عندك علم قبل المنصب والطبيعى ان حضرتك عندك حل مش بتعرض المشكله علينا علشان نحل الا اذا كنت حضرتك من بلد تانيه غير بلدنا بلاش كلام اعلام دون حل
عدد الردود 0
بواسطة:
......
؟؟؟؟؟؟؟
هو سيادتك لسه جاي تكتشف الكارثة اللي التعليم فيها دلوقتي وتبقى مذهول دلوقتي ، الحقيقة احنا اللي مذهولين من مستواك انت والمحافظين و الوزراء زمايلك ، خلليتوا الناس بتتمنى عهد الفساد قصاد العشوائية و الجهل و الضعف في اتخاذ القرارات اللي بنشوفه منكم ، ابقوا اتفرجوا على يوسف بطرس غالي و هو طالع في التليفزيون عشان ينقل خبرته للناس ، ادي اللي انتم وصلتونا اليه وتقوللي مذهول
عدد الردود 0
بواسطة:
مذهول المصرى
بصراحه يابا الحاج احنا كمان مذهولين من اختيارك لمنصب محافظ بالرغم مما احيط بك من شبهات فى اماكن اخرى
كنا متوقعين ان مصر هتستغنى عنك فى اخر تطهير لكننا ذهلنا من سرك الباتع اللى اتسبب فى بقاؤك فى منصب محافظ اكبر عاصمه فى الشرق الأوسط
عدد الردود 0
بواسطة:
مذهول المصرى
بصراحه يابا الحاج احنا كمان مذهولين من اختيارك لمنصب محافظ بالرغم مما احيط بك من شبهات فى اماكن اخرى
كنا متوقعين ان مصر هتستغنى عنك فى اخر تطهير لكننا ذهلنا من سرك الباتع اللى اتسبب فى بقاؤك فى منصب محافظ اكبر عاصمه فى الشرق الأوسط
عدد الردود 0
بواسطة:
مصري
و ما خفي كان أعظم !
و ما خفي كان أعظم !
عدد الردود 0
بواسطة:
رانيا
في كل حتة
ده اللي حاصل في مدرسة عائشة بنت ابي بكر الابتدائية بالقلج تابعة لادارة الخانكة الفصل 118 تلميذ والعيال بتعيط من كتر التعب بسبب الواقفة علي رجله ومش لاقي مكان يقعد
عدد الردود 0
بواسطة:
حازم
الى رقم 1
الله ينور عليك - بس مين يسمع - على العموم عملت اللي عليك - واهو يمكن الافكار الحلوة تبتدي تهل