شن مرتضى منصور رئيس نادى الزمالك، هجوماً عنيفاً على ثلاثى الفريق، أيمن حفنى ومصطفى فتحى وإسلام جمال، بعد إعلان دعمهم لمحمود عبد الرازق شيكابالا عقب استبعاده من المشاركة فى مباراة السوبر والمقرر لها يوم 10 فبراير الجارى بأبو ظبى.
وقال مرتضى، خلال تصريحاته لبرنامج "مساء الأنوار" عبر شاشة "أون سبورت": "الاستهتار وعدم الانضباط مش هيمشى معايا، وغرمت كل لاعب 100 ألف جنيه، وأنا مستحملك يا أيمن يا حفنى 6 أشهر تعبان، والأخ مصطفى فتحى رايح يتعالج فى ألمانيا ومستحملينك، وإسلام جمال الجهاز الفنى طلب استمرارك وقعدناك كده.. وأى لاعب هيبقى عنده صفحة على مواقع التواصل الإجتماعى ويكتب عليها أى كلام هيتغرم 100 ألف جنيه".
أضاف رئيس الزمالك: "شيكابالا مش عارف أعمله إيه تانى، ومستنيه يرجع وأعقد معه جلسة واشوفه عايز إيه بالظبط، عايز يبقى حارس مرمى ولا مدير فنى علشان أعرف أتعامل معاه إزاى".
عدد الردود 0
بواسطة:
محمد
ليس على المريض حرج
قبل كل ماتش للزمالك مع الأهلي هذا الشخص اما يثير نادي الأهلي بلسانه السليط أو يفتعل مشاكل مع لاعبيه والغريب انه كان مختفي الفتره اللي فاتت وظهر اول امس حتي يؤدي دوره فعلا مريض بالشهره
عدد الردود 0
بواسطة:
MMMMM
ينفع كدة
يا مرتضي بية يا محترم ينفع اللي انتي بتعملة دة طالع تهاجم وتشتم اللاعيبة قبل مباراه مهمة مع غريمك الأهلي انت مش بتفهم خالص كدة دة لو عيل صغير مش هيعمل كدة ....مع العلم انا من مؤيدينك بس اللي بيحصل ده مش ينفع مبروك للاهلي السوبر وأفتكر كلامي يا مرتضي بيه .....لنا الله
عدد الردود 0
بواسطة:
مشمش
اطمنك بهزيمه مروعه فى المباراه بعد هذه التصريحات الغير مسؤله على كبار لاعبى الزمالك وخللى حلمى ينفعك
...حلمى مدرب تعبان على ما تفرج
عدد الردود 0
بواسطة:
Wael mohamed
تخلف مرتضي
والله انت يا مرتضي مختل عقليا ومكانك مستشفي الامراض العقلية
عدد الردود 0
بواسطة:
محلاوي
مرتضي يعاير اللاعبين بالمرض
السيد مرتضي يقول فلان تعبان ومستحملينك والتاني رايح يتعالج بالخارج. وأقول له عندما طلب الزمالك ضم هؤلاء اللاعبين أكيد قام بتوقيع الكشف الطبي عليهم والفحص الشامل لهم يعني أخدهم صاغ سليم. واذا أصيب أحدهم خلال فتره التعاقد بالمرض أو الإصابه لا بد من ارجاع الشئ الي أصله. وهو محامي يعرف ذلك جيداً لكن الشماته بالمرض والاصابه. ليس هنا محلها. واحذر أن يصيبك مرض أو إصابه بسبب دعوات المظلومين
عدد الردود 0
بواسطة:
زملكاوي صابر علي التخلف
ارحمنا واسكت مره قبل مباراة قوية
انت صبرت علي أيمن المؤدب 6 شهور واحنا صبرنا سنين ومش عاوزينك . ده كلام من واحد مسؤول وعضو برلمان قبل مباراة مهمة . وعامة اللعابية مصدر السعادة والكل عارف انهم أحب لينا منك . افهم مره واحده في حياتك ان الجمهور مش طايقك . الأهلي باداراته علي مر السنين ما سمعنا لهم صوت اتعلَّم منهم او هات مدرس خصوصي يعلمك. شيكابالا انت غيران منه لان احنا بنحبه اما انت نفسنا اليوم اللي يجي وتمشي فيه . غيرت مدربين ولاعيبة يا اخي المشكلة فيك انت غير نفسك وامشي انت وأعضاء العائلة الكريمة
عدد الردود 0
بواسطة:
محمد عبدالحفيظ
هو مقصود
كل مرة قبل ماتش الاهلى يحصل كدة هى مقصودة بقى حرام كدة. كدة عمرك ما هتاخذ دورى ولا كأس وعليه العوض لم الناس حوليك يا مرتضى بية. الناس عندها يقين انك قاصد تكسر الفرقة بعد الماتش قول واضرب. ... بس قبل الماتش ما ينفعش يا سيادة المستشار وشكرا
عدد الردود 0
بواسطة:
زيزو
بيعيير اللعيبة
ربنا يطول ايامك فى الزمالك من اهلاوى