انسحب اللواء عادل الغضبان، محافظ بورسعيد، اليوم الأربعاء، من اجتماع قيادات التربية والتعليم لاعتماد نتيجة الشهادة الإعدادية بعد غضبه من قيادات المديرية بسبب الدروس الخصوصية، رافضاً اعتماد النتيجة بقوله "أنا مش هشارك في التمثليية دي".
وقال محافظ بورسعيد، إن المدرس الذي يعتاد على الدروس الخصوصية يكون أخطر من السوس الذى ينخر في العظام؛ مضيفاً أن مثل هذا المعلم يعيش على دم كل أسرة؛ قائلاً "هو كدة بينهش فى عضم وعرض كام أسرة" .
واصطحب "الغضبان" طفلة فى الصف الأول الإبتدائى أمام قيادات التربية والتعليم، وأجرى حوارا معها حيث أنها تأخذ درساً في 3 مواد بـ 150 جنيها، فيما تعمل والدتها بعقد موسمى وتتقاضى 180 جنيها شهريا.
وانفعل المحافظ بعد انتهاء اللقاء مع الطفلة ووالدتها على قيادات التربية والتعليم، موجهاً اللوم عليهم فى عدم المقدرة على السيطرة بالدروس الخصوصية .
.jpg "محافظ بورسعيد يوبخ القيادات")
محافظ بورسعيد يوبخ القيادات
.jpg "محافظ بورسعيد ينسحب من الاجتماع")
محافظ بورسعيد ينسحب من الاجتماع
.jpg "اجتماع محافظ بورسعيد وقيادات التربية والتعليم")
اجتماع محافظ بورسعيد وقيادات التربية والتعليم
.jpg "جانب من الاجتماع")
جانب من الاجتماع
عدد الردود 0
بواسطة:
راجحي محمد محمد أبو النور ندا
مافيا الدروس الخصوصيه بمدينة الروضة دمياط
اقسم بالله انت اجدع محافظ ياريت الكل يحتذى بك وانا مستعد لأى لجنة تيجى المدينة الروضه وانا امشى معاهم على مركز مركز للدروس الخصوصيه وللاسف الكل يعرف مكانها ومطنشين ودن من عجين والتانى من طين اقسم بالله مدرسين الثانوى عندنا فى الروضه شيدوا منازل وركبوا عربيات اباهتهم نفسهم ماكانوش لاقين حمار اعذكم الله يركبوه منين كل المبالغ دى ورثوها عن ابائهم ام هبطت عليهم من السماء وانا من هنا برفع مذكره لوزير التربيه والتعليم والسيد وكيل وزاره التربيه والتعليم بدمياط للتحرى فى اللى انا قلته انا / راجحى محمد محمد ابو النور ندا من مدينة الروضه مركز فارسكور محافظة دمياط واتحمل جميع المسائل القانونيه التى تخص هذا الموضوع
عدد الردود 0
بواسطة:
جمال محمد عبدالله احمد
تحيه وتقديرواحترام .
الف مليون تحيه وتقدير للراجل المحترم اللواء محافظ بورسعيد وهذا شئ طبيعى من رجال وطننا العزير القوات المسلحه مدرسة الوطنيه واتمنى ان يحذى كل المحافظين نهجه . السيد اللواء /عادل الغضبان المحترم لك منى كل التقدير والاحترام .
عدد الردود 0
بواسطة:
ياسر عثمان
محافظ محترم
اشكرك على موقفك المميز وخرجوا ان تثبت عليه وتكون قدوه لغيرك
عدد الردود 0
بواسطة:
محمد كمال مدرس رسم
منظره كدابه وتصرف مضحك
انا مليش علاقه بالدروس الخصوصيه بحكم انى مدرس رسم ثانيا تصرف المحافظ مضحك جدا هل المحافظ اكتشف فجأه ان مصر فيها دروس خصوصيه وايه علاقه اعتماد النتيجه بالدروس الخصوصيه ثالثا الدروس الخصوصيه حلها يحتاج الى قرارات صريحه وواضحه اهمها تقليل كثافه الفصول مش معقول الفصل فيه80 طالب تغير شكل ومضمون الكتب المدرسى ويكون مماثل فى الشكل والمضمون للكتب الخارجيه والنقطه دى حط تحتها الف خط عشان اصحاب المصالح عوده الانضباط والثواب والعقاب رفع راتب المعلم مش معقول مدرس ليه 20 سنه فى التربيه والتعليم مرتبه 2000 جنيه هناك اكتر من طريقه للقضاء او تقليل الدروس الخصوصيه مش تقولى عدم اعتماد النتيجه
عدد الردود 0
بواسطة:
Lolo hassan
مش معنى انك تمنع الدروس يبقى تظلم الطلاب
طيب وهوا احنا كده ك تلاميذ ايه زنبنا أننا نفضل مستنين الشهادة كل ده علشان نعرف حلينا كويس ولا لا والله حرام كده يعنى احنا نفضل طول الترم دروس ومذاكرة علشان الدرجات دى وهوا ميرداش يعتمدها علشان يعرفنا الدروس دى بناخدها ب فايدة ولا لا
عدد الردود 0
بواسطة:
كريم
رجل ابن رجل
تحية لكل صاحب ضمير حى
عدد الردود 0
بواسطة:
مهندس / صلاح
أولى ابتدائى ويأخذ درس !
تبقى هزلت ، ويا للهول ، ويا لهوى ،واسكندرانى !
عدد الردود 0
بواسطة:
نجاة نور الدين
لنا الله
يعنى سيادة المحافظ معلق النتيجه ومش عاوز يعتمدها إلا لما يصلح موضوع الدروس..ذنب ولادنا ايه يفضلوامتعلقين كده ومتوترين..وهم مش عارفين النتيجه والله كده حضرتك أحبطت الأولاد ...وولادناملهمش ذنب فى المهزلة اللى بتحصل دى..
عدد الردود 0
بواسطة:
ايهاب ذكي
ينهار ابيض
الموضوع سهل في طريقتين تقليل كثافه الفصول ورفع راتب المعلم الزي يساوي راتب فراش في الوزارات الاخري .راتب يكفيه .انا مدرس عندي اربع اولاد راتبي 2100 جنيه ايجار الشيخ 1200 جنيه قولي اعيش ازاي بالالف جنيه في وسط غلاء رهيب .زود الراتب واسجن اليدي دروس وارفده من الشغل وعين بدل منه خريج جديد