قال المهندس طارق قابيل، وزير التجارة والصناعة، إن الحكومة تلقت أكثر من 6000 طلب لتخصيص أراضى صناعية أغلبها من المناطق الصناعية مثل العاشر من رمضان والسادات، موضحًا أن الحكومة مستعدة لطرح أراضى صناعية بالمجان فى الصعيد.
وأضاف الوزير خلال اجتماع لجنة الصناعة بالبرلمان المنعقد الآن، بحضور وزير الصناعة، وعدد من ممثلى جمعيات مسثتمرى الصعيد، لمناقشة فرص الاستثمار الصناعى بصعيد مصر: "لو معايا فلوس ابنى الأرض دى تانى.. كل واحد عايز أرض صناعية فى أى مكان من جمهورية مصر يبعت طلب عايز الأرض دى فى المنطقة الفلانية.. وتلقينا أكثر من 6000 طلب، والطلبات فى الصعيد قليلة وممكن يكون سببها إنه فيها أراضى صناعية كثيرة هناك، وأكثر طلبات عالية كانت من العاشر من رمضان والسادات لأنها مناطق صناعية كبيرة".
وتابع: "محافظتا قنا وسوهاج هياخدوا طفرة كبيرة جدا وباقى المناطق سنطرح المصانع اللى الرئيس عبد الفتاح السيسى قال عليها ونحسن ترفيق المناطق المحتاجة تتحسن وأى حد النهاردة عايز صرف هيلاقى، وهناك قرار صدر من مجلس الوزراء والضوابط بتاعتها، وأى محافظة حقها تدى أرضى مجانا لكل الصناعات فى الصعيد والأرض دى مرفقة ببلاش، وبالنسبة لأراضى وادى السدادية فى المنيا نطرحها ببلاش خصوصا أنها غير مرفقة وتخص الصناعات التعدينية".
وقال وزير التجارة والصناعة: "لازم تبقى عارفين دا قرض هنسدده، نطرح الأول الأراضى نشوف عدد الناس المتقدمة وبناء على ذلك نبنى".
