هى حكومة الباشمهندس شريف إسماعيل لسه ما اتغيرتش؟!.. آه طبعا، لسه، يعنى بذمتك ممكن نلاقى وزراء شبه الأيام اللى إحنا عايشينها أكتر مثلا من الهلالى الشربينى الهلالى، وزير التعليم؟ ولا حلمى النمنم، وزير الثقافة؟ ولا محمد على مصيلحى، وزير التموين، أعتقد صعب، هؤلاء هم الرجال الأنسب والأليق لشكل الأيام الحالية.
سيبك من التغيير الوزارى، فزيد مثل عبيد، وصدقنى لن تفرق إذا شالوا ألدو أو جابوا شاهين، ففى كل الحالات الوزراء مش لاعبين أصلا، لكن لماذا تمارس فينا الحكومة سياسة «الحفر على الناشف»، طب ع الأقل كلمتين حلوين فى الأول، لماذا لا نغير هذه السياسة العقيمة إلى سياسة «المرهمة»، والتمهيد قبل الفعل، خصوصا إذا كان الفعل بهذا العنف والقسوة والافترا؟!
الإخوة الأفاضل فى حكومة أم الدنيا، هو حضراتكم خرس؟ ولا واكلين سد الحنك؟ ولا مستكبرين تكلموا الناس، كل يومين لعب جديد بمقدرات ومعايش الناس، ورفع لأسعار السلع، ولعب بالجنيه، ورفع للدعم، ومفيش مسؤول يوحد ربنا يطلع يقول للناس هم بيعملوا إيه فى البلد.
الإخوة الأفاضل فى حكومة مصر، الموشكون على الإطاحة بهم إلى غير رجعة، لا تحرمونا على الأقل من خطاب وداع يليق بكم.
عدد الردود 0
بواسطة:
الكاتب الصحفى احمد المالح
مواصفات الوزير
شكلك سمعت حاجة يا محمد بيه عن ال 3 وزرا دول.فى النهاية هناك مواصفات للمسئول او الوزير او القيادى ..اولا ان يكون نشيطا مجتهدا ..ومن التكنوقراط يعنى خدم فى مجاله لستوات عديدة ..ثانيا ان يكون متواضعا خدوما للناس .محققا لمصالحهم غير متعالى عليهم فاهم واهم صفة لدى الوزير يجب ان تكون التواضع ..ثالثا .الفكر والرؤية والمرونة .وسرعة اتخاذ القرار المناسب فى الوقت المناسب .وعدم التأثر باراء الاخرين ..وانطبعاتهم ..وقبل كل ده نظافة اليد ..والقرب من الله ..ملحوظة بعض المسئولين فى التربية والتعليم ..يحتاجون الى تغيير .سريع جدا ان لم يتغيروا .ويغيروا من .افكارهم وتعنتهم ..ويتركوا الفرصة للشباب للادارة .فى المرحلة القادمة ..وما زال البعض ..من المسئولين تحدثه عن حقوق البعض فيقول لك معاك واسطة ولا لا ..وهم معروفون وبالاسماء ...كل ما نتمناه ان .يتغير الجميع للاحسن .وبما يحقق المصلحة العامة وزيخفف على الجميع من معاناتهم ..خاصة فى المجالات الحيوية التى ذكرتها .حنى نصنع مستقبل افضل لمصر ان شاء الله ..وكل التمنيات بقوز المنتخب المصرى غدا ببطولة افريقيا قول يا رب
عدد الردود 0
بواسطة:
ابوالعريف
جمهورية ابوالعريف
بهذه الجمهورية الدوله غير ملتزمه بإعطاء ميزانيات للوزارات ما عدا الخدميه منها وهي وزارة واحده الصحه.الوزير بها يتم تعيينه على اساس المؤهل ولا يقبل اقل من درجة ماجستير هو ومن حوله من السادة المستشارين.جمهورية ابوالعريف لا يوجد بها شيئ اسمه البدلات سو بدل واحد وهو بدل تحقيق ارباح.جمهورية ابو العريف تجدد لوزائها بناء على مبدا اقتصادي الوزارة الخاسره يقال وزيرها ويسدد بعض الحسائر من ممتلاكاته الخاصه هو والفريق المساعد له.جمهورية ابوالعريف لا تعتمد على الضرائب بل على الانتاج.جمهورية ابوالعريف تعمعم الخاص ولا تخصص العام.
عدد الردود 0
بواسطة:
مواطن
زمن الهربق
زمن الهربق
عدد الردود 0
بواسطة:
حمدى علي الجمال
الحكومه غلبانه زي الغلابه
حكومه ايه ياباشا دول شويه شطرنج بيلعب بيهم واحد بس دماغه كبيره هنلوم عليهم ليه ومش خرس عشان ابو دماغ شايفهم سامعهم يبقي نسال مين واللي يعصلج ويتمرد نبعتله الاداريه ونفضحو وشفتهم واسالو اخر حاجه الازهر دخلنا عشان نطوق