شهدت منطقة الرماية التابعة لدائرة قسم شرطة الهرم، حادثة تصادم قبل أيام، كان بطلها المطرب الشعبى "أبو الليف"، الذى صطدم بسيارته الملاكى عربة كارو كان يستقلها رجل يدعى "حمدى"، يبلغ من العمر 45 سنة، ونجله الصغير الذى يدعى "مصطفى" وعمره 15 سنة، وتسبب الحادث فى وفاة الأخير متأثرا بجراحه داخل المستشفى، ويرصد "اليوم السابع" الموقف القانونى للمطرب الشعبى "أبو الليف" بعد الحادث.
يقول المحامى والخبير القانونى ممدوح عبد الجواد، إن الاتهامات التى توجهها النيابة العامة فى تلك الحالات هى، اتهامات القتل والإصابة الخطأ، مشيرًا إلى أن القتل الخطأ والإصابة الخطأ جنحة، تتراوح عقوبتها فى قانون العقوبات بين سنة و3 سنوات، وقد تشمل العقوبة غرامة تقديرية للمحكمة.
وأضاف "عبد الجواد" فى تصريح لـ"اليوم السابع"، أنه إذا صدر حكم بإدانة "أبو الليف"، سيكون من حقه الاستئناف على الحكم الصادر ضده، ويتم تحديد موعد لنظر القضية أمام محكمة الاستئناف التى تقع فى النطاق الجغرافى لوقوع الحادثة، وهى محكمة جنح مستأنف الهرم، التى يكون حكمها نهائيا.
وأكد المحامى ممدوح عبد الجواد، أنه فى حالة تصالح المجنى عليه مع المتهم، فإن النيابة العامة تحيل القضية إلى محكمة الجنح، وفى أول جلسات المحاكمة تنظر المحكمة الدعوى، ويقر الطرفان بالتصالح، فتصدر المحكمة حكمها بانقضاء الدعوى بتصالح الطرفين.
كانت النيابة العامة قد أصدرت قرارا بإخلاء سبيل الفنان "أبو الليف" بكفالة 5 آلاف جنيه، بعد الاستماع لأقواله، والتى أكد خلالها أنه كان يسير فى طريقه وفوجئ بعربة كارو يقودها شخص وبجواره شاب صغير فى العقد الثانى من عمره، تسير عكس الاتجاه، فحاول مفاداتها إلا أنه اصطدم بها عن غير قصد، ما تسبب فى انقلاب العربة وسقوط الشخصين أرضا.
عدد الردود 0
بواسطة:
واحد
المفروض ابو الليف يقاضي العربجي و المحافظة
الاول لانه ماشي عكس الاتجاه و اتلف سيارته و الثانية لانها مازالت تسمح بالكارو في شوارعها
عدد الردود 0
بواسطة:
محمد
كلنا مع ابو الليف وطظ فى الى مات
قريت الموضوع واستغربت كله خايف على ابو الليف وطظ فى الى مات عيل صغير لو مكانه ابنك والابنه كان الموضوع اختلف يبقى ايه مش حرام لو الواحد ياخد باله من الناس الى فى الشارع انا معايه عربيه وفى يوم خبطت عيل 12 سنه وكان هوا الى غلطان وقفت ونزلت واطمنت عليه وعرضت عليه اخده المستشفى ورغم ان العربيه الاكصدام بايظ والكوتش علشان دخلت فى الرصيف علشان افديه رغم انى كنت فرحان انه سليم وهايرجع لاهلو سليم طظ فى العربيه المهم صحه واحد
عدد الردود 0
بواسطة:
moh
سير الكارو فى الشوارع وعكس الاتجاة يتكرر كثيرا
رحمة الله على من مات وياريت نتعلم من هذا لاننا كلنا تتعرض لهذا الموقف ولابد من ضبط السير للكارو و لكل من يسير عكس الاتجاة
عدد الردود 0
بواسطة:
B.Ezzat
ياسيدى مش فارقة معاك حياتك احترم نفسك علشان عربيتى فارقة معايا
طبعا دى حياه انسان ربنا يرحمه ..... بس فعلا بتوع الكارو و التكاتك و الموتوسيكلات و التروسيكلات و غيره بايعين الدنيا و فاكرين السير عكس فهلوة و انجاز و فى داهيه اى حاجة تانى و غير كدة بيخطفوا موبايلات و شنط و غيرة و طبعا ماشى عكس محدش هيعرف يجيبه و فى حوادث كتير بتعملها التكاتك ممكن تقولولى بتعرفوهم ازاى من بعض طب ادام حضرتك يا مسئول مديله فرصه يمشى فى شوارع العاصمة العمومية ممكن تقوللى لو عمل مصيبة هاتجيبه منين ؟؟؟؟؟؟ انا من سكان شبرا مصر , على شارع شبرا العمومى التكاتك ماشيه عكس طب لما واحد منهم اخبطة هايهمنى حاجة غير ان انسان غير مسئول موت نفسه و ضرنى وضر عربيتى يا سيدى لو مش فارق معاك حياتك عربيتى غالية عندى اوى برجاء يا سادة يا مسئولين من فضلكوا اتخاذ موقف جاد بحزم مع مخالفين القانون
عدد الردود 0
بواسطة:
واحد متغاظ
الى رقم 2، محمد
الموضوع مش أبو الليف ولا غيره، الموضوع هو : الفوضى العارمة فى الشارع المصرى، وكل واحد مفتكر الشارع ده ورثه من والده. هذا العربجى الذى يسير بعربته الكاروه فى عكس الاتجاه، وهو المتسبب فى هذه الحادثة، ويجب محاكمته لأنه السبب. لكن احنا فى مصر بنحاكم "النتيجة" وليس "السبب"، وتأخذنا العواطف : أصل العربجى غلبان وبيجرى على أكل عيشه ! وهذا التسيب والفوضى هى جزء كبير من "تكبيل" المجتمع للتقدم الى الأمام. أحنا أزددنا سؤا وازددنا هرجلة وأغلب الشعب بيحبها فوضى، لأنه فى هذه الفوضى تضيع الحقوق والواجبات ! انظر الى أى ميدان فى مصر، سواء فى القاهرة أو فى أصغر مدينة : الباعة الجائلين وقاذوراتهم يبيعون وبدون نظام، وكل يوم حملات عليهم ولكن يأتون مرة أخرى. هل رأيت فى حياتك شخص يبنى بيته فى نهر الشارع فى أى دولة غير بلدنا مصر ؟ نحن نحتاج الى : النظام، النظافة ونتعلم كيف نقف فى طابور باحترام. احنا شعب بيحب الهرجلة.
عدد الردود 0
بواسطة:
محمد
التعليق رقم 2
لو انا ماشي عكس الاتجاه بعربيه غير مرخصه وواحد ماشي صح خبطنا مش حلوم الا نفسي اني ماشي غلط وعرضت حياتي وحياه ابني للخطر
عدد الردود 0
بواسطة:
محمد
انا محمد صاحب تعليق رقم 2
بص يا جماعه مع احترامى لاختلاف الاراء اى سرعه محدده داخل المدن 30 واى سرعه محدده على الطرق الى مش سريعه 60واى سرعه لاملاكى على الطرق السريع 90 يعنى الباشا لو كان ماشى على 30 وخبط الراجل وابنه والحمار كان كل واحد بقى عنده اصبات خفيفه لكن العربيه الملاكى كانت كمان مخلافه السرعه علشان كده الواد مات كان ممكن ياخد حقه ويحبس الراجل وابنه وكان يلتزم بالسرعه العاديه اما بقى نيجى على الغلط الغلط كتير من تكاتك لاصاحب تكس ممكن يلبس الطريق كله فى بعضه لو شاوره زبون لاصاحب مكروباص ماشى فى نص الطريق لاباعه جائلين لطرق مش صحيحه الموضوع كله غلط بس اهم حاجه روح الانسان بقولك لو فديت قط او كلب على الطريق علشان رحمه ربنا ربنا يرحمك ما ادراك بلانسان
عدد الردود 0
بواسطة:
مفروسة
حراااااااام
عقوبة السير في الممنوع أو عكس الاتجاه يعاقب عليها القانون ويفترض أن في هذه المنطقة شرطي المرور المكلف لذلك لمنع المخالفات حفاظا على حياة الناس اللي هي لاتساوي ما يمكن أن يدفعه أبو الليف أما عقوبة القتل الخطأ فهي دية مسلمة لأهله وطبعا أبو الليف بيحاول يهرب منها بالقضية ولكن بيروح من ربنا فين والديه مقدرة في القرأن الكريم حرام حقوق الناس بيكفي الراجل فقد آبنه ياعالم الظلم ظلمات يوم القيامة
عدد الردود 0
بواسطة:
منين نجيب الصبر
مع فائق احترامى وتقديرى للقضاء المصرى-الحكم ومن اول جلسة سنة مع وقف النتفيذ وغرامة مالية تقديرية
وبعدها أما هو يتراضى مع أسرة المتوفى ويعوضهم ماليا عن شيئ لا يعوض--اما اسرة القتيل ترفع قضية تعويض --وهنا حلنى على ما تنتهى--الضمير والشرف فى مثل هذة القضايا يرجع الى المتسبب فى القتل الخطا--فهل سنرى شجاعة من الفنان أبو الليف تنهى هذة المأساة--أنا عن نفسى اتوقع هذا وخاصة انة حصل على اخلاء سبيل وغرامة
عدد الردود 0
بواسطة:
khaled soudi
ديه مسلمه الي أهله .
بص بقي يعم المحامي والخبير القانوني انصح الحاج ابو الليف انه يدفع ديه للشخص المتوفي ومبلغ كمان للاب وكفي الله شر القانون الوضعي . ( ما كان مؤمناً يقتل مؤمناً الا خطاً ) ودا قتل خطأ والعوض علي الله في اللي راح ونصيبه كدا . فنصيحتي ليك يا يعم الحاج ابو الليف ادفع ديه الولد ومتسمعش كلام الخبير .