بالصور..تعرف على مشروع كهرباء البرلس.. أكبر محطة مركبة فى العالم

عدد الردود 0

المحطات الغازيه

المحطات الغازيه هي محطات تنتج الطاقه بسرعه لسهولة تشغيلها والدخول بها على الشبكة ولكنها تستهلك وقود كثير وهو وقود خاص بها وهي وحدات تنتجها شركات كبيرة مثل جنيرال الكتريك وغيرها - وهي متوفره في الاسواق العالمية ويمكن لأي منشأة شراؤها وتشغيلها ولكن المحطات البخارية المجاورة لها هي الاكثر اقتصاد للوقود لكنها تحتاج لتشغيلها فترة اطول ولها اسلوب آخر في التشغيل - حبذا لو اعتمدنا على المحطات البخارية فهي الاكثر أمان ولكن مع تطوير مصري مثل تمرير مياه التغذيه بمواسير تحت الارض لترتفع درجة حرارتها بدلاً من تمريرها على عادم أو الحرارة الناتجه من المحطات الغازيه حتى نوفر من الوقود اللازم للتشغيل

عدد الردود 0

ربنا يبارك

ربنا يبارك ويزيد من الخير ده ، دول الجنود المجهولين ، مش اللي ظهر صورهم في الخبر بس ، لكن كل عامل اشترك في الموقع ده وفي المشروع ده هو جندي مجهول يعمل في صمت ، فين الاعلام من المشروعات ديه ؟ ، محدش بيجيب عنهم سيرة خالص ولو جاب يبقى خبر مرة واحدة وخلاص ، مفيش متابعة مستمرة يومية علشان الناس تعرف ايه الإضافات اللي بتحصل كل يوم عن اليوم السابق ، الكلام ده مش في المشروع ده ، الكلام ده في كل المشروعات على ارض مصر اللي شغالة من سنوات ولسه هتستمر لسنوات في كل مكان في مصر ، وبعد كده شوية حثالة تقولك ايه لزمتها المشروعات ديه ، وخسارة فلوسها اللي اتصرفت كانت اتصرفت على الناس احسن ، ناس عايزة البلد تفضل عاجزة دايماً ومحتاجة للغير بصفة مستمرة ، مش عارفين ايه اللي الواحد بعمله لما يورث شقة متهالكه ، اول حاجة بيرجع الشقة على الطوب الاحمر وبعدين يبتدي يأسس فيها على نظافة من كهرباء وسباكة وتأسيس للدهانات وبعد كده يشطب الشقة على نظام احدث ، هو ده اللي بيحصل في مصر دلوقتي ، لكن اللي عايز يعيش في شقة قديمة متهالكة يبقى مكانه مش في مصر ده يسيب مصر ويخرج احسن ، علشان اهل البلد اللي عايشين فيها راضيين بكل التأسيس اللي بيحصل في الشقة علشان احفادهم هما اللي هيعيشوا في الشقة بعد تجديدها فطالما هما اللي راضيين ومستحملين يبقى أحفادهم هما الأحق بالعيش فيها لأن اجدادهم هما اللي دفعوا ده من حياتهم ، بالظبط زي قناة السويس اللي اجدادنا هما اللي حفروها بدمهم يا ترى احنا هنرضى نسيبها لغيرنا ولا هنضحي بحياتنا علشانها .

عدد الردود 0

اختلف معك

الأخ العزيز صاحب التعليق رقم 1 اسمح لي ان اختلف معك و اوضح بعض الحقائق و منها الأتي ليس صحيحا ان المحطات البخاريه تستهلك وقودا اقل من المحطات الغازيه لأن كفاءة المحطات البخاريه حتي ذات التنكولوجيا الحديثه و التي تسنخدم الضغوط الجرجه او حتي فوق الحرجه هي علي الاكثر 42% -43% بينما المحطات الغازيه من النوع المستخدم في البرلس و بني سويف و العاصمه الاداريه الجديده فان كفاءة الوحدات الغازية وحدها هي 40% بينما باضافة الوحدات الجرارية المصاحبة لتكون الدورة المركبة و بدون وقود اضافي علي الاطلاق تحسن كفاءتها الي حوالي 60% و بالتالي فان استهلاك الوقود لهذة المحطة هو اقل من مثيلاتها بنفس القدرة و التي تعمل بالبخار فقط بحوالي 45%

عدد الردود 0

الوحدات الغازية

الوحدات الغازية المركبة بمحطة البرلس على حد علمي هى من إنتاج شركة سيمنز الألمانية وهي طراز 8000H ، وهي ذات كفاءة عالية تصل إلى 40% عند ظروف ISO (درجة حرارة للهواء الداخل للضاغط تعادل 15 درجة مئوية ، وضغط جوي قياسي 1013.25 ملبار ورطوبة نسبية 60%) وتصل كفاءة الدورة المركبة كاملة لهذا النوع إلى 60% وهى كفاءة أعلى كثيرا من كفاءة المحطات البخارية والتى لا تتجاوز 42% ككفاءة شاملة تنخفض إلى 40% ككفاءة خالصة ، يزيد على ذلك انخفاض سعر الميجاوات بالنسبة للدورة المركبة عنها في المحطات البخارية إلى حوالي 60% وإن كان العمر الافتراضي لها 25 عاما على عكس البخاريات والذي يصل إلى 40 عاما ، لكن هناك مأخذ على الطراز المركب من الوحدات الغازية أنه الطراز الأحدث وبالتالي ما زال أمامه سنوات ليثبت مدى أدائه اقتصاديا ، إذ أن وحدات سيمنز من طراز 94.3F مازال بها بعض المشاكل مع ارتفاع تكلفة صيانتها وهي الموديل الاقدم ، فما بالنا بتكلفة صيانة هذا النوع من الوحدات والذي سيكون شديد الكلفة علينا خاصة وأن شركة سيمنز معروفة بارتفاع أسعار قطع غيار وحداتها مقارنة بالشركات المناظرة والمنتجة لنفس الطراز وهما شركتي جنرال إلكتريك و متشوبيشى . تلك كانت بعض النقاط حول المحطات المركبة .