خالد صلاح

برعاية سوبر كورة

سوبر كورة

محمد صلاح العزب

شخصية «كبيرة».. سيارتها برقم «واحد»

الإثنين، 20 فبراير 2017 10:00 ص

مشاركة

اضف تعليقاً واقرأ تعليقات القراء
وحد الواحد، تم ضبط تشكيل عصابى يستهدف إيصال قرص ترامادول لكل مواطن، أيون، لكل مواطن، وبشكل حقيقى وليس «شعارا» مثل شعارات الحكومة، والظباط المحترمون فى الإدارة العامة لمكافحة المخدرات، مسكوا الشحنة كلها، 75 مليون قرص ترامادول، وملايين الجنيهات والعملات أجنبية، لكن للأسف الشحنة ليست الأولى من نوعها، فالتشكيل العصابى تخصص فى جلب الأقراص المخدرة من تركيا.. فى الأول أسسوا شركة فى إسطنبول، وبيهربوا المخدرات منها لليبيا، ومن ليبيا لمصر، الضربة كبيرة، وتحسب لرجال المكافحة لا شك، لكنها بتحصل، وتجار المخدرات كتير، أكتر من تجار المية المعدنية، واسأل محشش ولا تسأل طبيب.. الكارثة إن التشكيل، وزى ما قال رئيس مكافحة المخدرات، بيضم شخصية كبيرة سيارتها برقم واحد.
كام شخصية فى مصر «كبيرة» تحمل سيارتها رقم واحد؟!
 
هل أفاجئك بأن اللعب وصل لفوق قوى قوى قوى.. كل يومين تلاتة تضبط الرقابة الإدارية ملايين مملينة من رشاوى الكبار، والخيانة وصلت للمخدرات، واللى يعيش ياما يشوف، واللى يدعبس ورا الكبار يشوف أكتر.
 
دعك من الكوب الفارغ، وانظر إلى النصف مللى المملوء من الكوب، لسه فى ناس محترمة وبتشوف شغلها.. بس يا رب نكون فاهمين صح.

مشاركة

اضف تعليقاً واقرأ تعليقات القراء

التعليقات 3

عدد الردود 0

بواسطة:

مصري

من صاحب السيارة ب-1 ؟

من صاحب السيارة ب-1 ؟

عدد الردود 0

بواسطة:

xcvxcdsvsvs

dsdsd

cxvx

عدد الردود 0

بواسطة:

أيمن

كبيرة لدرجة ان محدش عاوز يقول اسمها؟!

مين هو بقى اللى شايلة عربيته رقم بين 1 و 9 يعنى شخص من العشرة المبشرين بأعلى تمييز فى الدولة !! طالما السيد رئيس المكافحة كشف تورطه يبقى ايه المانع نقول من هو والا الكلام هيبقى فيه جديد والا ايه؟

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة