قالت صابرين الحضرى، زوجة حارس المنتخب الوطنى عصام الحضرى، تعليقًا على تألق الأسطورة عصام الحضرى بمباراة مصر وبوركينا فاسو، قائلة: "المفروض يتعمله تمثال مسيرة طموحة للغاية وأمل وهو بيتعب ربنا بيدله على قد تعبه، والكل يحبه وبكوا من الفرحة بعد المباراة".
وأضافت صابرين، خلال مداخلة هاتفية للإعلامى وائل الإبراشى ببرنامج العاشرة مساءً المذاع على فضائية دريم، قائلة: "ياريت بعد اللى عمله الحضرى للأندية المصرية، يرجع يختم مسيرة حياته فى النادى الأهلى لأن ده حلمه، وطموحه يوصل كأس العالم للمرة الثانية"، لافتة إلى أنها بكت خلال المباراة من الفرحة بعد تصديه لضربة الجزاء، قائلة: "نزلت تحت الكرسى اللى قاعدة عليه أثناء المباراة قبل تصديه لركلة الجزاء التى حسمت المباراة".
وأشارت زوجة حارس المنتخب الوطنى، أنها زوجة لرجل عظيم، ويزيدها شرف أنها زوجة عصام الحضرى، مؤكدة أنها اتصلت به بعد انتهاء المباراة وجعلته يسمع ويشاهد الجماهير التى تهتف باسمه، موجهة التحية إلى كل من تعامل مع زوجها وسانده فى الفترة الماضية.
عدد الردود 0
بواسطة:
حسام شرف
عصام الحضري يستاهل يختم في الاهلي
اقل حاجه ممكن الاهلي يقدمها لعصام الحضري زي ماوافق ورجع الكابتن البدري بعد ماساب الاهلي في اصعب وقت فعلا الحضري راجل وشخصيه تحتاج للدراسه بعد تصميمه والتزامه داخل وخارج الملعب الحضري فرحنا بجد جمعنا كلنا والكل بيدعي وعايز مصر تفوز اناشد رئيس النادي الاهلي وافق علي رجوع عصام ودي فعلا هاتكون من مبادي النادي الاهلي ومن شيمة الكرام العفو عند المقدرة
عدد الردود 0
بواسطة:
ابن شديد
انت رجل عظيم
وابن رجل عظيم تحياتي لك يابن العظيم وأتمنى ان يكون الشعب المصري واحد في المية من عظمتك
عدد الردود 0
بواسطة:
عباس
النادي الاهلي مش لعبه ولا قليل
مهما كانت المبررات النادي الاهلى تاريخ وليه قيمه مش لازم نضيع مبادئ نادي عريق زي الاهلي عشان خاطر نعمل استثناء للاعب اصلا باع النادي في الاول وبعدين يكفيك شرف انك بتعمل لمصر هو ليه لازم يبقى فيه مصلحه شخصيه وتمن لكل حاجة نعملها
عدد الردود 0
بواسطة:
مصرية بالخارج
مبرووووك لمصر رفعت راسنا ياحضري
حقة يااااناااس ربنا يخليك لينا ياجدع حارس مرمى لمصر فرحتنا ياحضري الحمدلله يارب وفعلا تستاهل تمثال في النادى الاهلي
عدد الردود 0
بواسطة:
احمد منصور
فعلا يستحق
كاهلاوى عاشق للفانلة الحمراء اضم صوتى للمحترمة زوجة الحضرى واطالب الأهلى ان يغفر له خطأة الذى اعتذر عنه. وعلى الأقل تكريمة باعتباره ابن من أبناء الاهلى حقق له بطولات عديدة.
عدد الردود 0
بواسطة:
حمدى
السد العالى
عفا الله عما سلف نرجو من مجلس إدارة النادي الاهلي أن يوافق على عودة نجمه ونجم مصر عصام الحضرى إلى أحضان القلعة الحمراء بعد كل ماقدمه من إدخال الفرحه فى قلوب المصريين
عدد الردود 0
بواسطة:
محمد
يا اخى منك لله
الاخ بتاع المبادىء حسبى الله ونعم الوكيل فيك على الصبح
عدد الردود 0
بواسطة:
مصطفى تيتو
عودة الحضري للأهلي
أنا شايف ان اقل تقدير للحضري انه يرجع الاهلى و يختتم مشواره الكروي فيه وده هايبقى مكافأة نهاية الخدمة للحضري و مسك الختام ومش مشكلة لو الاهلى اتنازل مرة عشان لاعب خلى بلد بحالها تفرح و يكفى انه دايما يطلع ويبقى بيعيط ونفسه يرجع الأهلى
عدد الردود 0
بواسطة:
مصري صميم
كم من حضري فيك يا مصر
في ملايين من الحضري في مصر لا نسمع عنهم، بيشتغلوا في صمت و إنكار ذات. زرت مصر في ديسمبر و ذهبت للعين السخنة و شاهدت توسيع الطريق ليصبح 5 حارات و طريق السويس 5 حارات. إنجلترا حيث أعيش لم اري طرق 5 حارات غير مناطق محدودة جدا. يا ريت الشعب يشوف الايجابيات و ليس الغلاء فقط. للاسف الإصلاح الاقتصادي تاخر كثيرا لذلك تاثيره صعب، لكن خلي عندنا أمل، في حضري كثيرين فيك يا مصر. تحيا مصر التي في خاطري دائماً.
عدد الردود 0
بواسطة:
زيزو
سبحان الله !!!!
مش ده برضه الحضري اللي دخل مرماه اهداف بالجملة عندما كان يلعب بالمريخ السوداني؟