علق مجدى عبد الغنى، عضو مجلس إدارة اتحاد الكرة، على أزمة اللاعب كريم نيدفيد، بشأن انضمامه لمعسكر منتخب مصر للشباب، قائلًا :"لو كريم نيدفيد ملعبش مع المنتخب هيتوقف ولا هيلعب فى المنتخب ولا فى النادى".
وأضاف عبد الغنى، فى اتصال هاتفى لبرنامج "خاص مع سيف"، على قناة ON SPORT قائلًا :" اللاعب لن يظهر من خلال ناديه، والمنتخب هو اللى بيظهر اللاعب، ومش معقول النادى الأهلى واقف على كريم نيدفيد، لأن ده لاعب ناشئ ومن قبل تم إعارته لمدة سنة وملعبش مع الأهلى، والنادى الأهلى عمره ما بيقف على لاعب".
وواصل :" أنا بعتب على حسام البدرى لأنه كان مدرب منتخب مصر قبل كده وكان بيعانى نفس المعاناة، وبشكر ماجد سامى رئيس نادى وادى دجلة، اللى كلمنى وتفهم الموقف، وعارف يعنى إيه قيمة انضمام اللاعبين لمنتخبهم".
وتابع قائلًا :"النادى الأهلى لو قال إنه مش هيبعت لاعب، الأندية كلها هتقول مش هنبعت لاعيبة، وساعتها يبقى مالهوش لازمة المنتخب".
وقال عبد الغنى : "لو كريم مرجعش المنتخب هيتم إيقافه وفقًا لقرار اتحاد الكرة، ولا هيلعب للأهلى ولا هيلعب للمنتخب، وأنا اتفقت مع المهندس محمود طاهر إن سيد عبد الحفيظ هيجينى الاتحاد الساعة 12 النهاردة ومجاش".
تم أضافة تعليقك سوف يظهر بعد المراجعة