أعلن العميد محى الصيرفى، المتحدث باسم الشركة القابضة لمياه الشرب والصرف الصحى، أنه نظرا لقيام الشركة بأعمال الصيانة بمحطة الكُنيسة للصرف الصحى وتطهير الشبكات الأمر الذى يستلزم قطع المياه عن 6 مناطق "المنيب و القصبجى والمجزر الآلى ومصنع المكرونة وجسر الكنيسة وشارع عثمان أحمد عثمان متفرع من عثمان محرم بالطالبية حتى طريق المريوطية"، سيتم قطع المياه لمدة 12ساعة من الساعة 8 صباحا حتى الساعة 8 مساء.
وقال الصيرفى، فى مداخلة هاتفية ببرنامج "90 دقيقة" الذى يقدمه الإعلامى معتز الدمرداش، عبر فضائية "المحور"، إن هذه المناطق تعانى من ارتفاع منسوب الصرف الصحى، وسيتم تطهير جميع مواسير الصرف بها، وتوفير سيارات مجهزة لخدمة أهالى الجيزة، مطالباً المواطنين بتخفيف استهلاكهم لتقليل الضغط على شبكة الصرف.
عدد الردود 0
بواسطة:
قشكوووووول المصرى
احنا شعب مينفعش معاه التنويه
شوف ياباشا احنا شعب ماينفعش فيه التنويه انت تقطع على طول ولو كان قلبك حنين اعمل الشغل على يومين يعنى اقطع 6 ساعات على يومين ....لييييه بقى؟؟ اقولك ... لما حضرتك تنوه وتعلن بقوم الناس تجرى على الحنفيات وتعبى البانيو والجرادل والطشاط والكروانات والحلل والازايز ونحمى العيال ونلحق نسيأ البلكونات ويتم الاقتصاد فى استخدام المياه احسن العملية تطول واهم حاجة نسيب حنفية الارض اللى جنب القاعدة مفتوحة عشان اما تيجى المياه الحنفية تقول تششش واحنا نقول هييييييه المية جت ونقوم نجرى على سدادة البانيو ونشيلها عشان نفضى البانيو وندلدء الازايز ونقلب الجرادل والحلل عشان زاحمة الدنبا ..... وبكدة ال6 مناطق يبقوا استخدموا مياه تكفى 6 محافظات في ال12 ساعة ..... عشان كدة بنقولك اقطع على طول ياباشا .... احنا شعب ماينفعش فيه المحاسبة على الاستهلاك .... احنا نعمل عدادات تحاسب على الصرف الصحى واللى يهدر كتير يدفع كتير مع انى عارف ان ساعتها الناس حتعمل خرطوم قبل العداد وتصرف فى الشارع .... المسألة مسألة ثقافة بعيد عن التعليم والحلال والحرام .... ياريت الرسالة تكون وصلت ...