خالد صلاح

برعاية سوبر كورة

سوبر كورة

محمد صلاح العزب

يا مرحب بالـ«خواجات» يا مرحب

السبت، 11 فبراير 2017 10:00 ص

مشاركة

اضف تعليقاً واقرأ تعليقات القراء
صباح الفل، عندى ليك خبرين، خبر حلو، وخبر وحش.. تحب نبدأ بإيه الأول؟!
 
نبدأ بالخبر الحلو.. ولا أقولك خليهم خبرين حلوين، الأول إن السياحة الروسية راجعة مصر تانى يوم  23 فبراير الجارى، يا مرحب بالخواجات يا مرحب، الخبر الحلو التانى إن مش الروس بس، وإن شبكة «سى إن إن» قالت إن مصر جاءت بين أفضل 20 وجهة مفضلة لدى السياح فى العالم فى 2017، بجانب إندونيسيا وجورجيا وكندا والبرازيل.
 
رجوع السياحة خير مالوش أول من آخر، عملة صعبة، وسمعة حلوة عالميًا، ومؤشر بنجاح مصر فى القضاء على الإرهاب، وفتح بيوت، وشغل لملايين المصريين ممن تضرروا من توقف السياحة.
 
عاوز الخبر الوحش.. هو مش خبر قوى بس عاوز أقولك إن إحنا كمصريين مش مستعدين لاستقبال رحلة مدرسية من مدرسة الدلنجات الإعدادية المشتركة، مش وفود سياحية، تقدر كده تقول كمان إن ملناش فى النعمة.
 
طب أنت شايف إن سرقة سواقين التاكسى، واللعب فى العدادات تجيب سياحة؟!.. ولا بلطجة «سياس» الهرم تجيب سياحة؟! ولا فهلوة واشتغالات بياعين خان الخليلى وتسول المتسولين وحالة المرور والطرق والنظافة وتدهور المتاحف، وانهيار الخدمات بالمواقع الأثرية يجيبوا سياحة؟!
 
الحمد لله، السياحة رجعت، والخواجات جم، إيه بقى؟!.. يلا بينا ننصب عليهم ونشتغلهم ونطفشهم، المصرى معروف بجبروته.

مشاركة

اضف تعليقاً واقرأ تعليقات القراء

التعليقات 1

عدد الردود 0

بواسطة:

اشرف خليل

مين يحمي السياحة مين يحافظ على السياحة

مبن يحافظ على السياحة وامنها من البلطجية ومن جميع العاملين ومن لة علاقة بالسياحة لو السياحة رجعت بعد الزحف والتوسل للروسيا وتوفير كل وسائل الرقابة الامنية بالمطارات هيضيع كل دة وسائح يحلف انة مش راجع ولاينصح حد يجى مصر تانى بسبب المعاملة داخل الفنادق من العمالة منهم بلطجية ومنهم جاهل وليس عندة ادنى فكرة ولا اخلاق الا صيد النساء واستغلاهم باسم الحب وفى الشوارع من صيع الشوارع فى الغردقة والعشوائيات اللى حول الغردقة ومن السائقين المكروباصات وطبعا فين مشاكل عارفينها حدثت من السائقين وكمان السائقين الباصات السياحية والطيران والانقلاب بالباصات لابد من السرعة من الن وضع ضوابط والمحافظة على استمرارها وعدم الهمال فى تطبيقها على طول دون تهاون للمحافظة على السياحة كمان منطقة الهرام لابد من التعاةن من اهل نزلة السمان وكبار السياحة بشارع الهرم ومنطقة الاهرامات القضاء علي المضيقات من العمالة والمتسولين والمستغلين بمنطقة الاهرام وضع رقابة على البازرات وجميع المحلات التى تتعامل مع السائح

اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة