الهام شرشر زوجة حبيب العادلى
نشبت مشادة كلامية بين إلهام شرشر زوجة اللواء حبيب العادلى وزير الداخلية الأسبق، والإعلامى عمرو أديب، خلال مداخلة هاتفية لها ببرنامج "كل يوم"، على فضائية "ON E".
قالت شرر موجهة كلامها لأديب:"ما تزعقش وأنت بتكلمنى"، رافضة الرد على سؤال حول مكان العادلى فى الفترة السابقة: "دى مش بتاعتك ولا بتاعة حد خالص"، مشيرة إلى أنه لا يصح أن يتناول وزير داخلية الذى ظل يحافظ على البلد 14 سنة، وخدم البلد.
وأضافت، أن هناك فرق بين الإعلامى والمسئول المتخصص الذى يتحدث كخبير، مردفة:" انت النهاردة بتلعب جميع الأدوار وده اسمه احتكار، وتحكم فى توجيه الراى العام"، ورد أديب:" اللى بينى وبين حضرتك سؤال وإجابة، أرجوكى مش عاوزين نخش فى مجال نقيّم بعض"، وقاطعته :"ما تكلمنيش باللهجة دى".
وتابعت: "اللى قتل المتظاهرين فى شهر يناير، اللى لسه بيقتلوا جوه فى البلد، هم أصابع المؤامرة من أبناء مارقين أو كانوا عملاء مباشرين أجانب اخترقوا البلاد فى هذه الفترة، وحتى الآن يخربون ويقتلون، لو كانت الشرطة هى اللى قتلت كانت هتبقى بحور من الدم".
عدد الردود 0
بواسطة:
عبد الحكيم مقلد
شرشر عندها حق
شرشر عندها حق العادلي مش هو اللي قتل المتظاهرين الارهابيين الوحشين خم اللي اصدروا الاوامر لقوات الامن انها تتحرك وتضرب المتظاهرين وتفرمهم بالعربيات والارهابيين الوحشين هم اللي أكلو الجبنه ههههه
عدد الردود 0
بواسطة:
مشمش
عمرو اديب كان مؤدب.. لكن زوجه العادلى كانت مستفزه....
😟
عدد الردود 0
بواسطة:
بركة
لازم نقدر ظروف الناس
فعلا .. رغم الأخطاء .. لكن كان هناك أمن وأمان وسياحة واقتصاد مزدهر .. الشرطة هي الضحية .. الشرطة لم تقتل أحدا .. الشرطة قدمت اول شهيد.خلال يناير الأسود .. القتلة فوق عمارات التحرير والجامعة الامريكية هم من قتل شباب المتظاهرين .. لم يقتل واحد إخواني !!!!!! .. لاتنسوا تهديد اللواء حمدي بدين بإنزال الإخوان من على الأسطح .. لاتنسوا صفوت حجازي في تسجيله الصوتي " اخترعنا .. اخترعنا .. اخترعنا .. حكاية قتل الشرطة للمتظاهرين لما لقينا الناس تركت الميدان بعد خطاب مبارك " .. وكما قالت زوجة العادلي .. مين اللي لسه بيقتل في الشرطة حتى الآن ؟؟؟؟؟؟
عدد الردود 0
بواسطة:
الى بركه
اسمحلي
طالما ان هناك امثالك - فلا فائدة في البلد - طالما اننا لا نريد ان نعترف بالمصائب - وطول ماهي ماشية حتى ولو بالزق - يبقى ماشية - وزي ما تيجي تيجي - الاخطاء اللي حضرتك ببتكلم عليها دي هي اللي قامت عليها الثورة - لما ناس تتقتل بدون ذنب وكمان يتلبسلها تهم زي الشاب اللي زي الفل خالد سعيد يفضل المجرمين يضبروا فيه لما يتقتل وتتطلع الداخلية البريئة تقول ده من تاثير المخدرات - ياراجل احترم البني ادمين الى انت المفروض واحد منهم - اما واحد زي سيد بلال يعتقلوه ويعذبوه لغايه لما يموت وهما متهمينه في كنسية القديسين وبعدين يطلع وزير الداخلية بنفسه هوه اللى وراء الموضوع وماذا عن اللي اتقتل خلاص مش مهم - انهي عيشة اللى بتتكلم عليها