قالت مصادر مسئولة بوزارة التربية والتعليم والتعليم والتعليم الفنى إن قرابة 80% من المعلمين يشاركون فى نشاط الدروس الخصوصية على مستوى الجمهورية.
وأضافت المصادر، فى تصريحات خاصة لـ"اليوم السابع"، أن تلك النسبة تمت معرفتها من خلال عمل الضبطية القضائية على مستوى الجمهورية، موضحة أن الجميع يعطى دروس خصوصية عدا معلمى مواد الأنشطة والأخصائيين الاجتماعيين والإداريين.
وكشفت المصادر أن مراكز الدروس الخصوصية مصنفة بعضها مخصص للشهادات العامة مثل الثانوية العامة، حيث يجب أن يكون السنتر معروف وله سمعة، إضافة إلى أن يكون المدرسون زاع صيتهم.
عدد الردود 0
بواسطة:
اشرف المصرى
اتقوا الله
البيت كله بياخد دروس خصوصيه من اولى ابتدائى وحتى الثانويه العامه يعنى عندى ابتدائى واعدادى وثانوى وكلهم بيروحو سنتر للدروس الخصوصيه ليه والسبب ان مفيش حد بيعطى معلومه مفيده ولا بيشرح بالمدرسه طيب ولى الامر يعمل ايه المناهج حشوها كثير والمدرسين بالمدارس بيتركو شغلهم وبيدورو على السنتر الي بيدفع اكثر طيبدى المدارس والله انى عندى بنت فى طب صيدله بتاخذ كورسات خارج الجامعه علشان الدكتور عامل ذى الاله بتتكلم بس لا بتفهم ولاشئ ولما نشتكى اى حد تقوم الدنيا وسعاده الدكتور يشيل الطالب الماده وتعتبر الطالب راسب من اول السنه بالله عليكم شوفو الحل الناس تعبت مش عرفين هيلحقوها من فين ولا فيـن وشكرا
عدد الردود 0
بواسطة:
سعيد رزق
5% من المدرسين اللي بيدوا دية روس خصوص
5% من المدرسين اللي بيدوا دروس خصوصية والباقي بيشتغلوا سواقين تاكسيات بايعين في محلات وطوابين عيش ومحلات وبائعين متجولين وفلاحين وغيرة مع احترامي لكل المهن لكي يعيشوا فقط بدلا من التسول علشان مرتباتهم لا تكفي حتي يوم 10 في الشهر وبعدين هل مدوسين الاقتصاد و الرسم و المجال الصناعي و الزراعي و الفرنساوي في الاعدادي ومدرسين التعليم الفني الي الطلبة بيكتبوا الاسئلة فقط في ورقة الاجابة وبينجحوا وبعدين اكثر من 65% من المدرسين مدرسات هل 80 % منهم بيدوا دروس خصوصية حسبي اللة ونعم اوكيل
عدد الردود 0
بواسطة:
سعيد رزق
لية المدرسين بيسافروا علي مرتبات زهيدة
لية المدرسين بيسافروا علي مرتبات زهيدة لدول الخليج روح لاي مكتب سفريات وشوف عدد المدرسين الرهيب اللي عايز يسافر لاي دولة من دول الخليج باي مرتب لان خريحي كليات التربية والاداب ودار العلوم والالسن ومعظم الكليات بدون عمل يبقي ازاي 80% من المدرسين بيدوا دروس خصوصية
عدد الردود 0
بواسطة:
أشرف بدوى
أين المنطق ؟
الوزارة عارفة إن 80% من المدرسين بيدوا دروس وسيادة الوزير بيكلف المدرسين بوضع الامتحانات فى مدارسهم بدلا من الموجهين
عدد الردود 0
بواسطة:
زائر
مصادر بالتعليم: أكثر من 80% من المعلمين يعطون دروسا خصوصية
غرفة الدروس الخصوصية اصبحت اهم من غرفة الاطفال فى البيوت المصرية غرفة مجهزة بها تربيزة متر×3متر تكفى عدد13طالب على الاقل وكرسى المدرس وتربيزة ضغيرة عليها عدة عمل الشاى بالكاتل الاستنلستيل لزوم السرعة ..اربع رزم ورق مسطر +2باكوا كربون ولوح زجاجى لكتابة الدرس لتوزيعه على الطلبة ..ساعة حائط بمنبه + مصلية للمدرس حتى يتقبل الله منه ...اى وقت يحضر فيه يصلى ..ولا يوجد وقت بدل الوقت الضائع عند انطفاء الكهرباء ..لديى اربع اولاد فى مراحل مختلفة مدرس داخل ومدرس خارج بنظام مدروس ولا مطار القاهرة الدولى حتى ضاع هويتى فى البيت واصبحت مثل ابو تريكة ( الطلبة ازيك يابو احمد ازيك يابو احمد) حتى ضاع اسمى من موبايل المدام وحل محله اسماء ومواعيد المدرسين ....يبقى قدس ايه الا عاوزين نحرروه ...الاول نحرر البيت ....مش كدا ولا ايه
عدد الردود 0
بواسطة:
السيد حجازى
بعيداً عن الواقع !!!!
هذا تصريح يؤكد ولايدع مجالاً للشك بأن مايقال عنهم مسؤلين بالتربيه والتعليم بعيدين كلى وجزئى عن كل الحقائق ومايحدث بالمدارس وفعلاً تعودوا على أجهزة التكييف والسيارات المكيفه للتنقلات والمصايف المجانيه و900 يوم مكافأة إمتحانات و...و... نسبة من يعطى دروس لا تتعدى 8% فقط والغالبيه العظمى من المعلمين مع تجريم الدروس الخصوصيه ...وهذا التصريح وما على شاكلته يؤكد أن التعليم لن ينصلح حاله طالما هذه الفئه من صانعى القرار بهذا المستوى من التفكير؟!!!.
عدد الردود 0
بواسطة:
المظلوم
ياريتنى كنت مدرس
كنت هفتح سنتر كبير يجى فيه 100 طالب والحصة ب50ج وهشغله فترتين واجيب كام مدرس من اللى هما يشتغلو ياه ده انا كنت عديت الفقر و كنت هشترى عمارة فى احسن منطقة وهركب سيارة احدث موديل وهحط مبلغ وقدره فى البنك اامن بيه مستقبل اولادى وكنت هسافر كل سنة دولة اوربية اتفسح انا والعيال واشتريلهم ملابس وخلافه بالعملة الصعبة ايه مين هو انتى خير اللهم ما اجعله خير منك لله يابعيدة صحيتنى من احلى حلم هههههههههههه
عدد الردود 0
بواسطة:
عماد العجمى
التعليم
التعليم والمعلم ووزارة التعليم اسؤ شى بمصر لية مدرس جشع طماع معندهوش دين كل همة الفلوس واليومان دول موسم امتحنات وسبوبة السنتر الذى يضم 30 40 طالب موجود وبا الحصة والوزارة فى خبر كان وولى الامر مطحون ومناهج زفت يقولك فى حجات محزوفة طب كنتم فيين من اول السنة منكم لله وحسبىى الله ونعم الوكيل فى كل مسؤال ومدرس لايتقى الله
عدد الردود 0
بواسطة:
حماده
الي تعليق 3 ( الأستاذ سعيد رزق )
الأستاذ سعيد رزق أولا : تحياتي لحضرتك ثانيا : استاذ سعيد .. عندما قالت مصادر مسئوله .. بوزارة التربيه والتعليم والتعليم الفني .. بأن 85 % من المدرسين يعطون دروس خصوصيه .. تقصد هذه المصادر بأن 85 % من المعلمين ممن في الخدمه هم ممن يعطون هذه الدروس .. بمعني أن ممن ذكرتهم من خريجي كليات التربيه والعلوم والأداب ودار العلوم وكليات اللغات والترجمه بالرغم من أن الكليه الأخيره تتبع جامعة الأزهر .. وليس لخريجيها علاقه بوزارة التربيه والتعليم والتعليم الفني .. حيث أن هؤلاء .. يتم تعيينهم في المعاهد الأزهريه فقط .. التابعه لمشيخة الأزهر الشريف .. وليس بمدارس وزارة الترييه والتعليم .. مصادر وزارة التربيه والتعليم .. لاتقصد خريجي هذه الكليات سالفة الذكر .. التي تحدثت عنها سيادتك .. لأنهم لم يتم تعيينهم بالوزاره المذكوره .. وماقالته هذه المصادر .. صحيح 100 % .. وكلنا نلاحظ ذلك الأمر .. بل ومتأكدين منه .. معذرة يا استاذ سعيد .. أنا بس حبيت أوضح هذه النقطه لسيادتك .. حتي لانشكّك في تصريحات .. هي بالفعل حقيقيه .. أتمني النشر .. مع خالص تحياتي -