السيسى: فى مصر والدول العربية ثقافتنا حاجبة لدور المرأة ولازم نغيرها

أكد الرئيس عبد الفتاح السيسى، أن المراة موجودة فى كل مكان تقوم بدور أكثر من رائع سواء فى البيت فقط او البيت والعمل، والمرأة المصرية خاصة لها تقدير كبير جدا فى نفسى، قائلا: "اللى يتصور ان احنا اللى بنعطيه للمرأة تفضل أو كرم من الرجل كلام لا يليق".

وأضاف الرئيس السيسى فى كلمة بجلسة دور المرأة فى المجتمع، بمنتدى شباب العالم: "عايزين نكون مجتمعا منصفا وعادلا وأمينا ولابد وأن يكون صادقا مع نفسه"، وتابع: "الرجالة بتتجوز ويسيبوا زوجاتهم هما اللى يشيلوا الأولاد وحتى مش بيبقوا عايزين يسعدوهم هما اللى يربوا وانا بتكلم على بعض النقاط السلبية فى مجتمعاتنا.. مفيش إنصاف ولو الرجل منصف مش هيعمل كده".

واستطرد: "فى مصر والدول العربية ثقافتنا حاجبة لدور المرأة ولازم نغير ثقافاتنا تجاه المرأة، ولازم يكون فى جهد من خلال الإعلام والمسجد والكنيسة والتعليم"، مؤكدا أن المرأة لها دور شيئنا أم أبينا ولها دور عظيم فى حياة الأمم وهى اللى بتأخذ الأمة بتطلعها إلى الامام ولو تغافلنا الأمة بتضيع.