قال الإعلامى عمرو أديب أننا يمكن أن نخطئ ونغير آرائنا، وأن الإمام الشافعى غيّر منهجه كله، منتقداً اختيار 50 عالماً أزهرياً لمواجهة فوضى الفتاوى، مضيفا: "أغلب الفتاوى اللى عملت مشاكل هى من شيوخ فى الأزهر ودار الإفتاء".
وتابع أديب خلال تقديمه "كل يوم"، على فضائية "ON E"، أنه لم يعد ممكن منع أحد من الكلام، وهذا من سابع المستحيلات، قائلاً: "الناس اللى هتفتى على فيس بوك هتعملوا فيهم ايه؟".
وأضاف أديب: "مكرم محمد أحمد، من يوم ما أصبح رئيس المجلس الأعلى لتنظيم الإعلام، وهو شغال على المنع، وعلى التضييق مش التوسيع، وشغلته يضيق على الناس"، مستطرداً: "ايه الفكر ده، احنا بنرجع ولا بنتقدم".
واستطرد: "الدكتور سعد الدين الهلالى جاى النهاردة يعملنا حلقة وداع، بالصدفة النهاردة جاى، الأسبوع الجاى يجي يوسف زيدان يعملنا كتاب ونودعه ويمشى، وبعديهم أنا أقفل وأمشى ، وخلاص، ممكن الأستاذ مكرم يوقفلى البرنامج عشان باعترض على قراره، دا من سلطته"، مردفا: "نص الأسامى اللى قدمها المجلس الأعلى للإعلام معرفهاش".
تم أضافة تعليقك سوف يظهر بعد المراجعة