دائما ما تخاف الفتيات خطوة الزواج ولا يعلمون عنها الكثير، حتى أن هناك من لديهن معتقدات خاطئة جدا تعيق حياتهم الزوجية منذ البداية، ومن هذا المنطلق يوضح لنا الدكتور مجدى علما، أستاذ أمراض النساء والتوليد بطب الأزهر، أهم الخطوات الصحية التى يجب أن تتبعها كل فتاة فى أول أسبوع عسل لها.
وقدم علما، فى تصريحات خاصة لـ"اليوم السابع"، عدة نصائح صحية وهى
1- الاهتمام بالنظافة الشخصية بداية من الأسنان والفم وغيره
2- تغيير الملابس الداخلية باستمرار على أن تكون قطنية
3- الحفاظ على البشرة بتخفيف الكريمات والعطور
4- الغذاء الجيد دون إفراط ولا مواد حارة كثيرة
5- ممنوع فواتح الشهية والأطعمة الكثيرة لأنها تؤدى إلى اخراج غازات وتفسد الأيام الأولى
6- تواجد ميزان فى البيت لمتابعة الوزن يوما بعد يوم حتى لا يزيد وزنها
الخوف من فض غشاء البكارة
سلط علماء الضوء على موضوع شائك يثير خوف الفتيات من الزواج دائما، وهو غشاء البكارة وعملية فضه فتكون لديها رعب من الآلام وتخاف من أنه لا يكون موجودا من الأساس، فمعظم الفتيات موهومات بذلك، فتختفى السعادة تماما عند القيام بالعلاقة الزوجية لأول مرة.
وأوضح علماء، أن حقيقة غشاء البكارة أنه عبارة عن طى خفيف من الجلد يحيط بالقناة المهبلية من الداخل وفضه لا يحتاج أى جهد فبمجرد العلاقة الزوجية يحدث الأمر بسلاسة ولا يكون غير نقط بسيطة من الدم، فلا ينتج أى نزيف إلا فى حالة الجرح الذى لا يحدث عادة إلا عند استخدام الزوجة لأساليب خاطئة، مضيفا "لذلك يجب من التوعية للطرفين ووضع ملين أو جيل لتسهيل العلاقة، واستخدام المطهرات للتشطيف بعد الانتهاء واللجوء للطبيب عند مواجهة أى مشكلة".
عدد الردود 0
بواسطة:
بنت مصرية
ان الله لا يستحى من الحق !!
بمناسبة نصائح شهر العسل ففيه معلومة مهمة حابة اقولها للفتيات المتزوجات حديثا , فيه معتقد خاطىء عندنا بتنصح بيه الأمهات بناتها قبل الزواج , المعتقد ده هو سبب شكوى اغلب الزوجات من الألتهابات والأفرازات المهبلية , المرأة المصرية عندها اعتقاد راسخ ان الأغتسال قبل الزواج يختلف عنه بعد الزواج !! بمعنى انها فاكرة انها علشان تكون طاهرة من الجنابة وتقدر تصلى وتصوم وتقرأ القرآن لابد من غسل المهبل داخليا بالماء !! احب اقولكم ان ده اعتقاد خاطىء تماما , الأغتسال من الحيض والجنابة مبيختلفش بين الفتاة قبل الزواج والسيدة بعد الزواج , ده كلام الشرع على فكرة مش كلام الطب وبس , الأغتسال هو غسل المنطقة خارجيا فقط ثم الوضوء ثم غسل الرأس ثم غسل الجسم ابتداء بالنصف الأيمن ثم الأيسر وبكده تبقى المرأة طاهرة وتقدر تصلى وتصوم , المهبل ربنا سبحنه وتعالى عملله طريقة تنظيف ذاتية , وسطة الكيميائى والبكتريا النافعة الموجودة فيه بتمنع نمو أى ميكروبات ضارة تسبب التهابات او افرازات , وغسيله داخليا بيدمر الوسط ده , ببساطة بيدمر مناعة المهبل ويخليه عرضة لللألتهابات الفطرية والبكتيرية وما يتبعها من حكة وافرازات ورائحة كريهة وممكن تتطور لأصابة الرحم و قنوات فالوب كمان !! يا اخواتى السيدات , الأغتسال قبل الزواج هو نفسه بعد الزواج وأى معلومات تانية دى معتقدات خاطئة لازم تغيرها .
عدد الردود 0
بواسطة:
زوجة
الي بنت مصرية
بس لو لم يتم الاغتسال من الداخل بيظل المهبل ملوث من اثار الجماع . و انا عن حالتي ان لم اغتسل من الخارج و الداخل . بيحدث حرقان شديد و رائحة كريهة . و لو واظبت علي الاغتسال من الداخل و الخارج بحس اني طبيعية جدا
عدد الردود 0
بواسطة:
m
لابد ترك فترة ساعة تقريبيا حتى تزول اثار الجماع وبعد كده الاستحمام
وهذا ماسمعته من فتوى من الازهر يعنى التاكد ان مفيش اثار منى بالداخل
عدد الردود 0
بواسطة:
ياسمين محمد الصاوي
اتفق مع زوجة رقم 2
عندما تحدث مشاكل في المهبل ينصح الدكتور باللبوس المهبلي او بودرة التشتيف . او مطهر ضد الفطريات و يكون بالداخل و الخارج
عدد الردود 0
بواسطة:
بنت مصرية
الى الأخوات رقم 2 و 4 !!
بصوا يا اخواتى , الأغتسال مبيكونش بعد الجماع مباشرة , بيكون بعده بفترة ساعة أو اكثر , فى خلال الوقت ده السائل المنوى بيتصرف لأحد طريقين , جزء منه بيمتص للرحم وجزء بيتسرب للخارج مع الأفرازات المهبلية الطبيعية , يعنى بعد الجماع بساعة تقريبا مش بيكون فيه منى بالمهبل اصلا , الشعور بعدم الأرتياح اللى بتتكلم عنه الزوجة رقم 2 اما بيكون سببه نفسى ( وسوسة يعنى ) او بيكون بسبب استعمال الزوجين لمستحضرات موضعية اثناء الجماع لسبب أو آخر , يعنى استعمال مراهم او كريمات أو عصور أو أى مواد بيبقى أثرها فى المهبل بعد الجماع , وحتى المستحضرت دى أغلبها بيزول أثره اذا اتسابت فترة بين لجماع والأغتسال , بالنسبة للزوجة رقم 4 , الطبيب بينصح باللبوس المهبلى والمطهرات اذا كانت فيه مشكلة تستوجب استعمالهم , بمعنى ان فيه عدوى فطرية أو بكتيرية تستوجب استعمالهم , وعلى فكرة استعمالهخم بدون داعى او بدون مرض ده تصرف خاطىء وممكن هو نفسه يسبب مرض , بمعنى ان اللبوسات والغسول المطهر عبارة عن مضادات حيوية , اذا كانت فيه عدوى تستوجب استعمالها تمام بتستعمل للعلاج , لكن استعمالها بدون وجود العدوى بيضعف المناعة وبيزود فرص العدوى , زى أى مضادات حيوية بناخدها لأى سبب , يعنى لو انا عندى التهاب رئوى مثلا طبيعى جدا انى آخد مضاد حيوى علشان اعالجه , انما كونى اخد المضاد الحيوى ده وانا سليمة هيقلل مناعتى ويزود فرصة اصابتى بالألتهاب الرئوى !! حد مننا قبل كده سأل نفسه ليه اذا أصبح الأنسان على جنابة فى نهار رمضان , يعنى طلع عليه الصبح وهو جنب , يصح صيامه ؟؟ ومقالش الشرع انه شرط لازم يغتسل قبل الفجر علشان يصوم ؟؟ لأنه من المفروض ترك وقت كافى بين الجماع والغسل , طيب فرضا ان الجماع انتهى قبل الفجر بربع ساعة مثلا يبقى ايه الحل ؟؟ ببساطة بيتم الصيام عادى جدا ولما يطلع الصبح يغتسل !! وروى عن عائشة رضى الله عنها ان النبى عليه الصلاة والسلام كان يصبح جنبا وهو صائم , فيغتسل فى الصباح !!وطبعا الأحكام الشرعية ثابتة بالنسبة للرجل والمرأة على السواء , اللى هى احكام الصلاة والصيام والغسل وغيرها , ومكانش لازم السيدة عائشة تقول صراحة انها هى كمان كانت بتصبح على جنابة فتغتسل فى الصباح , ويكفى انه روى عنها انها كانت والنبى عليه الصلاة والسلام بيغتسلوا من نفس الأناء حتى تقول له دع لى بعض الماء ويقول لها دعى لى !! يعنى كانوا بيغتسلوا فى نفس الوقت !! كمان تأخير الأغتسال لبعض الوقت بعد الجماع بيزود فرصة حدوث الحمل بالنسبة للى عاوزين يخلفوا !!
عدد الردود 0
بواسطة:
حنان المرجاوى
الاستاذه أميرة شحاته
معظم الفتيات الآن ثقافتهن عالية وخبراتهن واسعة واليوم غير أمس والاختلاط والصداقات الغت هذا الخوف من الوجود . شكرا للتعليقات السابقة .
عدد الردود 0
بواسطة:
الأسكندراني
(((( الأخوات )))) !!!!
....و...و مساء فللي .....بؤل لكم أيه ....ليه مانعش مع بعض .......محترمين .......وشيل ده من ده ....يرتاح ده عن ده ......بلاها مهبل ...وبلاها هبل .......موافقون ....بؤل موافقون .......ولاواحده ردت ....موااااااااافقون .......طب خلاص حقكم عليه .......الباشا ....حبيب الكل .....غسيل ذاتي ...أوتوماتيك يعني ....فول أوتوماتيك ...سيبوه في حاله ...وبطلوا أم النخوره في أمه ....!!!!!!!! مساااااااء الفل .