25 عاما عمر زواج "نبيلة" ظلت طيلة تلك السنوات مجبرة على العيش مع زوج خائن، لا يفعل شىء إلا إقامة العلاقات المشبوهة مع عشرات النساء، لكنها فضلت الصمت حتى لا تهدم بيتها وتعرض سمعة بناتها الثلاثة للخطر، إذا انفصلت عن والدهن.
"كل يوم اظبطه فى شقة وواحدة مختلفة عن اللى قبلها "، بهذه الكلمات تروى " نبيلة"، 48 عاما، قصة معاناتها مع زوجها قائلة: "أنا متعلمتش وممعيش شهادات ، اتقدملى جوزى ووافقت به لأنه كان تاجر وحالة ميسور، اتجوزنا وجبنا 3 بنات، استحملت فضايحه كتير عشان أربى بناتى لحد ما دخلوا الجامعة".
واستطردت قائلة: "من يوم ما اتجوزته وهو بتاع ستات كنت لسه عروسة وكان بيعرف عليا ستات كتير، الاول كان مجرد شكوك لكنى اتأكدت لما شوفته بعينى مع واحدة ولما واجهته اعترف وطلب منى اسامحه ووعدنى انه هايتغير بس مش بيتغير".
وتابعت الزوجة : " بقالى 25 سنة بلم فى فضايحه وبسامح بس انا تعبت مبعملش حاجة فى حياتى غير إنى براقبه وبضبطه مع ستات، حاولت اتعايش عشان بناتى بس كرامتى تعبت من كتر الاهانات وبرغم أن سنه معدى الخمسين بس طبعه زى ما هو".
واختتمت حديثها قائلة: "قررت أرفع دعوى خلع بعد ما اكتشفت أنه مفيش امل فيه، خفت على بناتى من الفضيحة وقررت ابعد عنه وعن فضايحه ومنتظرة حكم القضاء ".
عدد الردود 0
بواسطة:
غريب
عرفتي الفضايح دلوقتي
يعني 25 سنة وانتي ماستحملة ولم تاجرتة راحت شوفتي فضايحة دلوقتي الحقيقة انك ماستحملتيش الفضايح انتي عشان الفلوس
عدد الردود 0
بواسطة:
ايهاب
معلش احنا كدة عنينا زايغة
و انت تتعبي نفسك لية في عملية الظبط و الاحضار . اتركية اللي بيشيل اربةمقطوعة بتخر علية . ابعدي انت و بناتك عن هذة المواضيع طلما بعيد عن المنزل الزوجية . لحد ما يتعب و يرجع و الندم ينثكب منة
عدد الردود 0
بواسطة:
حنان. بور سعيد
هذا الزوج . اتريكي لة الجمل و ما حمل
و ابعدي انت و ابناتك غير ماْسوف علية ..ممكن تصرفاتة تاّثر علي تربية البنات و زواجهم
عدد الردود 0
بواسطة:
حازم خالد
أحنا بتوع المونديال .... وبطولة الأمم الأفريقية ....... عجبي
هههههههههههههههههه ... والله برافو .. الراجل ما بيضيعش وقته ... يعمل أيه غلبان بس عينه فارغه ما عندوش وقت يضيعه ..25 سنه يا نهار أسود زميله اللي في السجن بياخد أفراج بعد ثلاث أربع المدة لحسن السير والسلوك والباشا واخد تأبيده وموش عايز يتوب .. أنتم فيييييييييييين يا بتوع الصحة والسكان عرفتم ايه سبب زيادة عدد السكان في مصر أنا متأكد أنه ورا الزيادة دي ..... كتفوه من أيده ورجله وأربطوه في رجل االتربيزه .. أو اضربوه بالخرزانه على أيده عشان يحرم يعمل كده تانى ... حرام عليك يا راجل أنا نفسى اتجوز وموش لاقى بنات موش فاضيين والبركة فيك هههههههه .. 25 سنه ؟ ربنا يديك الصحة .. صحيح العمر موش بعزقه .. وياترى عندك وقت تروح الشغل ولا مشغول في زيادة عدد السكان .. الخواجات موش بيجوا مصر عشان يتفرجوا على آثارها وتحفها بس لا دحنا عندنا حجات تانيه في بلدنا تستاهل الفرجة .. واللي ما يشترى يتفرج قرب .. قرب يا جدع .. 25 سنه يامفترى .. تقريبا موش ح ينفع معاك الحسد أنت الحل معاك تروح كوريا الشمالية هما بيحبوا النوع ده من الصواريخ يمكن يستعملوك عندهم كسلاح ردع ضد أمريكا .. بس خلاص .. أنا تعبت من الكلام ....... شكل موضوعك كده حيدخلنى في جلطه أو انهيار عصبي ....... ناس معاها وناس موش لاقيه ...... اللهم لا حسد ....... أهنئك بمناسبة مرور اليوبيل الفضي للخيانة الزوجية ..... والله تستحق يا راجل بطولة الأمم الأفريقية ومعاها المونديال فوق البيعة موش خساره فيك وبلاها رياضه ما أنت محقق البطولة لواحدك يا راجل من أول شوط ومن غير ضربات جزاء ولا وقت مستقطع ............ أنتهى بس خلاص
عدد الردود 0
بواسطة:
علي
يا حازم
ضحكتني علي الصبح...و كل سنة و الزوج الخائن دة طيب علي اليوبيل الفضي
عدد الردود 0
بواسطة:
nadia
بلاش غباء
يا نهار مهبب بعد 25 سنة جاية تخلعيه كملي بس 25 سنة أخرى و تأخدي جايزة نوبل بلاش عبط بالعكس الفضايح تبتدي دلوقت لما البنات كبروا و بقوا في سن جواز يعني فكري كويس و طالما هو بيلعب بره سيبيه براحته و إشتري دماغك و شوفي بيتك و مصلحة بناتك أحسنلك من البهدلة و خراب البيت
عدد الردود 0
بواسطة:
زهرة
كلامك غريب
انت بتستعبطى ؟؟؟!!! بقى انفصالك عن أبوهم بتاع الستات يضر بسمعة بناتك وكانوا ـأطفال...لكن خلعك دلوقت بعد ماكبروا وفهموا ونشرتى الخبر والكل عرف مش حيضرهم ؟ أنت كملت معاه بكامل أرادتك علشان الفلوس فبلاش كلمة كرامتى دى مش داخلة علينا .
عدد الردود 0
بواسطة:
sadx55
للمعلفين فوق
انت ببنكلمو جد ولا بتهزروا يعني ايه تكمل مهاه انا معاكم في انها تاخرت لكن انها تكمل معاه فده مستحيل فالمسالة مش عشرة المسالة حياة او موت ده نسونجي عارفين يعني ايه نسونجي يعني ايدز يعني امراض جنسية وياما ستات اتصابت بالايدز بسبب ازواجهم الخونة عشان كده لازم تخلعه وتنقذ حياتها