قالت جيهان السادات، زوجة الرئيس الراحل محمد أنور السادات، إن أى رئيس ينظر إلى مستقبل مصر يجب عليه أن يرفع الدعم، كونه هو سبب تأخر البلاد، مشيرة إلى أن الراحل أجل قرار رفع الدعم عندما ثأر الشعب عليه ولكن كان فى نيته رفعه مستقبلياً بعد التمهيد له، وتابعت:"الدعم هو اللى مأخرنا لورا وكان لازم يتشال بالتدريج ولما الشعب ثار السادات أجل قرار رفع الدعم ..وأى رئيس ينظر إلى مستقبل مصر يجب أن يلغى الدعم.. السادات لم يندم على قراراته وتراجعه عن رفع الدعم بسبب عدم التمهيد له، ولكن كان هيرفعه هيرفعه".
وأضافت جيهان السادات خلال حوراها ببرنامج "مساء dmc" الذى يقدمه الإعلامى أسامة كمال، عبر فضائية "dmc"، أن الراحل تسلم مقاليد الأمور فى البلد وكان اقتصادها متردى فضلاً عن احتلال جزء كبير وغالى من أراضيها ما دفعه لاتباع سياسة الانفتاح وتعدد الأحزاب وغيره من أمور الإصلاح، وتابعت:"استلم البلد مقفوله ومحتلة والاقتصاد تعبان جداً .. وكان عنده نظرية مستقبلية لمصر.. عمل تعددية واحزاب وانفتاح وكان الاعلام مفروض يتحرك معاها..والهجوم على فترة حكمه ظلم ويكفيه قرار الحرب..لو الفلسطينيين انضموا للسادات فى مفاوضات مينا هاوس لاستردوا أرضهم بأضعاف ما يطالبون به الآن".
ولفتت قرينة الرئيس الراحل، إلى أن هناك إنفلات فى أخلاق الشعب المصرى منذ ثورة يناير، وتابعت: "من ساعة الثورة فى إنفلات فى الأخلاق كنا مأدبين أوى زمان ومعرفش أيه الجرة مرة وحدة ..الإعلام عليه دور فى إعطاء صورة إيجابية للمستقبل".
وفى سياق آخر قالت جيهان السادات، إن جماعة الإخوان الإرهابية تآمروا على مصر بمساعدة أطراف فى الخارج وعمدوا على جعل سيناء موطن للإرهابيين، وتابعت: "الإخوان جابو ناس من الشيشان والإرهابيين كانوا من كل مكان فى العالم..سيناء أهملت ما جعلها مرتع للإرهابيين ..الإخوان عملوا مؤامرة على مصر وقالوا أنهم هيحكموا مصر لـ500 سنة ..هناك مخطط أمريكى إنجليزى لتفتيت مصر ".
عدد الردود 0
بواسطة:
حنان
ثلاثة ارباع كلام حضرتك مضبوط جدا
اما عن الدعم فيجب تعويضه بزيادة المرتبات والمعاشات والغاء الدعم السلعى .
عدد الردود 0
بواسطة:
حماده
معذرة ... لا ياسيدتي ... تختلف معك ... في هذا الرأي
رفع الدعم .. أمر مش بالساهل .. الناس تعبانه .. هناك غلاء وانفلات في أسعار كل شئ .. وعلي رأي المثل الشعبي ( النواه تسند الزير ) .. يمكن رفع الدعم .. بعد السيطره الكامله .. علي الأسعار في السوق .. الفتره الحاليه يصعب فيها رفع هذا الدعم .. مع خالص الشكر -
عدد الردود 0
بواسطة:
مصرية
ياريته كان رفع الدعم من اولها انما ده رفع سعر الحاجة تلات مرات
ولسه حتتكلموا عن رفع الدعم .طيب يرجع الدولار زي اول ما جاء والاسعار زي اول ما جاء ,ووالله العظيم حتى لو الدعم صفر ما حننفع هي فيه دولة بتنافس التجار الجشعيين في جشعهم وملهاش سيطرة على تجارة وحتنفع؟؟ده احنا لو فقرا وعندنا ظبط وربط مش حنبقى كده اقلها كان حيبقى عندنا زراعة باسعار قليلة علشان الناس ما كنتش حتقدر تبور الاراضي واقلها كان عندنا بيوت محترمة للناس علشان ما كنش حد حيقدر يحتكر الاراضي وسوق العقارات ويرفع على مزاجه
عدد الردود 0
بواسطة:
ول
لا أفهم لماذا الشعب كله مقتنع بنظرية المؤامره
يعني الأمريكان والإنجليز سابونا في حالنا وقطعوا العلاقات كمان حنعمل ايه...ارحمونا بقي من أفكار الجهلاء
عدد الردود 0
بواسطة:
m
السادات كان بيفهم
السادات كان واحد من الشعب وحاسس بيهم عشان كده رجع فى كلامه تانى عشان بيحب البلد وكان فى ثبات الاسعار وكان فى ضمير لكن الان حدث ولا حرج
عدد الردود 0
بواسطة:
طرازان
صحيح ...
الدعم .. خلق ناس كسلة ...مش عايزة تشتغل ... عايزة المم لحد بقها !!! الصين شوفوها عاملة ايه ... بيسشتغلوا شايلين و جميع المهن ... معظمنا قاعد على المقهى ... يشيش ... و يسأل عن الارباح !!! و العلاوة وبدون انتاج ...
عدد الردود 0
بواسطة:
سيد بالمعاش
كل ما اشوف سياتدك افتكر المرحومة ( ام كلثوم )
طبعا الكل نسى ( جمعة الوفاء والامل ) وكيف بدأ وكيف انتهى
عدد الردود 0
بواسطة:
m
الى عم طرازان
حضرتك ..القطاع الخاص كله نازل اليوم بيعمل والحكومه هى ال اجازه يعنى الناس بتشتغل لو فى شغل وناس كتيير مش لاقيه شغل لو توفر مصانع وتتفتح المصانع ال اتقفلت .. نص الشعب عشان مش لاقى شغل بيشتغل فى اوبر وكريم الناس بدور انت ممكن تقول ان فى بس بكام 1000 جنيه او 1500 بالكتيير وده اسمه ابتزاز من صاحب العمل للعمل بيكسب اضعاف ويعطى ملالاليم
عدد الردود 0
بواسطة:
رفعت
موفق بشرط
فين المرتبات--- سيادتك اللى بياخد النهاردة 5000 جنيه كأنهم 2000 جنيه ودى القيمة الشرائية ليهم ومع ذلك فيه ناس بتنهج من غلو الاسعار ورجع الفقر تانى ومبقاش فيه الطبقة المتوسطة انتهت خلاص ولا هما حصلو على الدعم ولا هما حصلو على زيادة المرتبات فأصبحت هذه الطبقة فقيرة وبدون دعم ومع ذلك نحن نصبر لان الرئيس السيسى وعدنا ان الدنيا ها تتحسن
عدد الردود 0
بواسطة:
ككال
اسمعوا بقي
لما انتو قلبكو علي مستقبل مصر بصو لنفسكو شويه وكفاية اوى علي الغلابه اغنياء مصر بقدرو ميميخلوش واحد محتاج فيها