أعربت الفنانة ياسمين صبرى، عن انبهارها بشخصية الفنان محمد رمضان، بعد أول لقاء جمعهما، وتابعت: "انبهرت بشخصية الفنان محمد رمضان بمجرد أنى قعدت معاه بعدما رفضت العمل معه فى مسلسل الأسطور وقت أن عرضت على قناة mbc المشاركة فيه".
وأضافت الفنانة الشابة خلال حوارها مع الإعلامية إسعاد يونس، ببرنامج "صاحبة السعادة"، المذاع عبر فضائية "cbc"، أن مشاركتها فى مسلسل الأسطورة جعل دائرة معجبيها تتسع بشكل كبير جداً، وتابعت: "الأسطورة خلى مصر تعرفنى".
وشددت ياسمين صبرى، على أنها تجيد الطبخ والغسيل وكافة المهام المنزلية بجدارة، مشددة على أن زوجها زاد وزنه فى غضون 6 أشهر من زواجهما 20 كيلو جرام بسبب جمال "أكلها"، وتابعت: "أنا بحب الأكل جداً وبحب أطبخ جداً بس مش حمارة وبأكل قليل.. جوزى زاد 20 كيلو بسبب جمال الأكل بتاعى.. اعرف أغسل وأمرش ..أنا مش زى ما الناس متخيلة أنا أبسط من شكلى كتير".
وأكدت الفنانة الشابة، أن ملابس الفتيات فى الوقت الراهن تراجعت عما كانت عليه الفتيات فى الخمسينيات، وتابعت: "اكتشفت أن الاستايل عند البنات المصريات ضاع .. لو كل بنت لابسة حلو مش هيكون فيه تحرش". ولفتت ياسمين صبرى، إلى أن الفساتين التى ترتديها ليست بأسعار خيالية كما يتصور البعض، موضحة أنها هى التى تقوم بتصميم الفساتين الخاصة بها والتنفيذ تقوم به شركة إيطالية، وتابعت: "فستانى ده اللى لبساه مصنوع فى إيطاليا وسعره 2500 جنيه".
عدد الردود 0
بواسطة:
Mahmoud
ما تبتدى بنفسك يا ...
طب ما تبتدى بنفسك يا ست علشان تبقى قدوة للناس اللى بتوجهيلها الكلام بس بعد ايه ما خلاص مصر ربنا يعوض
عدد الردود 0
بواسطة:
محسن رضوان
ربنا يقوي ايمانك
ايوة كده خليهم كلهم يلبسوا ميني جيب ومايوهات
عدد الردود 0
بواسطة:
عماد
عجايب
انت عايشة معانا في البلد دي والعالم اللي احنا فيه؟ أعلى نسبة تحرش في أفغانستان وروحي شوفي الستات لابسين ازاي. التحرش يا ست هانم في مخ الرجل وليس في مظهر الستات.
عدد الردود 0
بواسطة:
عاشق مصر
أسف لنفسى لأنى خليتها تقرأ التفاهات
.
عدد الردود 0
بواسطة:
Martina William
فنانه مصريه تتحدث عن سبب من اسباب التحرش
الفنانه المصريه ياسمين صبري فتاه مصريه جميله شابه وقد أعربت عن مدي حبها للاكل والتربيه الاسريه ليها ع وجبات الزوجه المصريه والي هي تفعلها بنفسها كما قالت الفنانه أن اهم سبب من اسباب التحرش هو ليس الفتاه االتي أصبحت تنسي دينها واخلاقها ف نظير تقليد الغرب ف ملابسهم وقد نست اننا ف مجتمع شرقي له عادات وتقاليد ولا يليق هذا اللبس ف مجتمعنا الشرقي
عدد الردود 0
بواسطة:
يوسف فوزي
ياختي ياحلوة
يا ختي يا حلوة علشان مايبقاش فيه تحرش لازم يبقي عندنا اخلاق والأخلاق مش هاتيجي الا لما يكون عندنا دين في الستينات والسبعينات من القرن الماضي كانت الملابس فيها عري عن النهاردة لاكن ماكنش فيه تحرش علشان كانت الناس عندها اخلاق وياريت بلاش الفنانات تتكلم عن اللبس
عدد الردود 0
بواسطة:
منار
قولي لنفسك
الست الممثلة بتقول التحرش سببه ليس للفتيات قولي لنفسك وانت كل لبسك عريان شوفي فستانك اللي انت لبسه واتقي الله لان البنات بتقلدك وبعدين بتقولي الفستان ثمنه 2500جنيه انت عارفة 2500 مرتب موظف يعيش بيهم طول الشهر اكل وشرب وخلافه. خلي عندك دم زراعي الناس المكافحة بالمجتمع قذر الفلوس عندكم بالكومة
عدد الردود 0
بواسطة:
ابو احمد
النفوس الضعيفه والمريضه
لا علاقه باللبس والتحرش لان النفوس المريضه والناقصه تتحرش حتى لو الفتاه لابسه خيمه المريض بيعوض هذا النقص فى بنات الاخريين لانه لو متربى تربيه سليمه وخلقيه فانه لاينظر الى الاخريين والدليل ان بعض المتحرشين متزوجيين