مصطفى الريدى: سعيد بردود الأفعال على أغنية "لأ مش كده"

قال المطرب والمذيع مصطفى الريدي لـ اليوم السابع أنه سعيد بردود الأفعال على أغنيته الجديدة "لأ مش كده" بمجرد طرحها على اليويتوب ومواقع التواصل الإجتماعى، مؤكدا أن الأغنية مزيج بين الموسيقى الشرقية والروك، وهى من ألحان محمد كولة وتوزيع مينو، ومن كلماته وغناءه.

وتقول كلمات الأغنية

لأ مش كده مالك تقلان كده ليه

مابجيش كده قلبي متلعبش عليه

إيه ده إيه ده شكلك بتعيش جرى إيه

 كده وكده ولا ده جد ومن إيه

ماتزهقنيش  ده انا خلقى مافيش

ده انا اجنن زيك واكتر منك ماتقوليش

ده التقل ده صنعتي وانا فيها قديم

اعقل واهدى يا تقول رحمن يا رحيم

لأ مش كده مالك تقلان كده ليه

مبجيش كده قلبي متلعبش عليه

بطل تأليف فاكر اني خفيف

مش معنى انا طيب وبفوت أبقى ضعيف

انا فاض بيه والصبر خلاص مافيهوش

وشي التاني لو شفته ماهتحبوش

لأ مش كده مالك تقلان كده ليه

مبجيش كده قلبي متلعبش عليه

أعمل فيك إيه عندي كده ليه

بس المره دي آخر مره بقولك إيه

شكلك كده عامل نفسك غلبان

الشغل ده كان ممكن يمشي زمان