قال الدكتور هشام الشريف، وزير التنمية المحلية، إن الوزارة تعمل على الحد من ظاهرة التعديات على الشوارع من قبل الكافيهات، وشدد: "قبل كده كان الرصيف ملهوش كود.. وكان فى عشوائية فى الإعلانات، ودلوقتى الشغل ابتدى على الأرض".
وأكد الوزير، خلال حواره مع الإعلامى عمرو أديب، ببرنامج "كل يوم" المذاع عبر فضائية ON E، توقيعه على إنشاء مجلس بورسعيد للتراث والتنسيق الحضارى، لإحداث نقلة للحفاظ على المحافظة، كما تم الاتفاق مع محمد أبو سعدة، رئيس الجهاز القومى للتنسيق الحضارى، على أن يصبح لكل رصيف عمود إضاءة ولكل شارع نظام خاص.
وشدد الوزير قائلاً: "عصر التعديات ولكل واحد يبقى فوق القانون انتهى، ومحدش هيجرؤ يعمل مخالفة تانى بتغليظ القانون، وأى حى هيتعمل فيه مخالفة رئيس الحى هيتحاسب.. وأرجو أى مواطن يرصد مخالفة يتصل بينا وإحنا هنقوم باللازم فيها".
وأضاف وزير التنمية المحلية، إن ما يقارب ربع الأرض من التعديات رجع للمصريين، مشيراً إلى وضع قانون يمنع أى تعديات جديدة وفيه تغليظ للعقوبات، والاستفادة بما تم إرجاعه، وكل محافظ يقوم بتوظيف ما هو موجود.
وتابع، أنه تم وضع خطط للاستفادة من الأراضى المستعادة لصالح المجتمع، مثل إنشاء مدارس وغيرها فى إطار مخطط ومنظم، لافتاً إلى أنه لا يستطيع أحد أن يتعدى على الأراضى، ولكن هناك تعديات إلا أنها ليست بالمعدلات الفجة السابقة، ويتم محاسبتها والتعامل معها بقوة الدولة.
عدد الردود 0
بواسطة:
شكوى
اين انت ياسيادة الوزير
طول مافيه فساد ورشاوي في المحليات هيحصل اكتر من كدا اطلب منك يا سيادة الوزير ابعت حد من عندك الى العنوان (( القاهرة - مدينة السلام - اسبيكو الجديد - امام بلوك ٢٤٧ )) وشاهد المخلفات الموجودة جناين وعواميد انارة لا تعمل وزباله وكلاب ضاله وورشه طوب امام المساكن على ارض الدوله وجراش سيارات يقوم بتربيه الحمام داخل الجراش وعامل عشش وكلها مخالفات ولا يوجد طريق اسفلت رغم انه المنطقه واسعه وتسمح بذلك بي الحي المحترم (( حي مدينة السلام اول )) لا يريد المجئ للمنطقة وسفلتت الطريق لكن يترك مجال للمخالفات والله اعلم ايه مصلحته هل يوجد رشاوي او لا لابد من التحقيق ولكن الحي مش عايز يجي المنطقه وعامل نفسه مش واخد باله
عدد الردود 0
بواسطة:
من الفيوم
ورش رش الدوكو تقتل المواطنين
ورش الدوكو غير المرخصة عي بعد 100 متر من حى الجون الجديد بمدينة الفيوم وتحيط بمسجد السلام وبشارع الشيخ محمد متولى الشعراوى خلف المسجد تحت سمع وبصر كل مسئولى الحى وتقتلنا بالانبعاثات الغازية السامة ليلا ونهارا ولا حياة لمن تنادى فى الفيوم
عدد الردود 0
بواسطة:
الامير
ههههههه
أسمع كلامك أصدقك أشوف اللي بيحصل استعجب
عدد الردود 0
بواسطة:
خالد
مش حتصل بيك**حكتب لك **تعالى لمنطقه القطاميه بالتجمع التالت بالقاهره الجديده حتشوف العجب
حتشوف ان الجهاز بيعمل ارصفه جديده المفروض اللى يستفاد منها السكان **المضحك لحد الهذيان ان اللى بيبستفاد منها اصحاب الاكشاك والباعه المفترشين **اقولك اكتر فيه ناس كانت ماجره محلات لما لقت الرصيف كبير ونضيف سابت المحلات وعملت محلات على الرصيف ***وعندك العنوان بالتفصيل القطاميه مساكن النصر والجيزه التجمع التالت ****واحنا مستنيين القانون
عدد الردود 0
بواسطة:
سعد الدين
تغير وتأهيل نظام المحليات
يجب إعادة النظر فى منظومه المحليات اللى تعتبر العامل الأساسى للوجود العشوائيات وضياع الرقعه الزراعية وهى السبب الرئيسى أيضا لعدم وجود نظافه للطرق والشوارع وتعدى المحلات التجارية والصناعية والمقهاى على الرصيف العام ياسادة منظومه المحليات وجميع الموظفين فى نهب ملايين الغرامات على الدوله كان من الممكن تستغل فى وجود فرص عمل للشباب فى المحليات وتشجير الطرق ونظافة الشوارع ووجود صنديق زبالة فى كل مكان ولكن دخل الغرامات جيوب الموظفين منذ 30 سنه وأخيرا يجب تطهير منظومه المحليات ونتعلم من بعض الدول العربيه كيفية عمل البلديات فى بلدهم وأظن كلنا نعلم قمة النظام والمحاسبه لكل مخالف سوا مطعم أو محل تجارى اوبقاله أو تعدى على حقوق الغير امتى نتعلم يا وزير التنمية المحلية