تتجه أحدى شركات الاتصالات لإطلاق كارت شحن جديد فى السوق يحمل القيمة والرصيد خلال أيام، بهدف ضبط سوق المحمول ووقف التلاعب من جانب بعض التجار، وهو أمر قد تنفذه الشركات الأخرى وسط تنافس شديد مع جميع المشغلين فى السوق، وهو ما وافق عليه الجهاز القومى لتنظيم الاتصالات.
وقال مصدر مسؤول لـ"اليوم السابع" إن الكروت الحالية المباعة فى السوق لا تحمل السعر و الرصيد وهو ما أدى إلى حدوث أزمة لذلك فإن وضع هذه القيمة و الرصيد أمام المستخدم قد لا يقع فريسة أمام جشع بعض التجار المتلاعبين.
واتخذ الجهاز القومى لتنظيم الاتصالات قرارا جديدا لوقف التلاعب فى أسعار الكروت بأن وافق على بيع كروت الشحن التى تم ضخها فى الأسواق قبل 29 سبتمبر الماضى بالأسعار الجديدة ما يعد ضربة كبيرة للمتلاعبين بأسعار كروت الشحن، حيث أثار تفاوت الأسعار ضجة واسعة وجدلا شديدا بين المستخدمين.
كان الجهاز قد ناشد المستخدمين عبر موقعه الاليكترونى المستخدمين بعدم شراء كروت الشحن الا من المنافذ الرسمية للشركات.
ورفعت الحكومة ممثلة فى الجهاز القومى لتنظيم الاتصالات أسعار كروت الشحن بنسبة 36% بعد شكاوى شركات المحمول من ارتفاع تكاليف التشغيل بعد تحرير سعر الصرف و رفع اسعار الوقود و الكهرباء.
ويصل حجم الاشتراكات بالهاتف المحمول لنحو 100 مليون 90% منهم حجم عملاء الكارت المدفوع مقدما، ولم تطبق الأسعار الجديدة على عملاء الفاتورة الشهرية لتطبيق ضرائب القيمة المضافة وسلع الجدول منذ صدورها عليهم.
عدد الردود 0
بواسطة:
حسام
وعجبي
والله عنوان مضحك والنبي ياسيادة رئيس الوزراء تبعت لنا بعثات لسوريا والعراق واليمن او حتى الصومال وتشوف البديهيات دي موجود في البلاد المدمرة دي ازاى والله احنا بقينا في اخر كشف الأمم المريضة..
عدد الردود 0
بواسطة:
محمد عبد الرحمن
شركات الاتصالات ملائكة و التجار هم السبب ارتفاع أسعار الكروت
1 - الكارت سعره جملة 10.85 يباع ب 11.00 ويعطي 10.00 اما الان يعطي 7.00 و مطلوب من التجار المتلاعبين ان يباع ب 10.00 فقط و طبعا الفرق كله في خزائن شركات الاتصالات ملائكة . 2- سعر الدقيقة الان يحاسب علية ب 0.20 قرش بدلا من 0.14 يعني الزيادة 42.50% 3 - المفروض كارت شحن جديد فى السوق يحمل القيمة والرصيد بنفس القيمة ويتم تحريك سعر الدقيقة و الباقات حتي يتعرف العميل على استهلاكه الفعلى 4 - الجهاز سلم المستخدمين تسليم اهالي للشركات ( كان الجهاز قد ناشد المستخدمين عبر موقعه الاليكترونى المستخدمين بعدم شراء كروت الشحن الا من المنافذ الرسمية للشركات ). و لنا الله و شكرا
عدد الردود 0
بواسطة:
حامد
ازاى
انا في السعودية من 20 سنة والكارت ثابت من يوم ما تم اختراع المحمول البقال عمره ما زود ربع ريال ع الناس حتى لو البقال ده في ابعد المناطق النائية في المملكة مستحيل يزود تحت أي ظرف واحنا لحد الوقتى مش عارفين نظبط سعر كارت شاحن مهزلة والله العظيم وحاجة بجد تستدعى السخرية
عدد الردود 0
بواسطة:
عاصم
يارب ناس فاهمة
تدخل مطعم في منطقة شعبية تطلب كوباية شاي يقولك 15 جنيه ازاى معرفش ؟ تدخل مطعم وجبات سريعه وتقول اكيد محترمين والسعر ثابت تلاقي طلبك بمية جنية وتلاقي نزل ع الفاتورة 30 جنيه ازاى معرفش .. تشتري كارت شحن بعشرة يعطهولك ب12 وتلاقي رصيد 7 ازاى معرفش بالله عليك يامسؤلين تجارة وحماية مستهلك وتموين انتم بتاخدوا رواتب من الدوله عشان ايه بالظبط وبتشتغلوا ايه وايه لازمتكم أصلا طالما هي ماشية كده سمك لبن تمر هندي .. بجد مش بتغيروا من الدول التانية اللى جنبنا ومش بتغيروا على اسم بلدكم لما يجي سائح عربي يسخر من البلد ومن أمور النصب والسرقة دي
عدد الردود 0
بواسطة:
صلاح حلمى
قل ولا تقل .
قل وقف التلاعب من جانب جميع شركات المحمول... ولاتقل وقف التلاعب من جانب بعض التجار!!!!
عدد الردود 0
بواسطة:
صريح
لا يوجد فى مصر جهاز حماية المستهلك هذه اكذوبه كبيره وعجبى
ده جهاز لسه بنحلم بيه ولم يتحقق على ارض الواقع بعد
عدد الردود 0
بواسطة:
هانى القصبى
الجشع جشع الشركات
القيمه اللى زادت مؤخرا هى اتاوه بتتاخد غصب وبتتقسم بين الشركات وبين الجهاز القومى اللى سلم الناس تسليم اهالى للشركات .........الزياده دى هى اللى نيلت الدنيا ثانيا العموله بتاعة التاجر اللى هى 2% دى ترضى مين ياظلمه ياولاد ال....................................وربنا ماحد هيقدر على تاجر بيتظلم ...تاجر الشركات شوهت صورته فى عين كل الناس ......هم فاكرين ان تعديل الكروت هيحل المشكله ؟؟؟؟هأوأوأو ............فى المشمش
عدد الردود 0
بواسطة:
ناصر وجية حافظ
استخفاف بعقلية المواطن
مايحدث من شركات الاتصالات هو استخفاف بعقلية المواطن!!! ماذا يعنى اشحن بمائة جنية تحصل على رصيد بسبعين جنية؟؟ ؟ استخفاف وحشه من التجار بمعنى الكلمة . الواقع انة سعر الدقيقة زاد إلى حوالى 30 قرش أو أكثر بعد ضريبة القيمة المضافة وهذة الزيادة غير مقبولة تماما ويحب إعادة النظر فيها بسرعة!!!
عدد الردود 0
بواسطة:
تاجر مقهور
عجبت لك ياشعب
العميل يدفع ال100ج ياخد 70ج رصيد ولا يقدر يتكلم إنما التاجر يقوله 101 يقوله ليه احب أنا العميل اللي مش بيفرط في حقه