قال الدكتور خالد عبد الغفار، وزير التعليم العالى والبحث العلمى، إنه توجد مشاكل تعليمية منذ مئات السنين، لكن الوزارة تقتحم هذه المشكلات، مستطرداً :" نقتحم المشاكل وعندنا فاسدين ونحاول قطع رجل الفاسدين حتى من خلال القوانين والتشريعات وهناك رؤية واضحة".
وأضاف "عبد الغفار"، فى حواره ببرنامج "آخر النهار" الذى يقدمه الكاتب الصحفى خالد صلاح، عبر فضائية "النهار"، أن الوزارة تسعى لرفع مصادر التمويل الذاتى من خلال البرامج التى تدير عائدا ماديا، بالإضافة للتعاون مع الدول الصديقة لتطوير المعاهد التكنولوجية والجامعات والبرامج الدراسية، مشيراً إلى أن الوزارة تتحصل على 50% فقط مما ينص عليه الدستور، ولو تحصلت على إجمالى موازنتها لحققت الوزارة فارقا كبيرا.
وعن التعليم المفتوح، أكد الوزير أن التعليم المفتوح كان يعطى شهادة لشخص يحضر مرة واحدة فقط فى الأسبوع ويتساوى مع الطالب المنتظم فى الحضور، وكان المنتج التعليمى من هذا النوع ضعيف جداً، مشيراً إلى أن اللجان المتخصصة لتقييم التعليم المفتوح وجدت مشكلة فيه والمجلس الأعلى للجامعات قرر إيقافه.
وأشار إلى أن الوزارة استبدلت التعليم المفتوح بنظام الدبلوم المهنى لمن يريد تطوير مهنته، فالغرض من الشهادة ليس كتابتها فى البطاقة بل تطوير الناحية العملية، مضيفاً :" التعليم المفتوح كان سبوبة ولم أوافق عليه".
عدد الردود 0
بواسطة:
سعيد عثمان
قرار زعلنى جدا
قرار زعلنى جدا .... لان القرار ده حطم أحلام الدارسين أو الخريجين .... يعنى بعد الدراسة والتعب نلاقى القرار ده وكل فترة نسمع أخبار زى دى كل شوية من أى حد متولى منصب فى الدوله ....... طيب ماهو نظام فاشل تم تطبيقه ليه ؟ وتم وعد ألاف الناس اللى بتقدم ليه ؟ ده كفايه ان مفيش أبسط الحقوق للطلاب زى التقييد فى النقابة ولا غيرها .. ده كفاية نظره المجتمع للتعليم ده عشان ملناش أى حقوق ..... وعلى فكرة مش الكل بيقدم عشان وظيفة فى بيقدموا لتحقيق أحلامهم ..... وكل دول العالم بتشجع على التعليم .... ده كفاية كم المبالغ اللى بتتدفع .. طيب تخصص للجامعات اللى بالنظام ده وتكون بعيدة عن الجامعات الحكومية أرض وتبنى عليها نظام الجامعات دى و يقنن و يكون ليه نظام خاص وشروط خاصة وتشرف عليه الدوله زى الجامعات الخاصة وهتدخل ايراد للدوله أوزى الجامعة العربية المفتوحة وده نظام ماشاء الله ناجح ..... وعلى فكرة احنا تقريبا شروط القبول بالجامعة المفتوحة زى شروط القبول بالجامعات الخاصة وأيضا تقريبا نفس القوانين .... مش كفاية مستحملين اننا يمر على اخر مؤهل خمس سنين عشان نعرف نقدم ..... ولا أنكر أن هذا النظام به الكثير من السلبيات ولكن يمكن اصلاحها ... .. وعلى فكره احنا نظمنا صارم جدا سواء فى الدراسة أو الامتحانات يعنى الموضوع مش هزار ... احنا بلد أحمد زويل يعنى لازم نشجع اللى عايز يتعلم ..... القرارات دى اللى بترمى بطموحاتنا فى الأرض مع ان الجامعات عند تقديم الطلاب لها بيكون كلامها غير ده ...... يعنى بتقول ان الشهادة معتمده وان لينا نفس حقوق الطالب العادى ........ احنا مطلبناش العلم فى الصين احنا طلبنا العلم فى بلدنا ...... والرسول أمرنا بالتعليم مهما كان العمر أو المسافة ... ده اللى بيموت وهو فى طريقه للعلم بيعتبر شهيد ..... يعنى الدين بشجعنا على التعليم واحنا نعمل عكسه واحنا بنطلب حاجه من حقنا ومش بنطلب حاجه حرام ...... وعلى فكرة فى جامعات بطبق أكتر من يوم فى الدراسة ....... وفى طلاب كانوا بينجحوا بتقديرات عالية وفى بيكملوا درسات عليا .. احنا داخلين على مرحلة ديدة فى بلدنا يعنى لازم نكون مع التطور ..... ده قاسم أمين ورفاقه عملوا المستحيل عشان يبنوا الجامعة فى مصر ولتعليم الشعب المصرى واحنا نرفض تعليم الأشخاص ... حضراتكم لم تعلموا كم الفرحة والسرور واحنا بنكمل تعليمنا وبنحقق طموحاتنا .... وكم الحزن من قرارات زى دى ...... اذا كان طلاب الثانوية العامة هيقدموا بعد كده بالمهارات والميول ولا يشترط المجموع وممكن يأجلوا التقديم عده سنوات للجامعة يعنى حسب رغباتهم ..... و التعليم مكفول للجميع
عدد الردود 0
بواسطة:
سعيد عثمان
وكمان نظام التعليم المفتوح
وكمان نظام التعليم المفتوح بيطبق فى معهد السينما وفى معهد اعداد الدعاه والجامعة العربية المفتوحة ..... وكمان كل دول العالم بتشجع على التعليم ...... لا تعطونا وعود وتصحونا على كوابيس ...... المواطن له حقوق وواجبات منها التعليم ...... وكمان الدوله هتستفيد لانه هيعود عليها بالربح ..... أفضل من ترك جامعات الدولة والتعليم فى جامعات أخرى أو فى بلاد أخرى