قال الكاتب والمفكر يوسف زيدان، إن شتائم المصريين مدح والعكس صحيح، موضّحًا: "حالنا الثقافى أصبح مضحكًا جدًا، لعدم ضبط مفردات اللغة لدينا، المصريون كانوا مغلوبين على أمرهم بسبب المماليك اللى هما العبيد العسكريين اللى ملكوا البلد ودمروها طوال 5 قرون".
وأوضح "زيدان" خلال حواره مع الإعلامى عمرو أديب، ببرنامج "كل يوم" على فضائية "ON E"، أن المجتمعات تسقط بـ"الدلع الماسخ" كاستقدام الممثلات العالميات ودفع ملايين الدولارات لهن.
وأضاف المفكر قائلاً: "مصر للقرن الرابع الهجرى مادخلتش الإسلام وماكنتش بتتكلم عربى خالص، والناس فاهمة إن عمرو بن العاص جه وخلى مصر مسلمة وده ماحصلش، عمرو بن العاص جه فتح الإسكندرية مرتين، وعمل معسكر اسمه الفسطاط، وقعدوا فيه يطلعوا بالخيول وياخدوا فلوس من الناس علشان يحموهم، وفى العصر الفاطمى مصر دخلت الإسلام واتكلمت بالعربى".
وتابع: "عمرو بن العاص كان بيلح على الخليفة عمر بن الخطاب.. أروح مصر.. أروح مصر.. فرد عليه وقاله يا ابنى اهدى.. فعمرو ابن العاص قاله يا عمر من غير يا مولاى ولا يا فخامة الرئيس، وماكنش بينهم الكلام ده.. وكانوا بيبعتوا لبعض.. يعنى عمر بن الخطاب كان بيقول: من عمر بن الخطاب للعاص بن العاص أنا قلتلك اعمل كذا معملتش ليه.. فكان عمرو بن العاص يرد عليه يقوله: من عمرو بن العاص إلى عمر أمير المؤمنين.. والله لولا إنك أمير المؤمنين لكنت رديت عليه رد تانى خالص يليق بيك".
عدد الردود 0
بواسطة:
abdalrhman
( واحد من خنازير الملاحدة مدفوعي الاجره الذين كثروا ونهايتك معروفه ان شاء الله !! )
لكل داء دواء يستطب به **** إلا الحماقة أعيت من يداويها
عدد الردود 0
بواسطة:
المصرى
كلامك للغمز واللمز والا كنت تحدثت بصدق
كل شئ فى البلد به إسراف الا التعليم والصحة
عدد الردود 0
بواسطة:
hazem
لازم يكون حالنا الثقافي مضحك طلام فيه امثالك
و الله انت اللي كلامك مضحك بقي عمرو بن العاص كان بيلح علي عمر بن الخطاب و يقوله اروح مصر اروح فرد عليه يا ابني اهدي
عدد الردود 0
بواسطة:
حموده الجارى
فيه مثل بيقول....
ماتكلمش الاهبل... ولا تخلى الاهبل يكلمك....ثقافه ايه ومماليك ايه...عايز تتكلم زى كده... بص فى المرايه واكل المعزه....
عدد الردود 0
بواسطة:
مصرى
على وضعك
شاغل نفسك ليه بالقديم ......خليك فى الجديد وكلمنا عن الوضع الحالى والوضع المستقبلى ...... يمكن ربنا يحسن وضعك الحالى والمستقبلى ويعفو عن وضعك القديم ............ كلمنى عن بكره وسيبك من امبارح ........ ده كلامك كله سايح ونايح
عدد الردود 0
بواسطة:
الأسكندراني
(((((( ألثقافي ....و....الأجتماعي ))))))
...و... و صباح الخير ....وأنعكس حالنا الثقافي المضحك ....على حالنا الأجتماعي ...فجعله ...مبكيا ...يدعو للرثاء ..والألم ...ذهبت كثيرا من أخلاقنا ...كمصريين ...التي كنا نتحلى ...بل نتفرد ونتصف بها ...ذهبت بفعل الأنحدار الثقافي ...ذهبت هباءا منثورا ...تفسخ مجتمعي ...أهترأ وتعفن وفاحت رائحته ...أفلام بلطجه ...دعاره ..مثليه جنسيه ...مهرجانات للعرى والسفه والسفاله ...ولو ناديت ...ماأسمعت أحدا ...فلا حياة ..ولاحياء لمن تنادي ........وكم فيك يامصر من المضحكات ولكن ضحكا كالبكاء ........ربنا يستر ............اللهم أكشف عنا السوء وأهله ....ف ....ليس لها من دون الله كاشفه .
عدد الردود 0
بواسطة:
الباشا
كلمة واحدة
كلمة واحدة بس حسبى اللة ونعم الوكيل فيك انت وامثالك
عدد الردود 0
بواسطة:
صلاح العويسي
هو الصنف اللى بتشربه اسمه ايه
ياراجل حرام عليك انت بتقرء التاريخ باالمقلوب.. كل يوم تطلع علينا بحاجه جديدة صلاح الدين واحمد عرابى وكمان هتطاول على الصحابى عمرو بن العاص وامير المؤمنين عمربن الخطاب ياترى انت بكرة هتطاول على مين اصل العيب مش فيك العيب فى اللى بيصتدفوك على قنواتهم وياريت تبطل الصنف المعفن اللى انت بتشربه
عدد الردود 0
بواسطة:
الاستاذة
حرام عليك لماذ تشوه التاريخ
انا دراسة للتاريخ ومعلمة تاريخ اقول لك يا هذا اتقى الله لماذا تشوه التاريخ المماليك من انقذ الوطن العربي من التتار و الحروب الصلبية وخاضوا معارك كثيرة للحفاظ على الوطن العربي ووحدته اتقى الله
عدد الردود 0
بواسطة:
محمد
كلام صحيح من الاستاذ يوسف زيدان
فعلا احنا دخلنا الاسلام ايام الخلافة الفاطمية على المذهب الاسماعيلي ثم تحولنا للمذهب السني المتطرف على ايد صلاح الدين الايوبي بعد ما قتل منا حوالي 100 الف مصري عشان يفرض مذهبه المتطرف بالقوة واصلا كلمة داعي وداعية دي اصلها اسماعيلي لان المذهب الاسماعيلي هو اللي ابتدى يرسل دعاة لنشر الاسلام بالحكمة والموعظة الحسنة اما الغزاة الاصليين فكانوا مهتمين فقط بالجزية وجمع المال والخراج ومكانوش مهتمين مطلقا بنشر الاسلام اصلا .