"نائب" لوزير النقل: "إحنا فى بولاق بنشم تراب.. ومش هنسيب حقنا"

هاجم محمد الحسينى عضو مجلس النواب عن دائرة بولاق الدكرور، المهندس هشام عرفات وزير النقل خلال حضوره الجلسة العامة المنعقدة الآن لمناقشة طلبات إحاطة موجهه له، بقوله : " إحنا محتاجين إرادة وضمير، مش كل وزير ييجى يصدرلى الإحباط ويقولى معنديش موارد، ما احنا عارفين".

وتابع "الحسينى" فى كلمته التى وجهها للوزير: احنا محتاجين الوزير ينزل يشوف الطرق المكسرة، فيه طرق الوزير ميعرفش عنها حاجة، وعنده موارد ما يعرفش عنها حاجة، إلى جانب إن مفيش حد بيهتم بالصيانة فى مصر"، وطالبه بعرض خطته للصيانة.

و بشأن دائرته فى بولاق الدكرور، استطرد النائب : "احنا فى بولاق 3 ملايين، طرق الدقى مرصوفة واحنا فى بولاق بنشم تراب، علشان الإدارة فاشلة وحقنا فى بولاق ضايع ومش هنسيبه".

وفى سياق متصل، طالبت النائبة أمل زكريا، بالتحقيق فيما يسمى بـ "الميزانة" التى تُفرض على عدد من وسائل النقل، والتى تُستقطع من قوت الغلابة وفقاً لتعبيرها، متابعة: " خطوط السكة الحديد بتاع المناشى قوم حمادة، واقف بقاله فترة، ومفيش صيانة، ومش كل حادث يحصل نقول السواق هو السبب، الصيانة فين".