أمير كرارة: "مصر كلها بتحب حسام غالى.. ومن حقه يروح كأس العالم"

أعرب الفنان أمير كرارة عن أمنيته بوجود اللاعب حسام غالى، لاعب وسط النصر السعودى فى صفوف المنتخب الوطنى خلال خوضه بطولة كأس العالم القادمة والمقامة فى روسيا عام 2018.

 ونشر كرارة صورة لحسام غالى عبر حسابه على انستجرام وعلق عليها قائلاً: " معلش فى اللى هقوله، وأنا مش متعصب كره قدم أوى، مبروك لمنتخبنا الجامد ومبروك لرجالتنا اللى شرفوا مصر كلها،  بس شوفو ازاى أحنا مبسوطين إننا رايحين كأس العالم واسمنا مش هنشارك غير بقلبنا وهنتفرج في التليفزيون، فى راجل خدم البلد دى وشارك فى كل بطولاتها وكان حلمه أنه يروح كأس العالم وولاده يفرحوا بيه ويفتخروا بيه، وأنا عارف أن كل منتخب مصر بيحب الراجل ده ومصر كلها عارفه أنه هيفرق مع منتخبنا، وأتمني أنى أشوفك فى كأس العالم عشان هيبقي ليه طعم تانى وأنت فى الملعب، من حقك تروح كأس العالم، شكراً كابتن حسام غالى".

الصورة التى نشرها أمير كرارة