يفتح الكاتب الصحفى والإعلامى خالد صلاح، فى حلقة الليلة، من برنامجه على هوى مصر، ملف مشروع قانون "الإيجار القديم" المقدم من النائبين إسماعيل نصر الدين ومعتز محمود والموقع عليه من 115 نائبا، بعد إحالته من رئيس البرلمان إلى لجنة الإسكان لدراسته.
ويستضيف خالد صلاح فى الحلقة المذاعة فى الثامنة من مساء اليوم، على قناة "النهار one"، النائب إسماعيل نصر الدين مقدم المشروع، فى مواجهة مع النائب عمرو أبو اليزيد أحد المعارضين للمشروع.
ويستعرض الجانبان خلال الحلقة وجهة نظرهما عن المشروع، وهل يكون بمثابة قنبلة اجتماعية تهدد مئات الآلاف من الأسر بخطر التشرد أو زيادة إيجارات شققهم، أم يكون إنصافا لمئات الآلاف من الملاك الذين يتقاضون إيجارات زهيدة من منازلهم، وكذلك عدم قدرتهم على استرداد منازلهم بوفاة المستأجر وانتقال الإيجار إلى ورثته.
كما يتلقى صلاح اتصالات المواطنين سواء من المؤيدين أو المعارضين لمشروع القانون لمعرفة رأيهم فى مشروع القانون.
عدد الردود 0
بواسطة:
مجدي القباري
الحذر ثم الحذر من يتبنى هذا المشروع
الحذر ثم الحذر من يتبنى هذا المشروع و لابد من متابعته جيدا لأنه يشمل اطفال الشوارع و الاسر المطحونه فقط ,, و انا علشان مش بعرف اتصل بالبرامج - ياريت تقول لصاحب المشروع اللى دفع خلو رجل فى اخر الثمانينات و قام بتقفيل الشقه على حسابه و توضيبها هل يحق لصاحب العقار طرده بعد ماصرف دم قلبه عليها ,,, و العقد شريطة المتعاقدين ,, اشمعنى فى دي العقد عاوزه مش شريطة المتعاقدين و القانون يتعدل ,,, يا اخى عدل قانون المعاشات - قانون البلطجه و السيوف و الالى و السنج اللى فى الشوارع - عدل قانون الرشاوي و الفساد اللى فى المصالح الحكوميه ,, الله يعينك ياريس - خلى بالك من الناس اللى بتلعب - تحياتى لليوم السابع و للأستاذ / خالد صلاح
عدد الردود 2
بواسطة:
عمرو احمد
ريحونا من قرف المستاجرين
ياريت يتم تطبيق قانون ده فى اسرع وقت لان فى شقق اصحابها قفلناه وقاعدين بره واصحاب العمارة مش عارفين يجيبوا شقة يجوز فيها عيالهم والشقق المقفوله اجارها 10 جينة و20 جينة حرام بجد ياريت كل المستاجرين يطردوا فى الشاعر ريحونا من قرقهم لان بعد كدة اصحاب العمارات هينفد صبرهم شكرا لكل واحد ساهم فى اصدار القانون واتمنى من السيد الرئيس سرعة تطبيقه
عدد الردود 0
بواسطة:
أحمد
المشروع تهديد للأمن القومى و الاجتماعى .
لن يكون هذا المشروع بمثابة قنبلة اجتماعية تهدد مئات الآلاف من الأسر بخطر التشرد أو زيادة إيجارات شققهم، بل قنبلة موقوته تهدد الأمن القومى . و أقترح أن تقسم الإيجارات إلى فئات 1 ـ ما قبل الخمسينات زيادة 500 % من أجرة العقد الأصلى 2 ـ ايجار الستينات زيادة 400 %من أجرة العقد الأصلى 3 ـ ايجار السبغينات زيادة 300 % من أجرة العقد الأصلى 4 ـ ايجار الثمانينات زيادة 200 % من أجرة العقد الأصلى 5 ـ ايجار التسعينات حتى صدور قانون الإيجار الجديد زيادة 100 % وهذا لن يرهق المستأجر الضعيف .
عدد الردود 0
بواسطة:
محمد سعد
نظرة للمسلمين أصحاب العقارات القديمة
هل من الإنصاف أن يكون إيجار الشقة بثمن ثلاثة أرغفه بالشهر وبعدين يجي واحد يقول دفعت خلو يا سيدي هناك شقق من مائة سنة لم يتغير الإيجار نعم 100سنة 150قرش وتقولي دفعت خلو الخلو كان ممنوع يعني زي الرشوة فهل يستحق لك أن تسترجع الرشوة ام تكون مذنب
عدد الردود 1
بواسطة:
سيد مصطفى
افرجها يارب
يارب القانون يبقى واقع هل معقول شقة ايجارها النهاردة 4000 جنيه تؤجر ب20 جنيه وتورث ومحل ايجاره الطبيعى 12000 جنيه يؤجر بعد الزيادات ب375 جنيه على اى اساس اللى بيقول خلو هو دفعه وعارف ان اسمه ايجار يعنى هييجى يوم ويسيب العين طب كان اشترى ساعتها ومحدش يقدر يكلمه المستأجرين عايزين يفضلوا عايشين على نفقة الملاك ومتلذذين بالسحت ولو الناس الفقيرة بجد هتفضل موجودة ماشى بس الفقيرة بجد احنا ساكن عندنا ظابط متقاعد عنده 3شقق وشقة فاسكندرية وبيدفع 18 جنيه ويستنى الاتنين جنيه ..مش واخدين بالكم مالبيوت اللى بتقع وبتتحرق دى الصفة المشتركة بينهم الإيجار القديم انا عمرى مهصرف على بيت ايجار قديم لانى بتمنى انه يقع..شكرا بجد لليوم السابع
عدد الردود 0
بواسطة:
محمد شاكر
اعمل ايه
انا واحد عندى 43 سنه وعندى 3 بنات اكبرهم 15 سنه و11 سنه واصغرهم 7 سنين المفروض بعد 10 سنين ان كان فى العمر بقيه اعمل ايه انا وبناتى ومراتى ... اقسم بالله ما اخرج من الشقه الا يا قاتل يا مقتول اكرم لى من قعدة الشارع .... نا بحذرهم اهوه ولا احنا علشان صوتنا مش بيوصل.... حرام عليم يا اخى لما انت عايز تزود الايجارات وده حق المالك بالمعقول يبقى ليه بعد 10 سنين عايز تطردنى وانا عندى 53 سنه وشغال قطاع خاص .... واوعى تقولى ده فى مصلحة اى مستأجر اتحداك لو فيه مستأجر موافق ياللى بتقولى ده فى مصلحة الطرفين
عدد الردود 0
بواسطة:
مشروع قانون عادل و منصف
قانون منصف
اللهم وفق مصر للعدل لان الظلم ظلمات فالازهر و العلماء اكدوا ان العقود الايجار القديمة تشبة الربا و بها اكل اموال الناس بالباطل...
عدد الردود 0
بواسطة:
على
يمكن زياده الاجرة
يمكن زيادة الاجرة بنسب معينه من اللاجرة القانويه المتخذه لربط الضريبه كما تم سابقا فى النشاط التجارى وبنسب معقوله عندى صاحب العقار ايام الثوره بنى 5شقق وباعهم بمليون جنيه مين بيحاسبه ولو واحد اشترى عقار قديم فى 2011 وعارف ان الايجار قديم ويبقى هو حر وبنى 5 شقق ايام الثوره وباعهم الان بمليون جنيه هتعملوا معاه ايه يا نواب ردو بقا ده يستاهل تزودله الاجرة بدل ما تحاسبه والنبى يا استاذ خالد خليهم يردو
عدد الردود 0
بواسطة:
hend
لا والف لا لتعديل قانون الايجار القديم
مش كفاية زيادات الاسعار اللى البلد بتعانى منها جايين كمان تشردوا ملاين الاسر عشان خاطر ناس قابضة فلوس.الملاك واخدين حقهم تالت ومتلت وبنوا العمارات برخص التراب عاوزين اية.كفاية جشع وطمع .
عدد الردود 0
بواسطة:
السيد حسن الدماطى- كفر الشيبخ
تحيا مصر قرار جرئ في ظل قيادة شجاعة -
مشروع جيد خاصة انه يطبق نظرية لا ضرر ولا ضرار ولماذا نقول للمستأجرين يطردون في الشارع هذا خطأ والمشروع المقدم لم يقل ذلك وإنما يقوم بتنظيم العملية بين المالك والمستأجر فهل يعقل أن يكون شقة ايجارها خمسة جنيهات وعشرة وعشرون وانا اعتقد انه من الناحية الدينية خطأ كيف يملك المستأجر شيئ لا يملكه والمالك يقوم باستئجار شقق بايجارات مرتفعة جدا لأبنائه في حين انه يمتلك شقق والمشروع راع المستأجرين والاولوية لهم في الحصول على الشقق المدعمة غذن فهو مشروع ناجح جدا وتماما لتحرير العلاقة بين المالك والمستأجر من خلال وضع قانون ينظم هذه العملية مع الحفاظ على الطرفين من التشريد وهذا من ضمن القرارات الجريئة التى بإذن الله تعالى سوف تنفذ في عهد القائد القوي الشجاع الرئيس عبد الفتاح السيسي