تحيرك نظراتها الشاردة فور رؤيتها، فوجهها تغمره ملامح الأطفال وحول عينيها ينتشر السواد لاستغراقها الليل فى التفكير فيما ألم بها، إنها آية شوكت، والشهيرة بـ"صدفة"، الفتاة التى قلبت مواقع التواصل الاجتماعى بصورتها التى وجدت ضمن أعمال شعوذة بمنطقة السيدة عائشة، لتفرقة صدفة عن خطيبها حسن، وتمنى المرض والموت لهما حسب زعم صدفة... اليوم السابع يحاور صدفة وأسرتها بمنزلها بمنطقة البراجيل بإمبابة، للوقوف على القصة كاملة، ومعرفة من صاحب أعمال الشعوذة، وكيف استقبلت صدفة فكرة القيام بعمل لها، وستجيب السطور القادمة عن كل تلك التساؤلات.
الصورة المتداولة للعمل
تقول صدفة لـ" اليوم السابع "،" أنا وحسن واخدين بعض عن حب، وكان كويس جدًا معايا لحد يوم الخطوبة لما جه ياخدنى من الكوافير، فأول ما شافنى قالى أنتى شبه القرد وفيه شعر كتير فى وشك..وسابنى وجرى على العربية وفرج الناس عليا فى الشارع و فضل ينهج وطلع رغاوى بيضة من بقه، وبعدها هدى وروحنا الخطوبة.. واتصورنا ووزعنا على المعازيم الصور اللى موجودة فى العمل".
صدفة ومحررة اليوم السابع
وطول فترة خطوبتنا فى مشاكل مش طبيعية وعلى أتفه الأسباب فمثلا اتخاصمنا شهرين بسبب " زور الحمامة "، ليه وليه إنى عزماه على حمام وسايبة الزور فى الحمامة إزاى دا يحصل وهزقنى وساب الأكل ونزل وفضلنا متخاصمين بعدها شهرين، دا غير خناقة "توم وجيرى"، ليه أتفرج على كرتون وهو عندنا .. وعليها كام شهر، وغيره وغيره كتير ..دا وصل بيه الحال إنه كسر صورة خطوبتنا الكبيرة وأنا كمان كسرت قدامه صورة تانية من غضبى دا غير إنه كان بيحدفنى بالشاحن ولما كسرت كوباية قال إنى كنت عايزة أموته".
صورة الخطوبة بعد الكسر
وأكملت: "كل الحاجات الكتيرة دى وعمرى ما توقعت إن معمولنا عمل وأقول بكرة يتحسن، واتأكدنا إننا مش لبعض وفسخنا الخطوبة وتعبت وكل الدكاترة احتاروا فى تعبى لدرجة إنهم شكوا إن عندى سرطان فى الثدى، وبعد فترة من اللف على المستشفيات حسن رجعلى عشان يبقى جنبى فى تعبى وأنا خوفت ووقفت الأدوية، وسيبنا بعض على أتفه خناقة بينا وهى إنى لقيته "ويت" ولما سألته قالى إنه بيكلم والدته عرفت إنه كداب وسيبنا بعض".
ضحية الشعوذة وشقيقتها ووالدتها
واتفاجئت زى كل الناس بصورتى على الفيس إنى معمولى عمل عشان أسيب حسن وأمرض، وفضلت أضحك ضحك هيستيرى، وبعدها عيطت إن فى حد بيكرهنى للدرجة دى، لأن عمرى ما تخيلت إن دا يحصل.. ولقيت الكل بيفكر إنى لازم أرجع لحسن وعملولنا صفحة حسن وصدفة، وهاشتاج حسن ارجع لصدفة، وكنت فى ذهول تام، وتواصلت مع البنت صاحبة المنشور اللى بتقول إنها لقت العمل فى مقبرة والدها وقابلتها على سلم عمارتها، وبعد ما روحت لقيت حاجات ناقصة غير اللى فى الصورة على مواقع التواصل الاجتماعى، ومن وقتها بنكلمها مبتردش وبيقولولنا النمرة غلط، وعملتلى بلوك مش عارفة مين عملى كدة ولا عايز منى إيه.
صدفة شوكت
وأردفت: حسن مفيش حاجة على باله لا عايز يشوف العمل، ولا جه معانا وإحنا بنجيبه، وجبنا شيخ عشان يلاقى حل وبمجرد ما بدأ يقرأ قرآن تعبت وشوفته ذئب، وأكدلى إن الـ"برا" اللى عليها العمل متخصنيش ولكنها رمز للمرض بمنطقة الصدر، وبقول للناس سيبونى فى حالى أنا عمرى ما أذيت حد ولا عايزة حاجة من حد وحسبى الله ونعم الوكيل .
تحاليل ضحية الشعوذة
ضحية الشعوذة والآشعة والأدوية
وتقول فاطمة سالم والدة صدفة، " من زمان وأنا كنت شاكة إن بنتى معمولها حاجة لأن فرحتها مبتكملش، وخطيبها كان غريب أوى وبيزعق ويفرج علينا الشارع لدرجة إن مرة حدفها بالولاعة ولعت فى الجدار، رغم أنه طيب لكن تصرفاته كانت غريبة، وصدفة صعبان عليها تقلع الدبلة لأنهم بيتخانقوا كتير بس أكيد لسة بتحبه وواخدة على خاطرها منه، وبقول لكل اللى أذونا حسبى الله ونعم الوكيل، وللبنت اللى وجدت العمل باقولها يابنتى اظهرى حرام عليكى تمى جميلك الناس بتتهم بنتى إنها عاملة كدة عشان ترجع لخطيبها وربنا الأعلم بالمعاناة اللى مرينا بيها.
والدة ضحية الشعوذة ومحررة اليوم السابع
أمنة نصير : تصديق الشعوذة جهالة عقائدية وثقافية
أمنة نصير
وبدورها تقول الدكتورة آمنة نصير، العميد السابق لكلية الدراسات الإنسانية بجامعة الأزهر، إنها لن تصدق تفاصيل ما يتم روايته فى هذه الواقعة لكثرة ما سمعت من أكاذيب وأوهام فى وقائع سابقة على حد قولها، موضحة أن تصديق مثل تلك الوقائع يدل على الجهالة العقائدية وأن هذه الأفكار بدأت تنتشر بقوة نتيجة لانتشار الأمية الأبجدية والعقائدية وتغيب الثقافة فى صحيح الدين.
وتضيف العميد السابق لكلية الدراسات الإنسانية، أن تصديق القيام بالأعمال ومثل هذه الأفعال ما هو إلا مبرر لتعليق الفشل فى الحياة وتفسير المرض بالدخول فى متاهة أخرى، ولكن إذا حسن إيمان الإنسان حسن إيمانه.
أمين اللجنة العليا للدعوة بالأزهر: السحر واقع لا يكذب والمعوذتان تبطلاه
محمد زكى بدار
ومن جانبه يقول الشيخ محمد زكى بدار، أمين عام اللجنة العليا للدعوة بالأزهر الشريف، إن السحر موجود والحسد موجود ولكن لا يصيب إلا الإنسان الذى مناعته ضعيفة، وفى هذه القصة لا يمكن تكذيب الواقع وهناك من يتأذى من السحر، بدليل قوله تعالى " ويتعلمون به ما يفرق بين المرء وزوجه "، ولكن حتى لا يصاب المجتمع بالذعر ويقع ضحية لأعمال الشعوذة عليه أن يتذكر أيضاً قول الله تعالى " قل لن يصيبنا إلا ما كتب الله لنا" ، و" وما هم بضارين به أحد إلا بإذن الله".
ويتأكد أن السحر لا يضر بذاته، فكل شىء مقدر بقدر الله فإن لم تكن الأحداث التى تمر بها كتبها الله عليك فلن يحدثها سحر أو غيره، ولا بد على الإنسان أن تكون عقيدته قوية ويعمل على تحصين نفسه بالمداومة على الصلاة وقراءة المعوذتين وآية الكرسى والوضوء، والإيمان بالقدر خيره وشره.
صدفة وحسن
تحاليل طبية
ضحية الشعوذة ترتدى الدبلة
ضحية الشعوذة تحسبن على من ظلمها
فاطمة سالم
أعمال الشعوذة
العمل بعد الفك
القفل وأعمال الشعوذة
عدد الردود 0
بواسطة:
احمد الهواري
خذوا نصيحة مجرب
اولا يجب على كل من البنت والولد الالتزااااااام التام بالصلاه في مواقيتها وخصوصا صلاة الفجر. ثانيا يجب عليهما قراءة سورة البقره يوميا وبعض من سور القرءان والالتزام بالتسبيح والتهليل والتكبير وبإذن الله لن يضرهما شئ حتى لو كان ابليس نفسه
عدد الردود 0
بواسطة:
منين نجيب الصبر
يا أخت أية أنظرى الى أيات اللة سبحانة وتعالى ستجدين الحل الشافى لمشكلتك وأرمو حمولك علية
أولا تحياتى لك وأتمنى أن يكون هذا العام عام الفرج والسعادة عليك بأذن اللة --ثانيا أبدأى من اليوم بالوضوء وقراءة أول أية من سورة البقرة--أ لم --ذلك الكتاب لا ريب فية هدى للمتقين الذين يؤمنون بالغيب ويقيمون الصلاة ومما رزقناهم ينفقون والذين يؤمنون بما أنزل أليك وما أنزل من قبلك وبالاخرة هم يوقنون أؤلئك على هدى من ربهم وأؤلئك هم المفلحون--ثم أية الكرسى--ثم خواتيم سورة البقرة أمن الرسول بما أنزل الية من ربة والمؤمنون كلا أمن باللة وملائكتة وكتبة ورسلة---الى أخر السورة---عند أستيقاظك مباشرة وقبل نومك ---وأيضا اذا أستيقظتى فى جوف الليل--أعتقد هذا لن يكلفك شيى لكنة بأذة اللة سيفيدك كثيرا وأنظرى النتيجة من أول يوم --ومدى تحسن حالتك تدريجا وكذلد أى أنسان أصابة مثل ما أصابك ومهما كان ما بة أن شاء اللة ستزول عنة مصيبتة --ولا تنسينى من دعواتك بظهر الغيب -- وأستطيع أن أقول لك بأننى أضمن الشفاء من عند اللة ومن أول يوم وسأقراهم من اليوم معك بنية خالصة وبمحبة لك فى اللة وسترين النتيجة مع تحياتى وتمنياتى بدوام السعادة --ملحوظة أنا أقرأهم منذ طفولتى والحمد للة رب العالمين لم يمسسنى الضر-- بضم الضاد--ومستمر فى هذا وفى أى وقت ليس فقط صباحا ومساءا أو فى جوف الليل--الأية الكريمة تقول وجعلنا فية شفاء للناس --أى القرأن وليس المقصود هنا الأمراض العضوية بل امراض الوسوسة والأمراض النفسية والكرب والهم --ويارب يعفو عنك ويزيل عنك همك وكربك والقارئين أجمعين --ويجعل جهنم مصيرا وسكنا أبديا للذين يضرون بالناس--واللة أنة لشيئ محزن أن ينسى الأنسان ربة وأخرتة ويتفنن فى أذية الأخرين
عدد الردود 0
بواسطة:
عبد الحق صالح
ياأمة ضحكت من جهلها الأمم
حيث ان الأعمال بتنفع ياريت تعملوا عمل لإسرائيل عشان تسيب فلسطين، يا أمة ضحكت من جهلها الأمم.
عدد الردود 0
بواسطة:
محمد ربيع
الى الاخ الكريم حسن
اتمنى تقرأ رسالتى و الله البنت دى بتحبك و مين لاقي حد يحبه بجد و مين عاقل يفرط في كنز زى دى ناس واضح انهم محترمين و طيبين و صدقنى السحر موجود و في ناس كتير بتعمله و واضح فعلا انه في حد كان مستخسركم في بعض خد قرارك و ارجع افرح و فرحها برجوعك . ربنا يصلح حالكم و يوفقكم لما يحبه و يرضاه
عدد الردود 0
بواسطة:
مصر وطني
والله العظيم أنا مصدقة هذه البنت المسكينة لأن اتعمل لي سحر ولزوجتي ليلة دخلتنا
والله السيدة الفاضلة آمنة نصير أقول لها اتق الله اتق الله اتق الله .. السحر موجود في القرآن في سورة البقرة ويونس .. هل قرأتي كتاب الله ؟؟؟ انا رجل مثقف جدا ولم أكن أظن في هذه المسائل حتى ليلة دخلتي حيث كان معمول لي عمل في الشك في عفة زوجتي حتى أطلقها والله هذا ما حدث لكن الله غالب على أمره وتبين أن من عملت لي العمل قريبة لي كانت تأمل أن أتزوج ابنتها .. المهم ربنا سبحانه وتعالي حفظنا وحفظ زوجتي وهي بنت الأشراف من الفضيحة وانطفأ الحب من قلوبنا لمدة 14 عاما لكن لم نفترق وكانت الخلافات بيننا هائلة حتى من الله علينا بالشفاء التام وعاد الحب الحقيقي لنا مرة أخرى.. اقول لكل من ينكر السحر أن يصمت حتى لا يبتلى .. وأقول للأخت صدفة والأخ حسن حلكم الوحيد في الالتزام بالصلوات والدعاء واللجوء إلى رب البرية الذي نجا موسي من السحر سينجيكم منه بأذن الله .. واعلمي يا اختاه أن من قام بعمل السحر لكي مصيره العمى والشلل التام بحول رب البرية وقوته .. وأن الجنة محرمة عليه سواء امرأة أو رجل أما السيدة آمنة نصير فأقول لها حسبنا الله ونعم الوكيل في من أنكر وجود السحر وهو مذكور في القرآن حسبنا الله ونعم الوكيل
عدد الردود 0
بواسطة:
علاء الدين
والله الكلام دة مظبوط
فعلا يوم الخطوبة بتعتى كانت خطيبتى فى جميىع الصور والفرح شاردة الفكر وكانت على غير عادتها فبغد ذلك عرفت ان احدى قريبتها الكبار اللى كانت فاكرة ان اتقدم لخطبة ابنتها ولكنى اتقدمت لغريها فعملت لها هذا المطب والله العظيم هذا حصل .
عدد الردود 0
بواسطة:
mohamed mosaad
حصل معايا حاجه زي كدا ومكونتش مصدق
كنت هاخطب بنت جميله جدا مرتبط بها حوالي سنه فجاه بقيت اشوفها وحشه جدا جدا ومش طايقها ولما سبتها بعدكام شهر واتخطبت بقيت بشوفها جميله جدا زي الاول انا قلت يمكن احلوت بعيني لما بعدت واتخطبت بس حسيت ان الموضوع مش طبيعي اقسم بالله بس الاكيد ان فيه سحر ومذكور في القران والاكيد ان علاجه بالقران وبلاش نسيب نفسنا للمواضيع دي لازم ايمانا بالله سبحانه وتعالي يكون قوي