ذكرت وكالة سبوتنيك الروسية، أن رحلات الطيران بين مصر وروسيا قد يتم استئنافها فبراير المقبل، ذلك نقلا عن مسئولين من الدوائر المعنية بالسياسة الخارجية فى روسيا.
وبحسب الوكالة، الثلاثاء، عن مسئولين روس أن رحلات الطيران من روسيا إلى 3 مدن مصرية سوف يتم استئنافها فى 23 فبراير المقبل فى حال استيفاء جميع المتطلبات الأمنية من الجانب المصرى.
وأوضح المصدر أن الرحلات المستأنفة سوف تشمل التشاور والطيران المنتظم بين روسيا ومطارات القاهرة والغردقة وشرم الشيخ.
ومن ناحية أخرى أعلنت وزارة النقل الروسية، أنه لم يتم حتى الآن، تحديد موعد استئناف الرحلات الجوية بين روسيا ومصر.
وأرسلت وزارة النقل الروسية للحكومة الروسية تقريرا عن تفتيش الخبراء الروس لمطار القاهرة، وتقرير في مرحلة الإعداد، عن نتائج عمليات التفتيش في مطاري الغردقة وشرم الشيخ.
وكان نائب رئيس الوزراء الروسي، أركادي دفوركوفيتش، قال فى تصريحات سابقة، أن قرار استئناف رحلات شركات الطيران الروسية إلى القاهرة بات قريبا.
عدد الردود 0
بواسطة:
TITO
كل شويه إستاناف الرحلات قريب جدا
وأخذ يفكر ويفكر ثم أخذ يفكر ويفكر وبعد ذلك أخذ يفكر ويفكر وفجأه !!! أخذ يفكر ويفكر حتى مات من التفكير
عدد الردود 0
بواسطة:
TITO
فبراير 2018 ولا فبراير 2019 ولا فبراير 2020 ولا فبراير حين ميسره
التعليق فوق
عدد الردود 0
بواسطة:
سعيد
زهقتنا يا بوتن عن قرب عودة السياحة الروسية
عاوز تيجى تعالى انت ما بتجيش ليه والا الجيب مش عمران
عدد الردود 0
بواسطة:
دكتور ماهر على هندى
روسيا ورحلات الطيران
النظام الروسى يعامل مصر معامله لاتليق بالصداقه ولا المصالح المشتركه حيث يتمادى فى عدم استئناف الرحلات متعللا ومتعنتا ومتعمدا ومصر ربنا يحميها لن ترضخ لاحد ولن يذلها احد للنظام الروسى عايز ترجع الرحلات اهلا وسهلا ولو مش عايز فى ستين داهيه
عدد الردود 0
بواسطة:
زيزو
يا جماعة انا متغاظ زيكم ولكن، مش من حق الروس يعرفوا مين اللى وقع الطيارة؟؟!!!
اللى مات فيها 250 روسى بعمل ارهابى على الارجح كما لمح الرئيس السيسى نفسه اكثر من مره، من حق الروس يعرفوا مين اللى وقع الطياره، وكيف تم تفجيرها وما نوع المتفجرات وكيف دخلت الطياره ومن وضعها؟!! والاهم ومن وراء من وضعها؟؟!! والاهم كيف نضمن الا يتكرر الامر خصوصا بعد سقوط طائرة باريس مما زاد الطين بله، مين اللى ايده طايله قوى كده غير واحد من 3 اجهزة مخابرات فى العالم، هذه الطائرة قد تتسبب فى حرب عالمية ثالثه!!!
عدد الردود 0
بواسطة:
المواطن المصري
يارب اصلح حال مصر
أخيراً تم تحديد موعد لاستئناف رحلات الطيران والسياحة الروسية لمصر يارب اكفينا شر أهل الشر واصلح حال المصريين
عدد الردود 0
بواسطة:
عايدة
الخبطة اللي اتخبطوها مش قليلة
معليش يا اخونا هما برضو خايفين شوية هي ديتها رحلة واحدة تيجي و هترجع كل الرحلات تاني دة الروس بيحبو يجوا مصر جدا علشات السياحة هنا غير مكلفة زي برة دة اصحاب الشركات السياحية الروسية عندهم حزن نفسهم الرحلات ترجع تاني
عدد الردود 0
بواسطة:
فكرة
هو كلو من الاعلام للاسف
طول ما هما شايفين الاعلام المصري عمال يكتب في اخبار ومستعجل على استئناف الرحلات مش هترجع لكن عارفين هترجع امتي ؟؟ لما تتجاهلوا الموضوع وما تديهوش اهميه وتظهروا لهم اننا مش فارقه معانا الموضوع هما اللي هيجروا ويرجعوا الرحلات تاني انما انا اتعلمت انه طول ما الواحد بيجري ورى الحاجة عمرها ما هتجيلو انما ارميها ورى ظهرك هتلاقيها جايالك جري
عدد الردود 0
بواسطة:
مشمش
الروسى والاوكرانى ارخص سياح العالم
وانا فى اللنش فى رحله بحريه من خليج نعمه بشرم الشيخ الى جزيره تيران..منذ يومين...والله العظيم...كان يركب معنا جروب من اوكرانيا..يمكث اسبوعا بفندق .(؛؛؛) الخمس نجوم ..فطار غذاء عشاء وسناكس طوال اليوم..وسعر رحلتهم من ..كييف عاصمه اوكرانيا ..الى شرم اسبوع ب 250 $..بجانب الطيران ...يعنى حوالى 5000 جنيه فقط....والروسى او الاوكرانى.. حينما ياتى مصر..يصرف لك 20...$ او بالكتير30 $ طوال اقامته فى مصر
عدد الردود 0
بواسطة:
مواطن
كوسه
فيه فرق في المعامله من روسيا بين مصر وتركيا بدليل لما تركيا قتلت الطيار الروسي واسقطت الطياره عمدا رجعت العلاقات مع تركيا المضطربه امنيا بكل سهوله وبمكلمة تليفون ، لكن روسيا بتظغط علي مصر علشان السيسي الله يحميه رفض وجود قاعده روسيه علي ارض مصر