بالفيديو.. الحضرى لـ"ناجى":"أحسن مدرب".. والمدرب يرد: "نزله حاجة ساقعة"

أعرب أحمد ناجى مدرب حراس مرمى المنتخب الوطنى، عن سعادته الكبيرة بالفوز على منتخب غانا، بهدف نظيف، ليتصدر الفراعنة المجموعة الرابعة بـ7 نقاط وتأهل المنتخب الوطنى لملاقاة المغرب، يوم الأحد المقبل، فى دور الثمانية من كأس الأمم الأفريقية المقامة حاليا بالجابون.

قال أحمد ناجى فى تصريحات خاصة لقناة "On Sport":"لم نقع في حيرة بسبب التشكيل كل حاجة مترتبة وجاهزة شغالين 24 ساعة بشكل يومى"، ليقاطع عصام الحضرى حوار مدرب حراس الفراعنة قائلاً: "ده أحسن مدرب فى مصر وإفريقيا"، ليرد المدرب قائلاً: "قالى كده بعد الماتش".

واصل السد العالى حديثه قائلاً: "مبروك لمصر كلها مبروك للكابتن ناجى مش عشان عصام الحضرى اللى بيقول ده لكن عشان ده راجل بيشتغل ويتعب ويجتهد عشان كده ربنا بيديله لأنه بيشتغل بضمير"، ليداعبه مدرب حراس الفراعنة قائلاً: "نزله حاجة ساقعة".

أوضح "الحضرى أنه يعمل مع مدرب حراس المنتخب الحالى منذ فترة طويلة قائلاً:" أنا معاه بقالى 13 سنة وأكيد زهق منى لكن أنا مزهقتش منه وأنا بتعب عشان أوصل للهدف اللى عاوز اوصله واللي هوا عاوزنى أوصله.. والمستوي اللى أنا فيه يحسب لشريف والشناوى وبالتأكيد أحمد ناجى".

شدد مدرب حراس الفراعنة فى نهاية الحوار أن هناك لغة خاصة مع الحراس قائلاً: "فى لغة حوار بينا صفارة واحدة.. صفارتين.. يهدى يسرع يغير البويزشن ومتربى عليها ومتعلمها دايما يبصلى فى أمور بيننا تعد لغة خاصة سواء بالصفارة أو الإشارة".