"حاولت الدفاع عن نفسى بعد ما ضربنى بالكرسى ومحستش إلا وأنا بطعنه ودمه على الأرض".. بتلك الكلمات أدلت المتهمة بقتل زوجها "ميكانيكى" عقب مشاجرة نشبت بينهما وقيامه بالتعدى عليها بالضرب ورفضه رده مصوغاتها الذهبية، باعترافتها أمام نيابة المعادى، برئاسة المستشار عمرو شريف.
واعترفت المتهمة بأنه قبل الواقعة بعدة أيام طلب منها زوجها مصوغاتها الذهبية لمروره بأزمة مالية، إلا أنها رفضت فى البداية، وبعد إلحاحه عليها أعطته المصوغات، وعندما طلبت منه ردها أكثر من مرة رفض، وكان اليوم ينتهى دائما بينهما بالشجار.
وقالت المتهمة، إنها يوم الواقعة طلبت المصوغات، فرفض، ما أدى لتشابك بالأيدى قام على إثره زوجها بضربها بكرسى خشب، وقام بكسره على جسدها، فحاولت الدفاع عن نفسها، ولم تشعر إلا والسكين فى يديها ودمائه على الأرض.
كان قسم شرطة المعادى تلقى بلاغا من مستشفى المنيل الجامعى يفيد باستقبال "حجاج عبد الرحيم" 46 سنة ميكانيكى، مقيم بدائرة القسم، مصابا بجرح قطعى نافذ بالصدر من الناحية اليسرى، وتوفى متأثرًا بإصابته، وبإجراء التحريات تبين وقوع مشادة كلامية بين المجنى عليه وزوجته "إيمان ع.م.ح." 27 سنة، ربة منزل، قتلته على إثرها، وبإعداد الأكمنة اللازمة أمكن ضبطها.
عدد الردود 0
بواسطة:
ولسه بتقول
اا
للذين يتحدثون عن العنف ضد المرأة وان الرجل دائما هو الجاني . ما قولكم في هذه الواقعة وغيرها ؟ أليس من الأفضل أن نكون صرحاء من النفس للوصول إلى أسباب العنف الأسري سواء من الرجل أو المرأة أو حتى الأولاد ؟ وان العنف في مصر أصبح منتشر نتيجة عدة عوامل متشابكة .
عدد الردود 0
بواسطة:
مصطفي
كرسي إيه ؟! وسكينة ايه ؟! فى ايه يا ناس ؟! وبعدين دا الفرق السن بينهم 19 سنة كاملة ؟!
لا حول ولا قوة إلا بالله , اللهم ألطف بنا من الجاهلين والظالمين وأرحمنا برحمتك الواسعة
عدد الردود 0
بواسطة:
احمد
الغلاء
الغلاء وطلبات البيت وقلة الفلوس خلت الناس من غير سبب تتخانق مع دبان وشها
عدد الردود 0
بواسطة:
مشمش
ضرب افضى الى موت ..وهى تدافع عن نفسها...وليس به سبق اصرار ..او ترصد..
...الله ينعل ابو الفقر ..وابو التعويم التى جعلت الناس كلها فى وكاله البلح وسوق الجمعه والعتبه وألموسكى تشترى حاجياتها من على الرصيف
عدد الردود 0
بواسطة:
عايدة
ركز يا مشمش
اية اللي دخل سوق الجمعة و الوكالة للجريمة المنتشرة دية ندالة زوج استولي علي مصغاها و راح تزوج بية الناس بيقولوا انها عنيفة مع الرجل لكن الحقيقة هو وصلها للحالة العصبية فقتلتة و كان دفاع عن النفس تاخد فيها 10 سنين بالكتير 15 سنة و خلاص علشان الرجالة تحرم تزعل الستات تاني
عدد الردود 0
بواسطة:
ابراهيم بكرى
أتعجب من الرجل الذى يشتبك مع زوجته كأنها رجل أمامه
عنف يقابله عنف . وأنا شخصيا لو من القاضى لحكمت عليها حكما مخففا مع ايقاف التنفيذ . تحية للأستاذ مشمش رقم 4 وأتمنى معرفة اسمه الحقيقى لأتشرف به .
عدد الردود 0
بواسطة:
مشمش
يا عايده. تعليق 5)**.قصدى الفقر هو الذى دعا شابه تتزوج واحد اكبر منها ب 20 سنه
..واحذر السيد ژوج السيده عايده ..من مصير ..المرحوم بعاليه...باين عليها ..من قبيله ريا وسكينه ..ولا تسكن ف الدور الارضى
عدد الردود 0
بواسطة:
ASHRAF.WAFAEE
مودة ورحمة...
مودة ورحمة.. امر جعلة الله سبحانة وتعالى بين الازواج... ضيعوا دينهم ودنياهم..
عدد الردود 0
بواسطة:
عايدة
لية كدة يا استاز مشمش
انا ريا و سكينة الله يسمحك هقولك انا كان عندي عزومة و المحالات مغلقة علشان كنا في العيد و احضروا لي فراخ صاحية علشان ادبحها مقدرتش و الضيوف اكلوا جبنة و بيض و رجعت الفراخ تاني مش بخل لا اقدر اشاهد الدم
عدد الردود 0
بواسطة:
مشمش
ياست عايده 9..)* انا بهزر ...اكيد استيتى لما الفراخ باضت..وقدمتي البيض مع الجبنه ثم رجعتى الفراخ
....انتى صديقه دائمه للموقع...وربنا يرزق اطفالك بزيجات طيبه...مش من الزوجات اللى بتدبح الازواج