الداخلية: زى رسمى جديد للضباط والأفراد مزود بكاميرات لرصد أية تجاوزات

الأربعاء، 25 يناير 2017 06:31 م
الداخلية: زى رسمى جديد للضباط والأفراد مزود بكاميرات لرصد أية تجاوزات اللواء صلاح الدين فؤاد مساعد وزير الداخلية لقطاع حقوق الانسان
كتب محمود عبد الراضى

مشاركة

اضف تعليقاً واقرأ تعليقات القراء

قال اللواء صلاح الدين فؤاد مساعد وزير الداخلية لقطاع حقوق الإنسان: سيتم منح الضباط والأفراد فى كافة المواقع الشرطية زيا رسميا مزودا بكاميرات مراقبة لرصد كافة الوقائع والتجاوزات التى تقع من الطرفين سواء رجل الشرطة أو المواطن، ونعمل على تحديد أقسام الشرطة التى تصلنا بشأنها بلاغات بوجود تجاوزات، ويحرص وزير الداخلية على زيارتها فجأة أو من ينوبه لفحص الأمر واتخاذ الإجراءات القانونية اللازمة، ونعقد دورات تدريبية للضباط فى مجال حقوق الإنسان بحضور شخصيات حقوقية وكتاب، وهناك بتروكولات تعاون مع كافة المجالس المتخصصة فى هذا الأمر.

وأضاف مساعد وزير الداخلية، فى تصريحات خاصة لـ"اليوم السابع"، أن لجنة الانضباط الأمنى الجديدة تعيد النظر فى أسلوب العمل بأقسام الشرطة واختيار الضباط ورؤساء المباحث، واختيار المناسب من الضباط للعمل فى هذه المواقع لتحمل الضغوط، والاعتماد على الأساليب الحديثة خلال العمل، فضلاً عن تنظيم مسابقة سنوية لأفضل "مديرية أمن، وقسم شرطة، وسجن عمومى، ووحدة مرور، ووحدة جوازات، وأحوال مدنية"، يتوفر فيها معايير حقوق الإنسان وفقاً لاستطلاعات الرأى للجمهور، وتقديم حوافز للموقع الشُرطى الفائز، قد تكون "مادية، شهادة تقدير، نوط"، من أجل التنافس على تطبيق مبادئ حقوق الإنسان بأقسام الشرطة.

وتابع اللواء صلاح الدين فؤاد مساعد وزير الداخلية لقطاع حقوق الانسان، أنه لا توجد حالة اختفاء قسرى واحدة فى مصر، ولا يوجد شخص محتجز فى السجون أو أقسام الشرطة بدون سند قانونى، وتقارير المجلس القومى لحقوق الإنسان تؤكد عدم وجود اختفاء قسرى أو تعذيب لدينا.

واستطرد: أرسل المجلس القومى لنا يستفسر عن 448 شخصا على مدار 3 سنوات، وتم الرد عليهم فى 393 شخصا تبين أن منهم 202 محبوسين احتياطيا على ذمة قضايا، و9 هاربين ومطلوب ضبطهم وإحضارهم و52 تم إخلاء سبيلهم، و75 لم يستدل عليهم فى السجون، وشخص مريض نفسى ومحرر محضر بغيابه و10 موجودين بمحل اقامتهم واثنين هاربين من أسرهما، وشخص مختفى لإقامته علاقة غير شرعية مع سيدة وآخرون مفقدون فى هجرة غير شرعية، و55 قيد الفحص.

وأضاف أن مجلس النواب أرسل للاستفسار عن 27 شخصا وتم الرد عليهم فى 15 شخصا.





مشاركة

اضف تعليقاً واقرأ تعليقات القراء



التعليقات 9

عدد الردود 0

بواسطة:

حكيم

المشكلة مش فى الظباط

الظباط محترمين المشكلة فى الاداريين اللى بيتعاملو مع الجمهور .. ياريت يا سيادة الوزير نفعل الكاميرات اللى فى صالات المرور ... وبالنسبة للزى ياريت تتركب فى مهندسى الفحص (اللجان الفنية) وخاصة بتوع مرور الزقازيق .. ده حتى شنطة الاسعافات مفيهاش حتى زجاجة بيتادين صغيرة والمقص اللى فيها انا مدفعش فيه ربع جنيه لانه عبارة عن صفيحة رقيقة على شكل مقص وبيجبروا المواطن على انه ييشتريها ب 70ج وحتى المثلث العاكس لازم يتجدد مع انه مش بيستهلك لغاية ما بقى عندى فى البيت دولاب مثلثات. .... ياريت نعمل شبابيك خدمة مميزة والفلوس تروح للدولة بشكل قانونى ... وجزء منها حوافز للموظفين المحترمين ... بصراحة المشكلة سهل حلها لو تم التنسيق بين التنمية الادارية وباقى الوزارات وممكن بكده تبقى المؤسسات الخدمية تدخل دخل للدولة بدل ما تكون عالة عليه .. زى ما عمرو اديب لسانة دلدل فى الحكاية دى

عدد الردود 0

بواسطة:

زائر

لن تمنع الجريمة ولكن يمكن ان تحد منها

بعد الجريمة يتم التحفظ على الكاميرا التى تعد كالصنوق الاسود للطائرة ويتم تشكيل لجنة وفريق متخصص فى كشف الصور واستخراجها من الكاميرا التى ربما تكون قد تعرضت للخطر والسوال اين توضع هذه الكاميرا حتى تغطى الاربع اتجاهات للفرد والا توضع على راسه مثل عيون الذبابة المركبة التى تتحرك فى كل الاتجاهات ودى طبعا كاميرا غالية الثمن قد تفوق ثمن السلاح الذى يحمله الفرد وفى هذه الحالة سوف تتسبب فى قتل الفرد للحصول على الكاميرا لان سلاح الفرد يتسبب فى قتله ... حيكون شكل فرد الشرطةاشبه بفرد الفضاء ادرسوا الموضوع من كل الجوانب قبل التنفيذ وارهاق ميزانية الدولة فى مشاريع فاشلة

عدد الردود 0

بواسطة:

سيد حامد

الكاميرات هتكشف كل الأنحرافات

و ياريت كمان تركبوا كاميرات داخل سيارات الشرطه ( مثل سيارات الشرطه الأمريكيه ) حتى يتم مراقبة ما قد يحدث داخل سيارات الشرطه من انتهاكات او استخدام سيارات الشرطه في مهام غير شرطيه و ايضآ مراقبة خط سير السيارات

عدد الردود 0

بواسطة:

sedawy2013@gmail.com

الكاميرات

طيب والضباط اللي بيكونوا لابسين مدنى هيركب كاميرا ازاي

عدد الردود 0

بواسطة:

بركة

مصيبة

ليه كده .. كاميرات في زي الضباط والجنود .. ليه يا جماعة .. طيب اللي بيرموا جتتهم على رجال الشرطة يعملوا ايه .. طيب اللي بتشتم وتتطاول على الشرطة وبسرعة تشتكي وتصوت وتصبح في لحظة مسكينة وبريئة وبنت حلال .. !!!! .. بعدين .. ازاي ورش واستوديوهات فبركة الافلام ضد للشرطة هتاكل عيش منين .. ؟ .. وبتوع الميكروباص اللي يعتدوا على الضابط ولما يدافع عن نفسه يعملوا دراما ومندبة وان الضحية مسكين وكان على وش جواز !!!!!!!!!!!!.. طيب الفضائيات اللي تخصصت في التربص بالشرطة هتعمل ايه ؟!!!!!

عدد الردود 0

بواسطة:

ms4h4

هو دا الشغل

ايوه كدا بس ياريت يبقى شىء بجد يعنى مثلا مافيش ظابط او امين شرطه يبقى واقف ف خدمه بدون الزى او الكاميرا دى ولو حصل ان ف كمين واقف ف الشارع ومش لابس الزى او مافييش كاميرا يتم محاسبته او تسيبو المواطنيين يضربوهم عشان بعد كدا يلبسوها

عدد الردود 0

بواسطة:

بنت مصرية

الرحمة لمن يرحم !!

هتركبوا كاميرات فى ملابس الضباط علشان تراقبوهم وهما بيعاملوا المجرمين !! وبالمرة تتأكدوا ان المجرم اثناء استجوابه بيتعزم على غدا من عند ابو شقرة ويحبس بفخفخينا من عند فرغلى !! بصوا انا طبعا مش مع بلطجة الشرطة بأى صورة من الصور , لكن كمان ده ضابط بيتعامل مع مجرم , يعنى قاتل او سارق او مغتصب أو ....... , هيتعامل معاه ازاى ؟؟ ماهو كل فئة من الناس ولها طريقة فى التعامل , مينفعش اتعامل بالذوق والأدب مع مجرم بلطجى مسمعش عن الذوق ولا بيعرف الأدب !!

عدد الردود 0

بواسطة:

مشمش

كلمتين وبس

...برااااااافوا....وياريت يكون اولا.. مع ضباط وامناء المرور فى كل مكان

عدد الردود 0

بواسطة:

محمد

ضربة معلم

كده هو احسن حل عشان لا الشرطي ولا المواطن يكون مظلوم وربنا يوفقكم بس ياريت يكون التنفيذ سريع وميكنشي كلام

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة