وزير القوى العاملة: نمر بمرحلة حرجة.. والغنى من يشتكى وليس الفقير

عدد الردود 0

تصريح وزير القوى العاملة

صدقت القول معالى الوزير وان من يشتكي من ارتفاع الأسعار هم الرأسماليين وليس الفقراء وذلك ليس لأن الأسعار فى متناول الجميع ولكنها بالفعل مرتفعه جدا ولكن الرأسماليين هم من يصرخون ويتوجعون من الغلاء بسبب رفاهية معيشتهم فهم لا ينفقون أموالهم على قدر احتياجاتهم بل أكثر من ذلك ما نسميه بالرفاهية فذلك هو ما يشعرهم بإلغلاء وليس احساسهم بالفقير كما يدعي الكثير منهم باحساسة بالفقير الذى بالفعل لا يشتكي كثيرا لانة يعيش اللحظة وما يحتاج من متطلبات الحياة فهو قادر على التكيف فى أى مجتمع واى ظروف وهذه طبيعة الشعب المصرى منذ القدم أما اغنياء الشعب فأقول لهم فعلا الحياه صعبة والأسعار نار ولكن اتركوا البسطاء يتاقلمون ويسيرون حياتهم بمعرفتهم دون الحديث بالسنتهم .أما كلامى للحكومة ليس معنى كلامى هذا أن الشعب لا يتألم أو يعانى من الغلاء فكونوا أكثر جديه لمساعدتة فى مواجهة هذا الوضع الاقتصادى الصعب.فى غرفة العمليات يعطى الطبيب المريض المخدر بقدر صعوبة العملية وعمر المريض أين مخدر عملية الإصلاح الاقتصادى الذى به يتحمل الألم فى هذا الإصلاح وشكرا مجدى الاسيوطى

عدد الردود 0

صدقت والله

نعم .. صدقت والله .. الفقير صابر وراضي وفاهم وخايف على بلده .. الغني المرفه هو من يشكو ويدفع الآخرين للشكوى .. الابراشي بيعمل سهرة للفجر عن حالة واحد فقير أو مريض عايز اجراء عملية .. سهرة للفجر بدل ما يساعده ويساعد الالاف بنسبة بسيطة من كيكة الاعلانات او حتى يعالج المريض في المستشفى الاستثماري الكبير اللي تبع دريم .. كل يوم برامج ولولة عن الاسعار وكاميرات بالشوارع تشترط انك تلطم وتولول عشان يسجل معاك مثال .. ( في إحدى هذه البرامج تسجيل من الفجالة والست بتلطم مش لاقية ثمن كراسة واحدة !! .. بعد التسجيل ودون ان ينتبه المخرح لقينا الست بتشيل كراتين ادوات مدرسية !!!! ) .. يتحدث الاثرياء في الاعلام بالنيابة عن الشعب المصري وانه بيشكوا وبيعاني .. نعم بيعاني لكن لايشكو فهو يعلم الحقائق أما هؤلاء فيتاجرون بمعاناة الفقراء لمزيد من الاعلانات والصخب لانهم ببساطة لايجدون مواضيع وافكار لبرامجهم فيختارون الطريق السهل .. وكلكم تذكرون الليلة العجيبة اللي كان معظم الاعلام باستثناء الاعلام الوطني يصرخ من ( اسعار البامية ) ولو حد سأل طفل في قرية هيقول ( يا بيه دي بشاير البامية ولازم تكون غالية بعد ايام ينزل السعر يا بتوع الدقي والمهندسين !! ) .. صدقت يا سعادة الوزير وكلنا مع مصر حتى عبور عنق الزجاجة الى الانفراجة القريبة بإذن الله تعالى .

عدد الردود 0

تغييب الوعي

فعلا الفقراء لايشتكون لأنهم ماتوا !! ماهذا التغييب ... احترموا مشاعر الفقراء في قهرهم وادعوا الله يصبرهم على بلواهم

عدد الردود 0

مابلاش إستخفاف بعقولنا

خليك منطقى الكل هو إللى بيشتكى وخاصة الفقراء وبلاش تفرقه بين الغنى والفقير يمكن الغنى بيشتكى لأنه حاسس إنه هيبقى فقير وشكوة الفقير لأنه حاسس بأنه أصبح معدوم وصحته لا تسمح له حتى بالكلام

عدد الردود 0

ليك حق

انت طول عمرك شغال فى قطاع البترول هتحس بالناس ازاى

عدد الردود 0

همة كلمتين مفيش غيرهم حق الأغنياء على راسنا من فوق احنا سبب مرارة شكواهم

وعشان كدة لازم تدوسوا بالجزمة على راس أم الفقرا والغلابة وتضحوا بيهم علشان الأغنياء تعيش --متشكرين يا وزير --يا أحلى وأجرأ وز وز --أقصد وزير --عندك حق الغلابة مش لازم يعيشوا أبدا --وأوعى أسمعك تيجى فى يوم وتقول أنا مقلتش كدة واللة أنا مفصدش كدة والنبى أنتم والصحيفة فسرتوا كلامى غلط-- الا بالمناسبة والنبى ممعكش 5 خمسة جنية سلف و جدعنة لأخر الشهر أجيب بيها سندوتش فول بسوسوة ودودة من بتاع الغلابة أفطر بية --واللة فول بس مش هطمع وأقول لك بسطرمة بالبيض ولا مارون جلاسية ولا شاورمة ولا حلاوة بالقشطة والمكسرات من بتاعة السجون --علشان عارف لو قلت لك كدة مش هتسلفنى وجايز تقول لى هات لى أتنين موظفين يضمنوك ولا يقل مرتبهما الشهرى عن 20 عشرين ألف ملطوش مصرى----ولا أقول لك بلاش لا تهب فيا وتقول لى منين يا حسرة أجيب لك منين أنضف من الصينى بعد غسيلة الحال من بعضة وتعملها حكاية وتقول أهو شفتوا الفقرا ولاد الكلب بينغسوا علينا عيشتنا وأدى واحد منهم عاوز منى 5 خمسة جنية سلف أية دة الفقرا دول ما بيبطلوش مطالب خالص --هات هات هات --ما وراهمش حاجة غير الشكوى أية همة فاكرنا أية مصانع فلوس---الشهادة للة يا سيادة الوزير عندك حق أحنا شعب وش فقر وخسارة فينا النعمة وبنموت فى حاجة أسمها عكننة الكبار والأغنياء --نفسنة يعنى يمكن يحنوا علينا بلقمة--روح دور على اللى اساسا همة السبب فى شكوى الأغنياء روح شوف أنت وحكومتك مين اللى بيشترى المواد التموينية وبأعلى سعر ويخزنها أو يرميها لكلاب السكك علشان الشعب الفقرى دة يجوع ويثور على الأغنيتاء ولما تمسكهم أبقى أدينى خبر علشان نكمل موضوعنا --عالم بتاعة شكاوى صحيح