خالد صلاح

برعاية سوبر كورة

سوبر كورة

محمد صلاح العزب

لو ما بتكلمش نفسك ما تبقاش مصرى

الأحد، 15 يناير 2017 10:00 ص

مشاركة

اضف تعليقاً واقرأ تعليقات القراء
ما يحدث فى مصر حاليا من ارتفاع للأسعار وانهيار للجنيه يصيب بكل الأمراض المزمنة، ضغط ماشى، قلب شغال، سكر وماله، الناس ماشية تكلم نفسها فى الشوارع والأسواق حرفيا بسبب الغلاء، وتتفرج ع الصحافة والإعلام اللى مفروض يتكلموا عن معاناة الناس مع الأسعار، فلا تجد سوى صمت المقابر، كله بياكل عيش.
 
المسابقة الأشهر حاليا فى الشارع المصرى: تحب تموت إزاى؟
 
يعنى مثلا لو مرتبك 1200 جنيه زى ملايين المصريين، وماكنوش بيكفوك عيش حاف، وفجأة الأسعار ضربت فى 2 و3، تحب تموت من الجوع؟
 
طب لو حضرتك مريض بأى مرض من أول الأنفلونزا لحد - والعياذ بالله - السرطان، والأخ وزير الصحة أقر رفع أسعار 3010 أصناف دوائية للمرة التالتة فى كام شهر، وبالتالى مبقاش معاك فلوس تشترى الدوا، تحب تموت من المرض؟
 
اللى عنده أكل فايض ميرميهوش، واللى عنده دوا زيادة يتبرع بيه لحد محتاجه، واللى عنده أى حاجة يحافظ عليها عشان محدش هيعرف يشترى حاجة تانى.
انت عايش ليه أصلا؟ إحنا داخلين على الـ100 نسمة، وعاوزين نخف العبء شوية، يا أخى اعتبر نفسك فى أتوبيس ولا فى أسانسير، والحمل زايد شوية، والمواطن اللى عنده ذوق ينزل ويوسع لزمايله.

مشاركة

اضف تعليقاً واقرأ تعليقات القراء

لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة