خالد صلاح

برعاية سوبر كورة

سوبر كورة

محمد صلاح العزب

مفيش حاجة بجنيه

الأربعاء، 11 يناير 2017 10:00 ص

مشاركة

اضف تعليقاً واقرأ تعليقات القراء
• مش مهم إحنا، لكن حط نفسك مكان طفل صغير كان من كام شهر بياخد مصروف جنيه بيشترى بيه حاجة ياكلها وهو رايح أو راجع من المدرسة، وفجأة بقت نفس الحاجة باتنين جنيه، فيسأل صاحب المحل: طب في إيه بجنيه، فيهز الرجل رأسه نفيا، وهو يصدمه: مفيش حاجة بجنيه، فينظر الطفل للعملة المنهارة فى يده بحسرة، ثم يضعها فى جيبه ويضع وجهه فى الأرض.
 
• ليس الغريب هو ظهور جمال وعلاء مبارك بصورة شبه يوميه فى الأماكن العامة، العجيب هو احتشاد المواطنين حولهم لالتقاط الصور مع «برنسات» المرحلة المخلوعة، المدهش أن نفس المواطنين هم الذين نزلوا لخلع مبارك وإنهاء فترته، لكن للأسف فقد خدعنا مبارك طوال الوقت حتى فى آخر خطاباته حين قال: «أنا أو الفوضى»، لأنه قال «الفوضى» فقط، ولم يقل لنا كل ما نحن فيه حاليا، لأنه لو تنبأ بكل ما حدث لانضم كل متظاهرى التحرير إلى حركات «إحنا آسفين يا ريس».
 
• سواق ميكروباص كاتب على عربيته من ورا: وراء كل رجل مديون امرأة.
 
• مفيش حاجة في الدنيا من غير عقاب.. واللى إحنا فيه دلوقتى ده عقاب كل اللى حصل بعد 25 يناير.. حاسب وأنت ساكت.
• دعاء 2017: اللهم أسعد إناسا بذلوا أرواحهم لإسعادنا، ولم نتمكن من إسعادهم.
• خلصانة ومعاها حصانة.

مشاركة

اضف تعليقاً واقرأ تعليقات القراء

التعليقات 5

عدد الردود 0

بواسطة:

عبده

بجنيه 20 رغيف لأسرة كاملة

فوووووق

عدد الردود 0

بواسطة:

مصراوي

التكاتف والتعاون وجنيه علي جنيه

وضع وشه بالارض >>>>> يتعلم التوفير يحط الجنيه عالجنيه ويجيب احسن حاجه دلوقت ما يجبش احسن ما بعدين ما يلاقيش خالص يتعب شويه بس يكبر ويلاقي الخير يتعوض معاه الخير في النفس مش في الجيب ولا اشباع النفس الضعيفه المريضه وانت خير مثال نفسيتك تعبانه وقلبك اسود ومريض بالغل بالرغم من التحسن الذي طرا عليك من بعد جوع وغلب لكن ما بداخلك لا يتغير ولن يتغير ولن تستطيع انكار ذلك او مواربته ومهما فعلت لن تقي لمصاف اناس بالتشبيه فليس الامر بالتشبيه والا لكنا جميعا اشباع العظام ولكن كل اناس شبيه نفسه فقط لا غيره تاكد ان هبوطك علينا من مستنقع الحريات لن يضيرنا شىء لاننا واعيين

عدد الردود 0

بواسطة:

خالد محمد هاشم

ثقيل الدم

ثقيل الدم وليه متقولش أنه اللي احنا فيه بسبب احداث 25خساير

عدد الردود 0

بواسطة:

Romany Azazy

عزب رجع يا رجالة

حمدلله على سلامتك يا فنان، صدقني الايام اللي فاتت كانت بايخة من غير مقالاتك

عدد الردود 0

بواسطة:

نور

شهد شاهد من اهلها

اخيرا الحمد لله اقتنعتم ان 25مصايب كان يوم اسود ماشفناش من وراه غير الخراب والارهاب والخرفان وموت ولادنا ودمار اقتصادنا وقلة قيمتنا وانهيار الاخلاق ومبقاش فيه حاجة اسمها ادب مابقاش فيه غير ارهاب ونشتاء ومظاهرات وبتوع حقوق الخرفان والواد اللى مش عارف يجيب حاجة بجنيه

اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة