كشف اللواء أحمد طايل، مدير أمن محافظة جنوب سيناء، فى تصريحات صحفية، أنه تم اتخاذ إجراءات أمنية مشددة لجميع العابريين عبر نفق الشهيد أحمد حمدي الرابط بين شبه جزيرة سيناء والمحافظات الأخرى.
وأوضح أن هذه الإجراءات تتمثل فى أن يحمل الشخص بطاقة هوية الرقم القومى الصادرة من سيناء أو كارنيه الأمن الصادر من جهة العمل إذا كان موظفا فى جهة حكومية والعاملين بشرم الشيخ، حيث لابد أن يكون لديهم كارنيهات البحث الجنائى أو استخراج فيش وتشبيه موجه إلى مكان عمله، وبالنسبة للسياحة فلابد أن يظهر المواطن عقد ملكية أو إيجار شقة أو شاليه أو أن يكون معه حجز الفندق الذى سوف يقيم به أو صورة من الحجز على "واتس آب".
وأضاف مدير الأمن، أن هذه الإجراءات بدأت إجراءات تطبيقها منذ بداية العام الجديد، بالتنسيق بين مديرية أمن جنوب سيناء ومديرية أمن محافظة السويس، لإحكام القبضة الأمنية على شبه جزيرة سيناء وضبط عمليات التهريب للمواد المخدرة ومنع تسلل أى عناصر إجرامية أو إرهابية لسيناء .
عدد الردود 0
بواسطة:
رضا حسن
الاهم من ده وضع بوابة اليكترونية الكشف عن الحقائب
يا فندم انا شغال في شرم الشيخ وبسافر كل شهر وكل مرة واحنا رايحين ينزلونا ويخلونا ننزل الشنط ونقف طابور وييجي مجند جيش يفتح كل شنطة ويفتشها بايده... طبعا بنتاخر جدا وبتضايق من تفتيش الشنط يدوي وساعات يكون فيها ملابس حريمي للزوجة او الابنة... حتى الاجانب بيتخنقوا من تفتيش اليدوي للشنط وكمان ممكن المجند مايخدش باله لو في حاجة ممنوعة... طلبت كذا مرة من الظباط اللي هناك يطلبوا جهاز اكس راي للكشف على الحقائب زي اللي في المطارات... وردوا وقالوا احنا طالبين ولغاية دلوقتي مجالوش لينا الجهاز ده... هيوفر تامين اعلى وسرعة وشكل محترم... الموضوع ده مهم جدااااا ياريت توفروا الجهاز ده بسرعة ... مش ناقصين تحصل مشكلة امنية تانية في شرم... كفاية اللي احنا فيه....
عدد الردود 0
بواسطة:
مواطن مصرى
تأشيرة دخول
المفروض يكون فيه مكتب لجمهورية سيناء ناخد منها تأشيرة قبل الذهاب الى سيناء هو احنا مسافرين اوروبا فاضل ايه تانى يعنى لازم سبب مقنع لدخول سيناء العمل او السياحة بحجز فندق. المفروض يسهلوا ويعملوا مكاتب أمنية فى النفق ولازم يفحصوا اى شخص مسافر لسيناء ببطاقة الرقم القومى فقط . انا عارف ان الوضع فى سيناء صعب جدا ومستحيل اى قوة امنية تراقب كل الناس مستحيل بسبب الخونة وما اكثرهم الله يكون فى عون الأمن . يارب احمى مصر ووفق رئيسها السيسى وقيادتها واحمى مصر من الارهاب والخونة والارهابيين والاخوان الارهابيين .
عدد الردود 0
بواسطة:
امير سمير
تدمير للسياحة
طب الناس اللى بتحجز كامب فى طابا او نوبيع او دهب بالتليفون هتعدى إزاى؟ لو واحد رايح شاليه واحد قريبه فى اى قرية هيجيب إثبات إزاى؟ هوه ده تشجيع الساحة الداخلية؟؟ هوه القرى و الفنادق هناك ناقصة خراب؟؟ مفيش اى حلول اليكترونية او تكنولجية ممكن تحقق نفس الغرض بدون التعسف ده؟؟؟
عدد الردود 0
بواسطة:
صاحب مزرعة في الشرق
موقف اصحاب المزارع في شرق السويس
موقف اصحاب ومزارع شرق السويس 40 الف فدان اتخرب بيوتها بسبب النفق ممنوع دخول اي اسمدة حتي العضوية (السباخ) ولا المحاصيل من برتقال مش عارفين نعديها يافندم انت عارف التفتيش ازاي بيشوفو الشنط وافتح شنطة السيارة مابشوفوش لارخص سيارة ولا بطاقة من فضلكم غيرو الطريق وتكون افراد امن مدربة مش عسكري مجند ليس عنده اي خبرة