استطلعت الرقابة الإدارية برئاسة المقدم حسام رشاد عضو هيئة الرقابة الإدارية، وبحضور العقيد أحمد بكر مباحث التموين، وعادل عبد الشكور موظف بإدارة البترول بالوزارة، وعبد الدايم أبو المجد مندوب بمصلحة الدمغة والموازين، آراء المواطنين حول مدى توفر السلع البترولية بالمحطات، ومدة الانتظار التى يستغرقها المواطن أثناء تواجده أمام المحطة.
وقال المواطن سعيد رزق: "مفيش أزمة بنزين ومشكلتنا (التبس) اللى مبنعرفش نمون سولار من غيره، والعمال اللى شغالين بيفرضوا علينا فى التفويلة ٥ جنيه، وساعات أكثر، وإحنا كسواقين نقل مجبرين ندفع ونمشى".
واستكمل المواطن رشاد على: "بقالنا 3 أيام بنلاقى بنزينات كتير مفهاش بنزين أو يقولوا العربية لِسَّه مجاتش، وبنضطر ننتظر، وساعات بنركن عربياتنا علشان خايفين نتحرك منلاقيش بنزين ونعطل فى الطريق".
وتابع عبد الرؤؤف عرفات: "أنا سواق فى شركة خاصة وبمون بالبون، ومع ذلك العمال بيطلبوا منى فلوس، وبكون مطر أدفعها من جيبى علشان الشركة ملهاش دعوة، والبونات مدفوعة الأجر".
أما فى سؤال كمال حمّاد أحد سائقى التاكسى قال: "إحنا أكثر ناس بنحس بالأزمة من كثرة اللف طول اليوم، ولحد دلوقتى مفيش أزمة، واللى بيقول كده بينافق وعاوز يعمل فتنه فى البلد".
عدد الردود 0
بواسطة:
اسماعيل شندي
اشاعه ولا مش اشاعه
منذ ساعه لسه مفول بنزين من بنزينه في مدينه 6اكتوبر الموجوده في المصانع ولاتوجد مشكله ولكن هناك طابور حوالي 500 متر لسيارات النقل والسولار وبسؤال عامل البنزينه قال لي لا توجد عندها مشكله في البنزين ولكن السولار هناك زحام عليه منذ 10 ايام والله علي ما اقوله شهيد
عدد الردود 0
بواسطة:
انا لسه ممون امبارح
Egy
مفيش ازمة