خالد صلاح

برعاية سوبر كورة

سوبر كورة

"وشوش" قصيدة جديدة لـ"طارق سعيد أحمد"

الأربعاء، 07 سبتمبر 2016 08:00 م
"وشوش" قصيدة جديدة لـ"طارق سعيد أحمد" الشاعر طارق سعيد

مشاركة

اضف تعليقاً واقرأ تعليقات القراء

 

1

الوحيد

بيصب جسمه

فى جزمته

كل يوم

رهان بسيط

يشوف

النهارده جديد

زى بكرة

وامبارح

3 شوارع

ماشى فيهم كل يوم

ومش زهقان

 وشوش

بيغير فيهم زى قمصانه

ما دابوش

بس قلبه اتهرى

وجرحه سارح

بتغمى عينك ليه؟

بتتكتف

لما وش بكرة يلتئم

فوق تفاصيل روحك

وجمجمتك

خايف تلمحك الفتارين

بهمجية

أو يصاحبك تمثال

سيمون بوليفار

لسه حابب الرصيف

يتغطى بيك

2

لسه حاسس بيك

ونس

والقمر زى ما هو

بليله

وزحفة النيل البطيئة

هى هى

حتى صوته الحنين

بيوشوشنى..دلوقتى

فاكر

الشجر اللى طارح توت

فى آخر الحارة

كان كل شىء فى عينك هين

ولا أى مكتوب على جبينك

ف إيدك الشمال تراب

وف اليمين ميه

وجيوبك مليانة فتافيت

سكر نبات

وشوكولاتة

ولبان.


مشاركة

اضف تعليقاً واقرأ تعليقات القراء

الموضوعات المتعلقة


لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة