خالد صلاح

برعاية سوبر كورة

سوبر كورة

محمد صلاح العزب

عفاف شعيب تحمى مصر من الأعداء

الثلاثاء، 06 سبتمبر 2016 10:00 ص

مشاركة

اضف تعليقاً واقرأ تعليقات القراء

عفاف شعيب تحمى مصر من الأعداء

هل تعلم حضرتك وأنت تعيش حياتك بطريقة عادية، أن أحد الشيوخ تقدم للفنانة عفاف شعيب لطلب يدها؟، لكنها رفضت رفضًا قاطعًا لأنه - بحسب ما قالت - من أعداء مصر، وتسبب فى حدوث مصائب كثيرة فى البلد! تعرف انت الموضوع ده؟!.. طب هل تعلم أن عفاف شعيب هاجمته بعد أن عرفت حقيقته، وطلبت منه عدم الاتصال بها مرة أخرى.. تعرف؟! والله ولا انت تعرف، ولا الحكومة تعرف، ولا حد حاسب «العدو» ده على كوارثه، بس أبلة عفاف عرفت لوحدها، وعاقبته أشد عقاب، وحرمته منها ومن الريش والبيتزا التى كان سيعوم فيها لو لم يكن من أعداء الوطن، الله ينور يا فنانة.

 

اسألنى: ليه اختيار وزير التموين اتأخر؟!.. وهجاوبك

بص يا سيدى، رئيس الوزراء أعلن عن اختيار وزير التموين الجديد خلال أيام خلفًا للوزير المستقيل خالد حنفى، وهنا ممكن حضرتك تسأل: طب ليه الموضوع هيستغرق أيام للبحث عن وزير جديد؟!.. حقك طبعًا، أنا هقولك بيتأخروا ليه.. الموضوع مش سهل، لكن بنظرة عامة على الحكومة تقدر تفهم سبب التأخير، طبعًا هتلاقى أسماء كتير جدًا مرشحة للوزارة، وممكن كلهم يبقوا وزرا، ومفيش أى مشكلة، لكن طبعًا اختيار الوزير الأفشل، وصاحب أسوأ أفكار ممكنة، وأكثر تصريحات مستفزة، أكيد بياخد وقت، انتو حاسين بحاجة؟!.. إنها مهمة صعبة، ولكن الحكومة قدها وقدود.. ربنا معاهم يا رب.


مشاركة

اضف تعليقاً واقرأ تعليقات القراء

التعليقات 8

عدد الردود 0

بواسطة:

مصراوي

الصبر

ربنا يصبرنا عليك بجد انت ممل ملل اكثر من ميلودي

عدد الردود 0

بواسطة:

احمد حسن

لماذا تقحم السيدة المحترمة عفاف شعيب في طرحك لفكرة معينة

السيدة عفاف شعيب أشرف وأطهر من كثيرين سرقوا قوت الشعب وأحلامه ويتمتعون داخل مصر وخارجها

عدد الردود 0

بواسطة:

عادل

سواد x سواد

أ. محمد .. مفيش حاجة عجباك لا فنانة .. ولا حكومة .. وكأنك تملك مفاتيح كل الحلول .. ربنا يحقق لمصر علي ايديك وقلمك كل التقدم والرقي والازدهار .. اللهم آمين

عدد الردود 0

بواسطة:

مواطن مصرى

يجب اعتماد الوزراء الجدد من رئيس الجمهوريه

فى انتظار قدوم الرئيس السيسى من الخارج و ترتيب اجنده اعماله لعمل مراسم اليمين الدستورية للوزراء الجدد و غالبا بتكون بمقر قصر الاتحادية بالقاهرة يا ترى وصلت

عدد الردود 0

بواسطة:

عايدة

اللة ينوز عليك

اللة ينور عليك استاذ محمد صلاح العزب في موضوع اختيار وزير التموين صحيح الحكومة قدها و قدود

عدد الردود 0

بواسطة:

نيوزى الشيخ

اضافة جديدة

انا واثق ان كلامك كله هيتحقق ان شاء الله والحكومة مش هتخيب ظننا ابدا ....والله اكبر فوق كل معتدى

عدد الردود 0

بواسطة:

ehab fadel

انتظرو ولا تكونو من مسبطى الهمم

الحكم المسبق على الوزير القادم بأنة سيكون الافشل وصاحب أسواء افكار ممكنة واكثر تصريحاتة مستفزة عمل غير اخلاقى

عدد الردود 0

بواسطة:

طارق

متى يكف اهل الكلام عن الكلام

انا ادعو الله ان يوفق المسئولين لاختيار حضرتك فى اى منصب وزارى حتى نرى انجازاتك فى الفعل مش فى الكلام

اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة