روت أسرة "شريف"، أحد ضحايا المركب الغارق فى رشيد منذ أيام، لكاميرا "على هوى مصر" الذى يقدمه الكاتب الصحفى خالد صلاح، على فضائية النهار one، معاناتهم بعد الحادث الأخير، حيث قال شقيق الضحية، إن "أصحاب المركب جمعوا أشخاص وحطوا أعداد أكتر فى المركب وغرقت".
أما والد "شريف"، فأوضح أن ابنه "سافر مرة قبل كده ورجع من رشيد قبل العيد، وسافر المرة التانية وحدث ما حدث".
وروى تقرير آخر بالبرنامج، مأساة أخرى لأحد ضحايا مركب رشيد الغارقة، لشاب يدعى كريم حسان "البكرى" كما وصفه أبيه، الذى قال لكاميرا "على هوى مصر"، "اتصل عليا وقالى أنا مشيت مع العيال اللى مشيوا، والساعة 5 لقيته بيضرب التليفون عليا ويقولى يابا إحنا بنغرق، والحقنا يابا"، وتابع:"إنا أسرة 7 أنفار وكان كريم بيجيب 20 جنيه فى اليوم ومكنوش بيعملولنا حاجة، فقالى يابا أنا هخلع مع العيال اللى بتمشى، وإحنا لو لينا أكل عيش ومدخل رزق كان ابنى مات هنا!؟ والله ولا عندنا محافظ ولا مسئول فى كفر الشيخ بيسأل عننا.. حسبى الله ونعم الوكيل".
من جانبه قال الكاتب الصحفى خالد صلاح، إن أكثر ما يستفز المواطن فى هذا الأمر، هو عدم زيارة رئيس الوزراء المهندس شريف إسماعيل، لموقع حادث غرق مركب رشيد على الإطلاق، مضيفا:"أكتر حاجة تستفزك إن رئيس الوزراء مرحش رشيد لحد دلوقتى"، وتابع:"إحنا عاوزين حل يطبطب على الناس دى شوية ويدى أمل للأهالى، كمان أكتر حاجة تستفزك إن محافظ الشرقية مش بيقابل الناس رغم شكاوى المواطنين".
عدد الردود 0
بواسطة:
Tawfek@yahoo.Com
والد الطفل
لابد من محاكمته جنائيا .لانة هو المتسبب في قتل ابنة وهو ايضا الذي اعطاه الاف الجنيهات.ولا تعاطف مع هذا الاب الطماع والقاتل.
عدد الردود 0
بواسطة:
مصرى حر
مين اللى يطبطب على مين؟
رءيس الوزراء يطبطب على اباء يوافقون على هلاك ابناءهم القصر من اين لهم بالاف الجنيهات يدفعوها للسماسره وبعدين يقولوا احنا مش لاقيين ناكل ياجماعه هذا هو الطمع والجشع وعدم الرضا.. المفروض ان الشعب اللى يطبطب على الرءيس ورءيس الوزراء لانهم شايلين هموم 90 مليون فرد وفساد منذ 40 سنة.
عدد الردود 0
بواسطة:
Samy
النعامة
نحن مثل النعامة ندفن رؤوسنا ولا نواجه انفسنا. الاب مسكين لكنه كاذب لا يوجد اي عمل ب 20 جنيه في اليوم اقل عامل بسيط ب 70 و 80 جنيه في اليوم. ثم من اين اتي ب 30 الف تكلفة ارسال ابنه للموت علي المركب ؟ واخيرا الكارثة الكبري ان حلم الشباب في الزواج من اجنبية و ان البنات في اوروبا بيجروا خلف الشباب المصري هو المحرك الاول للسفر قبل الاموال و حلم الثراء. فوقوا
عدد الردود 0
بواسطة:
مصطفى
تعليق رقم واحد
كلامك صح 100% واللة العظيم مصر فيها ابواب رزق كتير وتحتاج للسعى و الصبر لاكن الناس دى عايزة الكسب السريع والسهل ---- الناس محتاجة تثقيف وتوعية *** يارجال الاعلام انشرو الوعى هذا دوركم بدل الكلام فى خلافات الفنانبن ولاعيبى الكرة والسلفين والاخوان ارجوكم انشرو الثقافة و الوعى على الصفحات وعلى الشاشات
عدد الردود 0
بواسطة:
اشرف سلامة
هذا هو المتهم الأول - وبالطبع لاهو ولا إبنه ضحايا
الوالد المحترم بيقول ان ابنه راح ورجع قبل كدة من رشيد ، يعنى عارف بالضبط السكة ماشية ازاى وابنه بيروح فين ويرجع منين - ومش راضى بالعشرين جنيه اللى إبنه بيكسبهم يوميا (بحسب كذبه) فدفع له 20 الف جنيه (على الأقل) عشان يطلع الرحلة الثانية - ودلوقتى لما المركب غرقت وابنه راح فيها ، طالع "يحسبن" على الحكومة والدولة ورئيس الوزرا و عايز يلبس البلوة دى للبلد وهو اول متهم فيها - كان اجدى باليوم السابع عرض هؤلاء البشر على إعتبارهم "متهمين" وليس ضحايا .
عدد الردود 0
بواسطة:
العمدة
لا يليق
كان الله فى عون اهالي المتوفين ولكن لا يليق بالاعلام مساعدة الاهالي في نشر الاكاذيب علي سبيل المثال ابو يومية عشرون جنيها عليك ان تطلب من اي عامل اداء اي عمل لك لتعرف اقل يومية لعامل كام في هذه الايام ولا يصح فرد مساحات كبيرة في الاعلام لهذا
عدد الردود 0
بواسطة:
العمدة
اعتذار واجب
اعتذر لليوم السابع عن التعليق بعنون لا يليق 2 حيث تأخر التعليق الاول بعنوان لا يليق فأست الظن بموقعكم بعدم نشر التعليق لنقده الاعلام لفرده مساحات لاهالي الضحايا للمتاجرة بأبنائهم وعليه وجب الاعتذار